Bitrus I 1:2 - Alkawali Woiwoyi

² Oma nugundo, Shekwoyi Dada ɓei kni fye tunyi n sapa, Wa ku pma kpe ge fye ɓa ze owo aɓi, Zafun Gyi-gyi-yi lo tnu-tnu lo n fya bugba mi woi zhan fye ya n Yesu Kristi ami yi, woi zhin fye fyei zhin oɓo kwo dawo, alheri n bugba-fuyi ɓa la lakpe nfya ba.

Bitrus I 1:2 ပူးပေါင်းရင်းမြစ်များ

Matta 24:22

“Gaiciya ndei a to ce anyipyei hi zunya n, aza vinya ɓo ku zo fi. Ama a ɓo la ɓa ce zunya ntu Shekwoyi aza kni-kniyi ɓo.

Matta 24:24

Ntu ge Akristi akatayi ɓa kun, ɓedo anabi akatayi, ɓai ɓo zhin aɓo wowo har ge koi ye zhin nu, aɓo ku Shekwoyi aza kni-kniyi dna koce.

Matta 24:31

N ɓo tnu emi amalaika yi, n kasun a knaknaci nya yi, ntu ge ɓa ye emi aza akni-kniyi zhi anyi cezhi ba vinya.

Markus 13:20

N Shekwoyi nu to ɓei ce anyi-pyei a nukwoyi zunyam, wye-wyei gmanyi to ɓei pwom. Ama ntu Wa za kni-kniyi ɓo, Wo ɓei ce anyi-pyei zinya.

Markus 13:22

Ntuge a Kristi akatanya ɓei knu n na anabi akatanya yi n ɓa ɓei zhin aɓo a wowoyi ɓai dna aza kwoce, n kwa yezhi har n Shekwoyi aɓi yi.

Markus 13:27

Nsayi, Miyi tnu amalaika ɓai ye Maza ʼkni-kniyi zhi n nanyi mi vinya.

Atnu-tnuyi Aɓozhin 15:18

Dagayi kpe wo shiri vinya, Wo ɓa mi wa zhin aɓo ngye shi wo shiri nyi tunyi nkmisun-yi.

Atnu-tnuyi Aɓozhin 20:32

N sayi ma fa fye n Shekwoyi akun n wo ɓeda yi, n kwo iko yi kwa mi fye gaiciya ga, wa ga fye gado anabarka nwo cei zhin shiri a owo aza nyi.

Aromayi 1:5

Nsayi ye dna n Kristi, ala Shekwoyi alheri zeya pu eyi alaifi da n yi to kunce lo yagwo kwo gmanyi n amin. Nsayi ye wo tnuyi nge yi lo anyi, yi gna aza vinya n na bai vinya, aɓo ayakwo n Shekwoyi ku zhin ɓa nabai ɓa ga gaiciya ɓa vi wo ɓo.

Aromayi 11:2

Awo, Shekwoyi to yawo aza n wakni tunyi n sapan, fye pa ɓolo n littafi a da tu ɓeye tukwo? Anabi Iliya ɓei cibwi kpe Shekwoyi ntu n na Yahudiyi tukwo, shi a ku Shekwoyi anabi wu, ai la Shekwoyi a bagadi ɓaya, Iliya ɓei gye ge owo nu bwa cedna n knihin n wo gmanyi woi ye Shekwoyi, ɓa zhin a tna ɓa wuwo n wohin.

Aromayi 11:28

Nsaiye, a Yahudiyi n mwa begye zhin anuwuyi nu nabari manayi nya. Degye n la ze gyiba nfye aba, ntuge kola ɓe efye abyedo n Shekwoyi cauta yi, Har nsaiye a Yahudiyi zhin Shekwoyi aza yeyeyi nu, ntu n wo alkawali ɓo n wo ɓei zhin Ibrahim, Ishaku n Yakubu yi nyi.

Aromayi 16:19

Ama zaho-zahoi kpelo nge fye gni-a-gni lo cewo dna n gaiciya. Deye dami a gmalo. Miye fya sase cewo dna n nya n kwo bmiya, fya abwa kunya n nya n kwo to bmiyan.

Aromayi 8:13

Ntuge n fya vi kwo fye ku bwi, aɓa ta fye, ama dna n Zafun Gyi-gyi-yi iko fya ɓakwoya n kwa ɓenukwoi zhin yi fye ɓa pwo.

Aromayi 8:33

Nyikado ɓa da ɓeda nukwoyi tu n yi tukwo, Aza n Shekwoyi laɓa kni ɓa ze owo nya? Shekwoyi? Awo, owo nu na zhin yi gafara wa gayi agni-gni manayi n wohin yi.

Akorintiyi I 1:30

Ntuge n Shekwoyi aba nu gmanyi nfye wye-wyei yi lo dna Kristi Yesu. Owo na wuyi Shekwoyi shiri ntu gni-gni ɓo; Owo na zhin Shekwoyi Woi gwo yi: Owo na ze yi aza Gyi-gyi-yi, Wona ga Wohin tukwo Wa gni yi.

Akorintiyi I 6:11

Esa lo n na zaho ɓei bwa wu lonu n fye mi, ama n sayi ala fya laifi zhan ya, a la fye kni ntu Shekwoyi ɓo. Wo la fye gwo ntu nya ɓo n Dagayi Yesu Kristi n Zafun Shekwoyi nya yi wa zhin nfye ɓo.

