Bitrus I 1:22 - Alkawali Woiwoyi

²² Nsaiye fye ɓa mi fya ye n na zai n tuge ala fya bugba zhan ya n tukwo ye yi, n nuwun yi, esa n fye ɓei kpema Kristi wa gni fye nyi, ntucenu fye ku kpe lalei ge fye ku yelo n jei, n bugbai gmanyi.

Bitrus I 1:22 ပူးပေါင်းရင်းမြစ်များ

Yohanna 15:17

Mi cei pma fya ye najeyi.

Yohanna 15:3

Wo la fye zhin aba nmi ɓeda yi, nmi da nfyei cici nyi.

Yohanna 17:17

Ze ɓa gyi-gyi-yi n gaiciya yi, oho ɓeda nu zhin gaiciya.

Yohanna 17:19

Mi la mihin ze gyi-gyi-yi ntu ɓa ɓo, nnabai ɓahin ɓa ze gyi-gyi-yi dna n gaiciya.

Atnu-tnuyi Aɓozhin 15:9

Wo to n gna yi tu lo n eyi atan-tasin nɓa yi m ntu ge wo la ɓa bugba zhanya ntu ɓa gaiciya ga ɓo ngye yihin.

Atnu-tnuyi Aɓozhin 6:7

A da Shekwoyi nabari abaho-bahoi. Aza n mwa ɓai ga gaiciya n Urushelima har du Ayahudiya yi aprist yi.

Aromayi 1:5

Nsayi ye dna n Kristi, ala Shekwoyi alheri zeya pu eyi alaifi da n yi to kunce lo yagwo kwo gmanyi n amin. Nsayi ye wo tnuyi nge yi lo anyi, yi gna aza vinya n na bai vinya, aɓo ayakwo n Shekwoyi ku zhin ɓa nabai ɓa ga gaiciya ɓa vi wo ɓo.

Aromayi 2:8

Ama wo ɓei ga aza tata n ɓa gni a papa n Shekwoyi gaiciya yi, ɓai zan-zan fi n na zokwo nukwoyi, aɓei ze Shekwoyi minagyi ya kpe ɓa.

Aromayi 8:13

Ntuge n fya vi kwo fye ku bwi, aɓa ta fye, ama dna n Zafun Gyi-gyi-yi iko fya ɓakwoya n kwa ɓenukwoi zhin yi fye ɓa pwo.

Akorintiyi II 6:6

Yi ku yihin tukwo wu ge, yi zhin Shekwoyi abara nu dna n yi zan-zan gyi-gyi-yi, n yeye gaiciya nya yi, n hakuri yi dna n Zafun Gyi-gyi-yi.

Agalatiyayi 3:1

O, a Galatiyayi, aza tna cei. Nyikadonu na dna fye kwoce ye, woi zhin fye ɓo n sun layiʼa? Gama fye ɓei zhin fyei gye Yesu Kristi efi pei-pei, n gye ma wufe hoto n Yesu yi tu woi fi tu n zundu.

Agalatiyayi 5:5

Ama, dna n Zafun Gyi-gyi-yi bma-zhin yi kpe ma Kristi ʼfi nu, wa kuyi alaifi ya, wa ze yi aza manayi n Shekwoyi aba.

Agalatiyayi 5:7

Fye ɓei zan-zan cewo, nykado nu la ɓo dna fye do, to fyei ɓa shan gaiciya vi ma?

Afisusuyi 4:3

Fye zhin atna fya fa Zafun Gyi-gyi-yi wa dna fye n zokwo nlonu fya sa-se n najei n bugbafu yi.

Afilibiyi 1:9

Emi aduwa zhin ga fye ekwo nu fya nu n Shekwoyi ye-yei na za aba, fya gyi abye n mwa-mwa yi dna n Zafun, n awyega yi.

Atasalunikayi I 3:12

Fa Dagayi wa zhin ofye yeye kwa mwa lo abye-abye, kwa nu, kwoi gyiya ga efye azaje n na azayi vinya, shi eyi ye-ye ɓe fye aba nyi.

