Bitrus I 1:19 - Alkawali Woiwoyi

¹⁹ Ama wo ɓei gba n Kristi ami gyi-gyiyi nu, Shekwoyi kugya n tna laifi n tna ecigusa.

Bitrus I 1:19 ပူးပေါင်းရင်းမြစ်များ

Matta 20:28

Tile efya-ɓo zhin-zhin ɓa wu gye Mi nya, ntu ge Emi, Za Nugun, to ɓe ntu ge azhin mi bauta nu n, ama ma zhin bauta, ma ga mi wye-wyei ngye nya-doshan ntu naza begye ɓo.”

Matta 26:28

Deye zhin emi ami nu, tuze alkawali woi-woi nya. Aze ɓa ya ntu naza begye alaifi gafara zhin ɓo nu.

Yohanna 1:29

Sa n fye ɓei gyi, Yohanna gye Yesu woi ɓe, wa cige, “Fye gye kugya ɓiyi Shekwoyi nya nwo nu la alaifi anyi nya vinya nyi.

Yohanna 1:36

Wa gye Yesu woi ɓe. Wa shi wa wye daidai, wa cige, “Gye! Shekwoyi Kugya ɓiyi lonu.”

Atnu-tnuyi Aɓozhin 20:28

Suku-suku, fye kpa akni Shekwoyi nya wato owo ikklisiya nwa si n wo ami yi nyi, Zafun Gyi-gyi-yi na kni fye fya ze aɓo wyednayi.

Aromayi 3:25

Shekwoyi wa tnu n Yesu yi ntu ge, wa ze doshan nya nya ntu oyi alaifi ɓo, ozaho-zahoi nwa ga gaiciya aku gafara zhin wo. Shekwoyi wa shin deye ntu ge wa wu ge wo zhin ɓefyecei nu, nsa avun nya, wo ɓei la bugba bwa n laifi-i, to wa ga aza ta-ta m

Afisusuyi 1:7

Owo alheri mwa lo n yi aba har wa eyi alaifi kuya n wo Nugun ami yi, oza n wa gni yi nyi.

Akolosiyi 1:14

Nwa siyi n wo amiyi, wa zhin yi alaifi gafara vinya.

Bitrus I 1:2

Oma nugundo, Shekwoyi Dada ɓei kni fye tunyi n sapa, Wa ku pma kpe ge fye ɓa ze owo aɓi, Zafun Gyi-gyi-yi lo tnu-tnu lo n fya bugba mi woi zhan fye ya n Yesu Kristi ami yi, woi zhin fye fyei zhin oɓo kwo dawo, alheri n bugba-fuyi ɓa la lakpe nfya ba.

Bitrus I 3:18

Kristi ɓei ku wahala sin, wo ɓei fi bwa zungmanyi ntu eyi vinya alaifi ɓo. Koda-yake owo wohin tukwo wo to ɓei n laifiyi kwo gmanyi n, nnabai wa ɓe yi n Shekwoyi aba n tna Benukwoi. Koda-yake owo nayi ɓolafi, owo zafun ye n wye-wyeyi lo.

Yohanna I 1:7

Ama n yi zan-zan fi n buzangna Shekwoyi nya, shi Kristi ɓei zhin nyi, yi n jedoɓe yi lo n bugba buyi n na ajei, Yesu owo Nugun ami ɓa zhanyi ya na laifi vinya.

Yohanna I 2:2

Owo nu ɓei shin Shekwoyi minagyi n yi tukwo wa tu wohin, wa ga yi jedoɓe n Shekwoyi, owo nu zhinyi alaifi gafara, to ge eyi anya gmanyin ama har anyi nya vinya.

YOHANNA ƁEWYEGYE 1:5

N Yesu Kristi yi n wa nu egbe woi wuyi gaiciya vinya nyi. Owo nu zhin Kmisunyi n wo ɓei lakala n efi, to wa shan fin. Wo du esu dohodohoyilo n esayi vinya, n wa loyiya, n yi alaifi, shi wa ze owo ami ya ntu yi ɓo nyi.

YOHANNA ƁEWYEGYE 14:1

Nnavun magye kugya gni agni tu, n Sihiyona epe n gnisun n na azayi dubu tagyi n cei kpe shinyi cei anyi (144,000) nɓa ɓei nwo eye n wo Dada eye yi kakpe n ɓa anyikunmi nyi.

YOHANNA ƁEWYEGYE 14:5

Ata ce akata fi ɓan, ɓato n laifi yi lon.

YOHANNA ƁEWYEGYE 5:6

Ma shi awye magye, Kugya n gni-agni-gni n a tukwoda shiba cei anyi yi abye, n esu shinkpegye n a nya awye-wyeyi abye, kugya yi n na acigusai kpe n ɓa ɓei wu wo n sadohoi. Wo n na amwai tnaba, n na awyeyi tnaba, n ɓa zhin misali n na Zafun ngun tnabai Shekwoyi anya, n na tnu n cei n sepa dohodohoyi n na anyi.

YOHANNA ƁEWYEGYE 5:9

Ɓa kwo anyi woi ge, “ho kuncelo I hala takarda kmi-kmiyi. Ha lo hatimi ya ha gu kwo ya. Gama aɓei la ho zun sha, oho ami n la aza si gaho n na abye vinya, ngye nyaga ntu n Shekwoyi ɓo.

YOHANNA ƁEWYEGYE 7:14

Maci ge, Awo, Shekwo Mwasa, mi gyiho wye, ha gnami. “Aza nyi n ɓa kun n wahala Dnagmayi, ɓala oɓa aje zhanya n bui-bui fi n kugya ami.