Bitrus I 1:18 - Alkawali Woiwoyi

¹⁸ Shekwoyi ɓei gba efye shan-shan agyiwye ntuge wa gni fye n zokwo n kwo to ɓei ɓa lo fyei n ʼshen n fye azakwoi ɓei wan nyi, tagba n wo ɓei gbani zinarya nu ton kwo azurfa shi fye shin fye nya kpelo.

Bitrus I 1:18 ပူးပေါင်းရင်းမြစ်များ

Markus 8:37

Nyaho lo ndu ʼza wye-wyei?

Aromayi 1:21

E, ɓa kpe owo ɓe yelo, amma ɓato yen, ko ɓa gawo mwa-mwan, ko ɓa zhin wo godiya n tu nwo bmazhin ɓo fyegyi-fyegyin. Safyewyi, ɓaya a nubwozhin abanza nya shi Shekwoyi wu, n nyayi nwo ye ɓa zhin. Oɓa bugba tnaceyi kwa ze wyegma kwa ku jeje.

Akorintiyi I 3:20

Littafiʼa jeda dna Zabura ge Shekwoyi kpelo sarai shi zanyikoci zhin aɓo nubo wu, ɓai zhin a gboloyi nu.

Akorintiyi I 6:20

Shekwoyi ɓei la fye si n kona ko-kwoyi. Ntu cenu fye ga Shekwoyi mwa-mwa n fya nayi-yi, ntuge owa nya nu ɓai.

Akorintiyi I 7:23

Kristi ɓei la fye si n konantuce nu fye la loya n nanyi ye tukwo-mwa nɓa dnawo yi.

Agalatiyayi 1:4

Wa fi ntu yi alaifi ɓo shi Shekwoyi Dada ɓei zhin shiri, wa gni yi n anyi nukwoyi ye n yi fi n ɓa nyi.

Afisusuyi 4:17

Mi daɓo n fyei dna n Dagayi, fyeto shan ase-se ngye a tna viyin, ntuge awye nku ɓa bua, aɓo ku ɓa gmi aje. Oɓa bugba gu-guyi lo n nunuyi n wyegmayi, ɓa mwa kpalo n wye-wyeyi Shekwoyi nya yi, ntuge ɓaku ɓa bugba gu, to ɓa wowon, ɓa ta kpewo a zokwo ye lon.

Titus 2:14

Wo ɓei fi Zafun Gyi-gyi-yi nya n yi abugbami dna n Shekwoyi owa ntu yi alaifi ɓo nu, n na bai wa gni yi to ya je kayafi n laifi ci-ci, wa ze yi owo aza, n na abugba manayi n pwa wo yi, ya zhin azaje ɓemana.

Aibraniyi 9:12

Wo ɓei la wo ami nu wa lo n cei n naba gyi-gyi-yi. Wa ze ɓa kpe n shinkpegye sun-sungye nya, ena ami nu to n, Nyakpa dohodohoyi ami nu to n. Owo hin ami nu, owo ami ku yi ta-ta ta gba. Eyi gni-gni la nu, gni-gni tnu-tnu ku zo zhin.

Bitrus I 1:7

A wahala ye ɓe da fye ntuge, a mwi fye gaiciya ga gye nu, agye kwo kwo n kalayi lo, n gyi-gyi-yi, a mwi kwo gye shi ena zhin kwo mwi zinariya gye nyi kwa zhan kwo ya, ofye gaiciya ga du zinariya lo n latu n Shekwoyi aba, ntu cenu n fye gaiciya ga migni n kalayi n kwo mutu, avun, dna n wahala abednai, kwo ɓa ɓe fye n ci-ci yi, n mwa-mwayi, n latuyi ewyi n Yesu Kristi ɓei jezeɓe nyi.

Bitrus I 4:3

Aɓo anukwoyi ye ku fye kun, n fye ɓei zhin fyei zhin n sapa, n na a tna Shekwoyi yekpei zhin ɓa dagma fi n ɓa nyi, ajesin ajeshin, shakpe, jesin, awye-fan kasa ngye a nyacei shangba, n na ɓenukwoi aje yi.

Yohanna I 3:5

Fyei kpe lo ge wo ɓei la ze zanyikwoci n na bai wa ku yi alaifi ya, woi to n laifi owohin nyan, wo to na Shekwoyi ɓeye zhin ɓo nsaho-sahoyi n, n zokwo doho-dohoyin,