Atasalunikayi II 1:3

Omi azaje, Shekwoyi godiya zhin ntu fye ɓo kwo to zhin ɓe mana nu kawain, eyi tnu-tnu nu n Shekwoyi aba, ntu fye gaiciya ga mwa-mwa yi ɓo, ntu ofye ye-ye ɓo n kwo mwalo n na aje aba nyi.

Atasalunikayi II 2:13

Ama tilas ya zhin Shekwoyi godiya cici ntu fye ɓo, eyi aza je n Dagayi ye fye nyi, gama Shekwoyi a ɓei kni fye tunyi n sapa, wa ga fye gni-gni, woi zhan fye ya n Zafun Gyi-gyi-yi ntu fye kpema ɓo n gaiciya.

Timatawus I 1:3

Shi mi ɓei da esa n mi ɓei lo Makidoniya nyi, la dna n Afisus ha zhin atna ha kma aza n ɓa wu nya akata nya nyi. Ku oɓa asita n ɓa abyetnuyi ce n ɓa nubo-zhinyi n ge a ɓa gni aza dna n na aɓe a desi n na malaikai ɓei sido n Shekwoyi abye n ɓato n na akpegnin bayin. Anubozhin n na aɓe mwi deye pya zhin ɓa la aɓena kala. Maimakon ɓa bma aza zhin ɓa gwo Shekwoyi shiri gaiciya ga nya.

Timatawus I 1:5

Enya n kwo womi pwa lo kwonu ge a Yesu-viyi n ɓo vinya ɓa ku nu n ye-yei n kwo gmi n na bugba gyi-gyi-yi oɓa bemwi n gyi-gyi-yi, oɓa gaiciya ga kwa bwa kala.

Timatawus I 4:12

To ye zaho wa ci ho wyegba ntu ge hoye zhin ɓinuyin. La ze ɓa ɓemwi-tu nya. Fa ɓa vi ho nya wu n ho ase-sei, la ze ɓa efye dna n yeye, nho gaiciya gayi, nho aɓonubazhin manayi.

Timatawus I 5:2

Zhin anyikwoza anyigbakwoyi ɓo ngye oho aya, aɓi anyikwoyi n gye oho amapui, hoi zhin nubo manayi n ɓa tukwo.

Timatawus II 1:14

Mi ye ha gu kpezhin, cauta dnagmayi n Shekwoyi wa gaho nyi, n ho ɓei gwo n Zafun Gyi-gyi-yi aba n wo dna n ho mi nyi.

Aibraniyi 11:8

Ibrahim kwa wo ɓei kpema Shekwoyi sosai. Dna n gaiciya ga wa wo Shekwoyi begye. Shekwoyi ɓo gna wo ge wo fa wa yi wa lo ekni do. Shekwoyi ɓo ku gna ge wo ɓa ga Ibrahim ekni yi. Wo ɓolo, to woi kpe aba n wo lo m.

Aibraniyi 13:1

Yi ye najeyi ntu ge yi zhin gmanyi-gmanyi nu.

Aibraniyi 5:9

Ntu deye ɓo wo ɓei la ze oza nunuyi. Woi ga aza nɓa vi wo ɓo gni-gni nyalo-nyalo nya.

Aibraniyi 6:10

Shekwoyi ta gyi za fim wo ta gyi za atam. Wo ku yeye gye, n fye wu aza ntu wo ɓo nyi, wo ta ze ko amwim. Fye gyi abye lonu.

Aibraniyi 9:14

Amma Shekwoyi nugun ami gyi-gyi-yi du oɓa nyalo. Zafun ɓei zhin woi bma wo zhin, owo ami n kala yi lo. Kwo ɓa shan yi do kwapmi ya bugba bma, kwa zhan yi alaifi ya. Kwo la ednawo gmiyi ya ntu na awyindna ɓo, kwo ga yi kala ntu ge ya zhin wo atnu-tnu.

Yakubu 1:21

Ntu cenu fye la anya nukwoyi kunya nfye awye-wyeyi nɓa to bmiyan, n na ɓo yi n ɓa she fye kna, fya gba fyehin tukwo fya dagma shi fye la nabari manayi woi-woi gwo, gama kwo ɓami kwa gni yi awyewyeyi, ngye shi kwo shi yi abugba bwa nyi.

