Bitrus I 1:14 - Alkawali Woiwoyi

¹⁴ Fye vi Shekwoyi ɓo, ntu ge fye zhin owo aɓi nu, fye to jezelo fya zokwo kwokwoyi ɓenukwoyi zhin nyam, ntuge fye to ɓei zhin fyei kpe ɓemanai ye num.

Bitrus I 1:14 ပူးပေါင်းရင်းမြစ်များ

Atnu-tnuyi Aɓozhin 17:30

Esa n kwa duya nyi aza ɓei gba a shan, Shekwoyi wa zhin hankuri nɓai. Amma nsaiye Shekwoyi ye aza vinya ɓa fa ashan gba, ɓa ga wo nu mwa-mwa.

Aromayi 12:2

Fye to shan hali n na kunnu anyi nya yi n, ama fye ku ze aza woi-woi n naɓo nfye ɓa n zhin, nfye nubo zhinyi. Nlonu fye ɓa kpe nfye aɓo-mutu shiwo zokwo ɓa fu fye nubo.

Aromayi 6:4

Aɓei la of ye nayi laifi nya bi dna n baptisma sanu n woi ɓei fi, sanu Dada Shekwoyi n wo iko dnagmayi, ɓei jeze ɓe n Yesu yi n wye-wyeyi n efi, aɓei la owo wye-wyeyi woi-woyi ga yi ya dagma.

Afisusuyi 2:2

Fye ɓei gni zan-zan n begye yi, n gye azaje, n nu-nuyi n na laifiyi, fyei zhin Satan ɓeye, esu dnagmayi anyi bmana nya, n wo zhin tnu-tnu lo n saiye n na aza bugba, n ɓa zhin gaba n Dagayi nyi.

Afisusuyi 5:6

Fye to ku vi akwocednayin n ɓa fan ye n laifi nyin, ntuge Shekwoyi minagyi nukwoyi tulo n na aza tukwo nɓa zhin abeye.

Atasalunikayi I 4:5

To ge n shakpe yin, shi abyedo zhin nyin, ntu n tna Shekwoyi yekpe ɓo n wo azokwoyi nyin.

Bitrus I 1:2

Oma nugundo, Shekwoyi Dada ɓei kni fye tunyi n sapa, Wa ku pma kpe ge fye ɓa ze owo aɓi, Zafun Gyi-gyi-yi lo tnu-tnu lo n fya bugba mi woi zhan fye ya n Yesu Kristi ami yi, woi zhin fye fyei zhin oɓo kwo dawo, alheri n bugba-fuyi ɓa la lakpe nfya ba.