Akorintiyi II 10:5

Akun kaya ye zhin ɓa bma tukwo mwa doho-dohoi ya, nkwo zhin gaba n Shekwoyi n nyai nkwo ɓa pmi aza awye ya nwo. Nna akun kaya ye yi nu, mi wan a wyenakpeyi ya, mi-i jezeɓe n ɓai n Shekwoyi aba, ai shanɓa do ɓa ze aza nɓa bugba ɓeye nu ge, ɓa vi Kristi ɓo.

Akorintiyi II 13:14

Alheri eyi Dagayi Yesu Kristi nya ko kunsun nfyei vinya. Shekwoyi ye-ye n Zafun jedoɓe yi ko kunsun nfyei. Amin.

Akolosiyi 3:12

Tunda Shekwoyi la fye kni, n wa ga fye wye-wyeyi woi-woi nyi, ntu n wo ye-ye lolo yi ɓo n fye aba, fye tu sun-sun-gye mwi, n bugbafuyi n na azaye n cei. Fye to damu n ɓei n ɓa ɓa dan, ama fye sin wahala dna n na atnazhin n hakuri yi.

Atasalunikayi II 2:13

Ama tilas ya zhin Shekwoyi godiya cici ntu fye ɓo, eyi aza je n Dagayi ye fye nyi, gama Shekwoyi a ɓei kni fye tunyi n sapa, wa ga fye gni-gni, woi zhan fye ya n Zafun Gyi-gyi-yi ntu fye kpema ɓo n gaiciya.

Timatawus II 2:10

Mi shiri lo ma sin wahala, ndei okwo nu ɓa ɓe n gni-gni yi, n mwamwa nyalo-nyalo nya yi, dna n Kristi Yesu ga aza n Shekwoyi n la ɓa kni nyi.

Titus 1:1

Wasika ye kwo gmi n Bulus akun nu, Shekwoyi fyenu, Yesu Kristi tnu-tnuyi.

Aibraniyi 10:22

Emi azaje, yi lo Shekwoyi aba n bugbayi guguyi ya. Yi ku gaiciya ga n ge wo ɓa gwo yi, ntu ge Yesu ami layi zhanya sarai. Zafun kwa woi zhan yi ya cici.

Aibraniyi 11:28

Wo ɓei ku kpe ge Shekwoyi ɓa gni wo aza, ntu cenu wa gna aza ge ɓa wu kugya ɓa pmiya kwo ami n na bokunmi she, sanu malaika efi nya ɓei duya wo to ɓo wu ɓa ɓi kmisunyi m. Amma puwa doho-dohoi nkwo to ɓei ami yi kpem, wa wu aɓi kmisunyi.

Aibraniyi 12:24

Fye ku ɓe Yesu aba n wo zhin yi viye yei n alkawali woi-woi aba nyi. Fye ku ɓe Yesu ami aba n ɓa zhin za gafara nyi. Owo ami du Habila nya lo. Habila ami ɓei zhin nya nu n na ɓa gbata.

Aibraniyi 5:9

Ntu deye ɓo wo ɓei la ze oza nunuyi. Woi ga aza nɓa vi wo ɓo gni-gni nyalo-nyalo nya.

Bitrus I 1:14

Fye vi Shekwoyi ɓo, ntu ge fye zhin owo aɓi nu, fye to jezelo fya zokwo kwokwoyi ɓenukwoyi zhin nyam, ntuge fye to ɓei zhin fyei kpe ɓemanai ye num.

Bitrus I 1:19

Ama wo ɓei gba n Kristi ami gyi-gyiyi nu, Shekwoyi kugya n tna laifi n tna ecigusa.

Bitrus I 1:20

Shekwoyi ɓei kni wo tunyi n sapa to ai zhin anyin, ama n na anyipyei kmaknayi ye kwa ze anabarka n fya ba.

Bitrus I 1:22

Nsaiye fye ɓa mi fya ye n na zai n tuge ala fya bugba zhan ya n tukwo ye yi, n nuwun yi, esa n fye ɓei kpema Kristi wa gni fye nyi, ntucenu fye ku kpe lalei ge fye ku yelo n jei, n bugbai gmanyi.

Bitrus I 2:9

Ama fye to wulo lonun, ntuge Shekwoyi la fye kni n wohin yi, fye zhin Esu a pirist nu, fye gyi-gyiyi lo n bmiya, fye zhin Shekwoyi anyanu, aɓeye vinya ntu ge fya wu aza shi Shekwoyi wa yi fye n wyegmaa mi woi lo fye fi n wo buzangna ɓewowoyi nya.

Bitrus II 1:2

Fye ye Shekwoyi alheri lo woye ga fye lo abye? To, fye tumwi fya kpe woye lo abye-abye.

Yohanna II 1:1

Wasika ye gmi n Yohanna byeda, zakwoyi ikklisiya nya aba nu, kwoi lo nyikwoza ye-yeyi aba n Shekwoyi wa kni nyi, n wo aɓiyi n mi ye n mwa nyi shi azaje ye wo dna ekilisiya nyi.

Yohanna II 1:13

Oho mapui, Shekwoyi oɓi knikniyi, owo aɓi ɓi ho gna lo.

Yahuda 1:2

Fa Shekwoyi alheri, bugbafu n sun-sungyei, ɓa mwa nfye aba lo abye abye.