Yakubu 4:8

Esa n ha ɓe viwyi n Shekwoyi, Shekwoyi ɓa wo viwyi n hoi. Fye la abwana nfye a laifi, fya fa Shekwoyi wa nu fye abugba, wa ze ɓa agyi-gyi-yi, agaiciya da n wo aba.

Bitrus I 1:2

Oma nugundo, Shekwoyi Dada ɓei kni fye tunyi n sapa, Wa ku pma kpe ge fye ɓa ze owo aɓi, Zafun Gyi-gyi-yi lo tnu-tnu lo n fya bugba mi woi zhan fye ya n Yesu Kristi ami yi, woi zhin fye fyei zhin oɓo kwo dawo, alheri n bugba-fuyi ɓa la lakpe nfya ba.

Bitrus I 2:17

Ga zaho-zahoi mwa-mwa, Ye n na Yesu-viyi yi nbwaho-bwahoi vinya, wo Shekwoyi dna, ha ga gwamnati mwa-mwa.

Bitrus I 3:1

Anyikwoza, fye vi fyaɓa ɓo, n nabai kwo to ɓai kna tnubua n Dagayi ɓeda nfye gnaɓa nyin, ɓa ye abui ntu fye ɓovi ɓo n hali manayi. Ofye hali manai ɓa gna ɓeda nɓai afa ɓeda n ʼgbeyi.

Bitrus I 3:20

a zafun aza nya nu tunyi dna n Nuhu anyipyei, n ɓa to ɓei wo Shekwoyi nyin ko da yake wo ɓela pmi ɓa dna bugbabwa esa n Nuhu ɓei ji eya nyi. Ama aza ngun nyimwa-nyimwa nu ɓei bwa pwo, to ɓa bwi nuwan yakwo yim.

Bitrus I 3:8

Nsaiye ɓeda ye kwo ɓe fye abanu vinya. Fyeku ze ngye puwa yakwo ɓai dagma, fyei gye aje sun-sun fyei ye najei n bugba manayi n tukwo-gba yi.

Bitrus I 4:17

Ntuge esalasi wada nya, tilas kwa ya n Shekwoyi aɓiyi nu. Tunda aɓa da a Yesu viyi owa, aza n ɓa to ga Dagayi gaiciya nyi ma, a ɓei ka zozo nɓai wuna?

Bitrus I 4:8

Nya kwo du vinya, fye gyi abye fyei wu aje ye-ye dnagmai ntuge yeye zhin kwa pui alaifi nya mwa begye.

Bitrus II 1:7

Deye nu ɓa zhin fya wo azaje agmada, fya yeɓa ce har n shince n ʼkni yj.

Yohanna I 3:11

Gama nabari n yi ɓei wo tunyi n kmisunyi, okwonu ge yi ye n na ajeyi.

Yohanna I 3:23

Enya nyi n Shekwoyi wa gna ge yi zhin, Yi ga gaiciya n Yesu Kristi owo Nugun eye, ya ye n na jeyi.

Yohanna I 4:12

Gama kwo da yake yi to shin Shekwoyi gyen, esa n ya ye n na ajeyi, Shekwoyi dnalo n yi, owo ye-ye n yi mi kwa dnakala lo abye-bye.

Yohanna I 4:20

Ndei oza gna ge, “mi ye Shekwoyi lo” ama woi wun owo zado nun, wo zhin za kata nu, woɓa ye Shekwoyi n wuna n wo to shin wo gye-nyin, ndei wo ta ye wo zado lo n wo gyewo wye nyin ma?

Yohanna I 4:7

Emi anugundo, yi tumwi ya ye n na ajeyi, gama ye-ye gmi n Shekwoyi abanu, aza nɓa ye n na zayi, ɓai zhin ɓemana ɓa wunu ge ɓa zhin Shekwoyi aɓi nu, ɓai zhin atnalo ɓaye kpewo ye lo na bye.

YOHANNA ƁEWYEGYE 2:4

“Amma enya lo gmanyi n kwo wunya lo, ho ye milo ngye kmisunyin.