Bitrus I 1:20 - Alkawali Woiwoyi

²⁰ Shekwoyi ɓei kni wo tunyi n sapa to ai zhin anyin, ama n na anyipyei kmaknayi ye kwa ze anabarka n fya ba.

Bitrus I 1:20 ပူးပေါင်းရင်းမြစ်များ

Matta 25:34

“Emihin Esu mi ɓo gna aza nɓa zhi nmi bwaizhe ge, Fye ɓe anabarka da emi Dada nya, fya lo ebe mi na ɓo zhin shiri ntu fye ɓo tunyi to ai zhin anyi nyi m.

Aromayi 3:25

Shekwoyi wa tnu n Yesu yi ntu ge, wa ze doshan nya nya ntu oyi alaifi ɓo, ozaho-zahoi nwa ga gaiciya aku gafara zhin wo. Shekwoyi wa shin deye ntu ge wa wu ge wo zhin ɓefyecei nu, nsa avun nya, wo ɓei la bugba bwa n laifi-i, to wa ga aza ta-ta m

Aromayi 8:29

Ntuge, tunyi n kmisunyi, Shekwoyi ɓei ku da aza vinya n ɓa ɓe wo aba, wo ɓei n cei pma-kpe aza nɓa ɓa ɓe–ɓa ze ngye owo Nugun, n na bai owo Nugun wa ze oza kmisunyi dna nwo azaje.

Agalatiyayi 4:4

Ama sa n sa manayi ɓo la si, sa n Shekwoyi ɓei kni, wa tnu n wo Nugun yi n nyikwoza ba, n na Yahudiyi mi.

Afisusuyi 1:10

Owo nufi nu nyi, nge sanu nsa lasi wo ɓa yei zhi n gnisun, aba n yi nyi vinya n eshe kwo n anyi, ya gnisun n woi dna Kristi nyalo-nyalo.

Afisusuyi 1:4

Tunyi n sapa, to ai zhin anyi n, Shekwoyi wa kni yi n na bai ya ze wo nya, ntuge wa zeyi aza agyi-gyiyi n wo awyeba, ntna laifi, eyi n yi gni-agni zhi n wo abye n wo ye-yei pwi.

Afisusuyi 3:11

N zokwo n wa zhinkwo shiri dna n Yesu Kristi eyi Dagayi nyi.

Afisusuyi 3:9

Ma wu aza vinya nge Shekwoyi nu zhin abyedo gniyi ce, shi oza n wa zhin anya vinya nyi, wa zhin shiri tunyi n sapa.

Akolosiyi 1:26

Wo ɓei nwo asiriyi soshi tunyi n sapa, ama kwa dawo wa gna aza n ɓa yewo ɓai se-ase ntu n owo ɓo, n mwa-mwa yi anabarkayi owo shiri nya ɓa zhin fye nya nu. Asiriyi nu nyi, Nge, Kristi n efyemi, owo nu zhin efye awyetu, n mwa-mwa yi.

Timatawus I 3:16

Kwo zhin gaiciya nu asese manayi dna n Shekwoyi, kwo to zhin oɓo fafayi nun, amma amsa lo n Kristi, n wa ze zanyikwoci wa ɓe anyi, a gye wo n gyi-gyi n tna laifi dna n wo Zafun, amalaika ɓa zhin wo bauta, a zhin wo waʼazi n anyi vinya, aza gwowo n na aba vinya laɓa, a gwo wo njesun wo lo eshemi.

Aibraniyi 1:2

Ama nsaiye Shekwoyi daɓo yi n wo Nugun ʼgbe Yesu. Anya vinya wo nu zhin ɓa gado gyiyi. Owo nu na zhin ɓa.

Aibraniyi 2:14

She yi zhin nayi n nami yi nyi, wohin wa ze lo nu. Ntu ge wa wu Shetan n wo ikoyi, efi nya yi.

Aibraniyi 9:26

Shekwoyi ta ye sadaka ye cici nu m. Dole nu Yesu wa ga wohin zun gmanyi. Owo sadaka ɓei la eyi tata goya.

Bitrus I 1:2

Oma nugundo, Shekwoyi Dada ɓei kni fye tunyi n sapa, Wa ku pma kpe ge fye ɓa ze owo aɓi, Zafun Gyi-gyi-yi lo tnu-tnu lo n fya bugba mi woi zhan fye ya n Yesu Kristi ami yi, woi zhin fye fyei zhin oɓo kwo dawo, alheri n bugba-fuyi ɓa la lakpe nfya ba.

Yohanna I 1:2

Oza deye n wo zhin wye-wyeyi nyi, woi gmi n Shekwoyi aba nyi, aku wo wuyi, yi zhin seida ge yiku gye wo. Mi da Kristi nu ɓo, n wo zhin wye-wyeyi nyalo-nyalo nya nyi, wo ɓei kunsun n Dadayi a wuyi wo.

Yohanna I 3:5

Fyei kpe lo ge wo ɓei la ze zanyikwoci n na bai wa ku yi alaifi ya, woi to n laifi owohin nyan, wo to na Shekwoyi ɓeye zhin ɓo nsaho-sahoyi n, n zokwo doho-dohoyin,

Yohanna I 3:8

Ama n fya gyi abye n ɓenukwoyi zhinyi, kwo wunu ge fye zhin Shetan nyanu, oza n wo ɓei ya laifi zhin to wa shan ka nkwon, ama Shekwoyi Nugun ɓei ɓe ntuge wa wun shetan atnu-tnu ya nu.

YOHANNA ƁEWYEGYE 13:8

A zanyikwoci vinya, na ato n ɓa aye yi kafi n kugya wu-wuyi Littafi wye-wyeyi nya kafin anyi zhi san, ɓa ga Nyawan-nyawan nukwoyi mwa-mwa.