Bitrus I 1:21 - Alkawali Woiwoyi

²¹ Ntu cenu efye gaiciya ga nyi n Shekwoyi nu n wo ɓei la Kristi kala n efi, wa gawo mwa-mwa n jesun nyi. Nsaiye efye gaiciya ga n na wyetui ɓa bwa kpema n wo nu gmanyi.

Bitrus I 1:21 ပူးပေါင်းရင်းမြစ်များ

Matta 28:18

Yesu wa gna wo abara, “Iko vinya n ʼshe ɓedo na nyi yi, a la ga Mi.

Yohanna 12:44

Yesu wa daɓo n begye kalayi wa gna “Oza nwa ga mi gaiciya wo ga Shekwoyi nu gaiciya nwa tnu nmi-i nyi.

Yohanna 14:1

A Bugba kwo to wun fyem. Fye ga Shekwoyi gaiciya, fya ga mi gaiciya njesun.

Yohanna 14:6

Yesu wa gna wo ge, “Omi nu zhin zokwo, n gaiciya yi n wye-wyeyi. Zaho-zahoi ta mi wa lo Dada abam, sai wa e mi aba kpa.

Yohanna 17:1

Esa nu wo ɓo la pwo aɓeda ye da ɓo, Wa kpe awye shi nshe wa gna, “Dada! Esa la si ha la ho Nugun tu. Nabai, Nugun nwohin wa la ho tu.

Yohanna 17:24

Dada, mi ye aza no ku ga mi nyi, ɓa sase aba nmi nyi, ɓa gye mi mwa-mwa wye, mwa-mwa n ha ga mi ntu ge, ho ye mi tunyi to ai zhin anyi m.

Yohanna 17:5

Nsaiye, Dada, la mi tu nho aba, n latu pyai nmi ɓei cei shin sun nhoi, tunyi to ai zhin anyi nyim.

Yohanna 3:34

Yesu n Shekwoyi wa tnu woi nyi, wo da owo aɓeda nu; Shekwoyi la Zafun gawo ntna cezhiba.

Atnu-tnuyi Aɓozhin 2:24

Amma Shekwoyi ɓo la wo gmi n wahala har wa wo laka n vingwo. Efi to zhinwo nyaho m.

Atnu-tnuyi Aɓozhin 3:13

Shekwoyi Ibrahim nya, n Ishaku yi, n Yakub yi ɓedo n yi azakwoyi nyayi na zhin deye, wo la Yesu ga mwa-mwa ntu aɓeye ɓo. Yesu n fye ɓo na wo aɓo n Bilatus abye nyi kwo shi ko nyi Bilatus ɓo la ye wa lo wo ya nyi.

Atnu-tnuyi Aɓozhin 3:15

Fye ɓo la wye-wyei Dagayi wu, ama Shekwoyi ɓo la wye-wyei gawo njesun. Yohanna n mihin yi zhin aseda da nu gama yi ɓei ku wo gye n wye-wyeyi.

Atnu-tnuyi Aɓozhin 4:10

Ya zhin deye dna Yesu ye nu, Wo nu zhin Kristi n fye ɓo zundu nyi. Amma Shekwoyi ɓei la wye-wyei gawo, owo iko na zhin ce, ko kunce lo fya kpe lo nu.

Aromayi 10:9

Ntuge n ha gna aza n ho gbeyi nge Kristi Yesu nu zhin ho Dagayi ha ga gaiciya nho bugbami nge Shekwoyi lawo laka n vingwo, ho ɓa pwo.

Aromayi 4:24

Kwo zhin eyi nyanu, kwo wuyi ge Shekwoyi ɓa gwo yi n zokwo gmanyi, shi wo ɓei gwo Ibrahim nyi–sanu n ya ga Shekwoyi alkawali gaiciya, n wo ɓei la Yesu eyi Dagayi kala n efi nyi.

Akorintiyi II 6:15

Kristi n Shetan yi ɓa ye na jeyi n wuna? Yesu-viyi n kni nu lo n wo ɓa gni zhin n tna-viyi a?

Afisusuyi 1:15

Cenu zhin, tunyi esa n mi ɓei wo fye gaiciya ga ɓo dna n Dagayi Yesu, n ye-yei nfye wu a Yesu viyi n nna aba vinya nyi.

Timatawus I 1:1

Wasika ye kwo gmi n Bulus akun nu, Waʼazi zhin yi Yesu Kristi nya, n Shekwoyi eyi gniyi n Yesu Kristi eyi Dagayi–eyi awyetu.

Timatawus I 3:16

Kwo zhin gaiciya nu asese manayi dna n Shekwoyi, kwo to zhin oɓo fafayi nun, amma amsa lo n Kristi, n wa ze zanyikwoci wa ɓe anyi, a gye wo n gyi-gyi n tna laifi dna n wo Zafun, amalaika ɓa zhin wo bauta, a zhin wo waʼazi n anyi vinya, aza gwowo n na aba vinya laɓa, a gwo wo njesun wo lo eshemi.

Aibraniyi 2:9

Ama yi gye Yesu lo n wo ɓo la ze ngna amalaika gba. Nsaiye dei Shekwoyi la wo latu, woi la wo ga mwa-mwa ntu ge wa fi ntu yi ɓo. E, ntu Shekwoyi yeye ɓo Yesu wa fi ntu zaho-zahoi ɓo n nanyi.

Aibraniyi 6:1

Ntu cenu yi shi ɓeda bwa n yi ku wo nyi wato Yesu wuwu, to ya wu kwo nu cici m, ama yi gyi abye dna gni-gni zokwo har ya mwa. Atnu-tnu ta mi ɓa gni yi m, ntu cenu, yi mi zhi dna gaiciya ga. Yi ku atnu-tnu anayi nya fa. Ɓa ɓa lo yi na bwi-bwi ba.

Aibraniyi 7:25

Gni-gni nwo ga nyi, kwo nu-nuyi lo njesun kwo zhin nyalo-nyalo nya nu. Yesu nyi nyalonyalo. Ntu cenu Yesu ɓa mi wa gni aza nɓa ɓe wa ba nyi. Wo zhin wa gyi Shekwoyi wye ntu yi ɓo.

Bitrus I 1:11

Ɓa ɓei ye ɓa kpe esa ye n ʼza yi n Kristi Zafun, nkwo ɓei dna ɓami nyi, ɓai daɓo tu n ɓa tukwo, esa wo ɓei gna ɓa ge ɓaka nya tu n Kristi azhingye tukwo n latu yi nkwo ɓa vi azhingye yi nyi.

Bitrus I 1:3

Mwa-mwa vinya Shekwoyi nya nu n Dadayi, eyi Dagayi Yesu Kristi nya, ntuge owo sun-sungye tnazoyi nu na gayi esa a shan yi ma. Nsaiye yi sase n na awyetu wye-wyeyi nyalo-nyalo nya yi, ntuge Kristi ɓei la laka n efi.

Bitrus I 3:22

Nsaiye Kristi dnalo n ʼshe, n sase tu n mwa, mwa aba n Shekwoyi bwai-zhe-bwa, amalaika, n na iko yi n ʼshe mi ɓa yazhi lo n wa bye ɓai vi wo ɓeda.