Bitrus I 1:15 - Alkawali Woiwoyi

¹⁵ Ama fye ku ze agyi-gyiyi n ɓeho-ɓehoi nfye zhin, ngye shi Dagayi zhin gyi-gyi-yi nu n wa yi fye nyi.

Bitrus I 1:15 ပူးပေါင်းရင်းမြစ်များ

Matta 5:48

Ama kwo bmiya fya ze aza nunuyi, ngye shi efye Dada n wo dna n ʼshe nyi, wo zhin nunuyi nu.”

Akorintiyi II 7:1

Ntu n na alkawali dnagmayi ɓo n na a cei gayi nyi, omi a nugundo ye-ye-yi, yi la awye pmi ya n ɓonukwoyi doho-doho yi, Ko dna n zafun, ya ze yihin a gyi-gyi-yi, ya zan-zan n Shekwoyi dnawoyi, yi ga yihin tukwo n wo akun.

Afilibiyi 1:27

Ama kwo kni ɓe nu yi bwa miʼa, fye pa, fya zan-zan ngye a Yesu viyi n na bai kwo to mi-i shan fye gye n shasun, mi ɓa wo nabari manayi nge fye mi zhin lo n bugbai gmanyi, fyei da Nabari manayi.

Afilibiyi 3:14

Mi zhin atna masi asibui cezhi ba, ma gwo lada n Shekwoyi wa yi-yi ya lo she, ntu nya ɓo n Kristi Yesu wa zhin gayi nyi.

Afilibiyi 3:20

Ama eyi a-yi lo n ʼshemi, aba n yi gniyi, Dagayi Yesu Kristi nyi. Yiye zlii yi pmi wo nu, wa jeze zhi.

Atasalunikayi I 2:12

Nge, fye to ye, efye ase-se, kwa wun Shekwoyi bugban, ama fye gawo bugbabuiyi n wa yi fye fi n wo ebemi nyi, fya gwo wo mwa-mwa nyi.

Timatawus I 4:12

To ye zaho wa ci ho wyegba ntu ge hoye zhin ɓinuyin. La ze ɓa ɓemwi-tu nya. Fa ɓa vi ho nya wu n ho ase-sei, la ze ɓa efye dna n yeye, nho gaiciya gayi, nho aɓonubazhin manayi.

Timatawus II 1:9

Owonu na gni yi, wa kni yi, n tu n wo tnu-tnu gyi-gyi-yi ɓo, to ge yi kunce lo nun, ama ntuge owo shiri nu tunyi kafin asa anyi, n na bai wa wuyi owo alheri n ye-yeyi dna n Kristi.

Titus 3:14

Gama tilas eyi aza ɓa tumwi ɓa bma aza zhin n ɓa kunce a bma ɓa zhin, nɓa wye-wyeyi ɓa zhin ampanyi.

Titus 3:8

A nyaye n ma gnaho nyi ɓa zhin gaiciya nu, la nyimaɓa n na abai a Yesu viyi ɓa zhin peceiye, ɓa zhin ɓemana n sai vinya, gama kwo to bmiya lonu gmanyin, ama kwo zhin kwa ɓe n na ampanyi.

Aibraniyi 12:14

To je zaho-zahoi m, ha zan-zan gyi-gyi-yi cici, Ntu ge aza n ɓa to gyi-gyi-yi m, ɓa ta gye Shekwoyi wye m.

Aibraniyi 13:5

Fye to ku ze agyiwye ye yi m. Zhin godiya n nya yi n ho cei lo. Shekwoyi ɓei gna ge wo ta ya yi m. Mi kun-sun lo n fyei nyalo-nyalo. Nɓa ga fye nyagyi cici.

Yakubu 3:13

Ngye hoce-ceyi lo, zan-zan cewo n bmiya ntuge ɓe manayi zhin, n hohin tukwo-gbayi nu ɓa zhin akpe ge ho ce-cei lo.

Bitrus I 2:12

Fye zhin peceiye shi fye sase n fya knuzhiyi n ɓa zhin atnaviyi nyi, ntuge ɓa gye fye ngye aɓo nukwoyi zhin yi, shi ɓa gye fye ɓemana ɓa ɓei ci Shekwoyi ntu fya tnu-tnu manayi ɓo esa n Kristi ɓa jezeɓe cei.

Bitrus I 2:9

Ama fye to wulo lonun, ntuge Shekwoyi la fye kni n wohin yi, fye zhin Esu a pirist nu, fye gyi-gyiyi lo n bmiya, fye zhin Shekwoyi anyanu, aɓeye vinya ntu ge fya wu aza shi Shekwoyi wa yi fye n wyegmaa mi woi lo fye fi n wo buzangna ɓewowoyi nya.

Bitrus I 3:16

Fye zhin oɓo kwo bmiya, n naza daɓo tu fye tukwo, ɓai yi fye n naye nukwoi yi she fye vi Yesu, vinyikwo a woɓa ntu ɓa ɓeda nukwoi ɓo.

Bitrus I 5:10

Esa n fya ku wahala sin esa fyewyi, eyi Shekwoyi, n wo nu-nuyi n sun-sun gyei dna n Kristi nyi, wo ɓa ga fye mwa-mwa nyalo-nyalo nya. Owo n wohin tukwo wo ɓaɓe wo ku fye, wa mi fye zhi, wa ze fye akala-da ndu sapa.

Yohanna I 3:3

Oza n wo ga ɓeye gaiciya wo ɓa shi wohin n gyi-gyi-yi, shi Kristi nwohin gyi-gyi-yi nyi.

YOHANNA ƁEWYEGYE 3:7

“Ka wasikaye ge tukwoda nwo dna n eklisiya n Filadalfiya nyi: ‘Tnu-tnu ye nkwo nyi oza n wo Gyi-gyi-yi, n gaiciya yi n Dawuda makuliyi shi, wa gu enya ya n zaho ta mi n gun, wa gu enya n zaho ta mi n guyan, wonu na tnu.’

YOHANNA ƁEWYEGYE 4:8

Doho-dohoi n na anya a wye-wyeyi ye n na abminai gyi ngun tnanyi, oɓa abmina atasinya n fuya n na awyei, sukwo n nyipyei ɓai ci ge Gyi-gyi-yi, gyi-gyi-yi, gyi-gyi-yi Dagayi Shekwoyi ikoda, oza n wo ɓei nyi, n wo lo, owoi nu zhin ɓeɓeyi.

YOHANNA ƁEWYEGYE 6:10

Ɓai yi Dagayi n begye kalayi ɓai gna, “O Dagayi ikoda vinya, gyi-gyi-yi, gaiciya da, ho ɓei da anyi da owa n kni wyiyi nu, tu aɓo tukwo n ɓa ɓei zhin yi nyiʼa? Ho gba efi ami ta ga yi n kniwyi yiʼa, n na aza n ɓa fi n anyi nyiʼa?”