Bitrus I 1:1 - Alkawali Woiwoyi

¹ Wasika yi gmi n Bitrus akun, Yesu Kristi tnu-tnuyi, Kwoi lo a Yahudiyi a Yesu viyi aba n na nya ɓa ya n Urushelima, ɓai gnami fi laɓa n Buntus, Galatiya, Kapadokiya, Asiya, n Bitniya yi nyi.

Bitrus I 1:1 ပူးပေါင်းရင်းမြစ်များ

Matta 10:2

Owa bara aye nu nyi: Siman (ai je wo yi ge Bitrus), Andrew (Bitrus zado), Yakub (Zebedi nugun), Yohanna (Yakub zado), Filibus, Bartalomaus, Toma Matta (Godu goyi), Yakub (Alfis nugun), Siman (Siyasa da), Yahuda Iskariyoti (eza wo ɓo kun Yesu nyi).

Matta 24:22

“Gaiciya ndei a to ce anyipyei hi zunya n, aza vinya ɓo ku zo fi. Ama a ɓo la ɓa ce zunya ntu Shekwoyi aza kni-kniyi ɓo.

Matta 4:18

Nwyihoyi woi zan-zan vivi n nuwan gbe-wato Galili nuwan zundna, wa gye eza nwo mado yi Siman (aje wo yi ge Bitrus) ɓedo Andarawus yi ɓai fi n ʼya ɓai wan abmiya na sayi, ntu ge ɓa ɓo zhin abmiya wan yi nu.

Yohanna 11:52

Shekwoyi ɓo ku lu da ge Yesu ta-a fi, ntu a Israilayi ɓo nu gmanyim, ama ntu nna aza vinya ɓo.

Yohanna 7:35

A Yahudiyi atukwoda ɓa nya aje ge, “Wo ye wa lo nna nu to ya gye wo wyem ma? Ko wo ye wa lo eyi azaje aba nu nɓa gnami fi nna abyedo, wo zhin abyedo waʼazi a?

Atnu-tnuyi Aɓozhin 18:2

N Korinti wagye Akila n wo nyikwoyi Biriskila, ɓa ɓo ku sase n Italiya amma n sayi ɓai fi Korinti nu. A ɓo ma Akila n Pontus nu. Ɓa ɓo fa Italiya ntuge Kaisar Klaudi ɓei la Ayahudiyi nya ya n ɓa ɓo fi n Roma nyi.

Atnu-tnuyi Aɓozhin 18:23

Ya ku sun sa fi ɓo, avun wa laka wa lo Turki njesun, Wa duya n Galatiya ɓedo n Firijiya yi, Wa zhin ziyara woi bma a Kristi yi zhin, ɓa mwa dna n Dagayi.

Atnu-tnuyi Aɓozhin 19:10

Wo ɓei zhin waʼazi ɓo aye ngun-aba, har aza vinya n Turki n Asiya yi ɓa wo Shekwoyi ɓeda, a Yahudiyi ɓedo, a Helleniyi yi.

Atnu-tnuyi Aɓozhin 6:9

N wyihoi a Yahudiyi ɓa na ɓo n woi har a Yahudiyi n ɓa kun n Sirine, Alekzanda n Masar. Tarki Silisiya nya Asiya yi ɓa ʼgbe dna do.

Atnu-tnuyi Aɓozhin 8:4

A viyi n ɓa ɓo busi nyi ɓa lo aba gbo-gbo ɓai zhin waʼazi Yesu nya.

Akorintiyi I 16:19

A ikklisiya vinya n Asiya kni ɓa safya milo. Akila n Biskila yi, ɓedo n ikklisiya yi n ko yezhi n ɓa puwa nyi, ɓa safya mi lo n mwa dna Dagayi.

Akorintiyi II 1:8

Omi-azaje mi cei pma ma pa fye n wahalai ya sin dna Asiya nyi. Wahala ɓei la yi mwa ɓo sosai, har to yi kpe ge yi ɓa pwom.

Afisusuyi 2:12

Fye pa ge nsapai fye ɓei nyi n tna Yesu, fye ɓei zhin Shekwoyi aɓi nuwunyin nu, woi to ɓei zhin fye alkawalin n wo ɓa bma fye zhin ma, fye ɓei ku bwi n tna Shekwoyi, n tna awyetu.

Afisusuyi 2:19

Nsaiye fye to zhin a zhiɓei nu n Shekwoyi aban, kwo a zhiɓei n; eshen, ama fye zhin Shekwoyi apuwa da nu, Shekwoyi-kni aɓi, fye zhin Shekwoyi puwa azanu, n gnisun n a Yesu viyi ajei.

Timatawus II 1:15

Shi ho kpelo, a Yesu-viyi vinya n ɓa kun n Asiya, ɓala busi ɓa ku mi ya, har Fimallus n Harmojanis yi.

Aibraniyi 11:13

Aza ye vinya ɓaku kpe ma Shekwoyi. Nya wo ɓei zhin ɓa alkawali, ɓa ɓo la kwo ga gaiciya. Amma ɓa to ɓo gwo anya vinya n Shekwoyi ɓei zhin ɓa alkawali m. Ɓa ɓei la ye ɓa gwo alkawali, amma ɓa ku ɓa nya fi. Amma ɓa ɓei nagmadayi ntu ge ɓa ɓo kpe ge anyi ye to zhin ɓa nya num. Eyi puwa lo n ʼshemi nu.

Yakubu 1:1

Wasika ye gmi n Yakubu akun nu, Shekwoyi bara n Dagayi Yesu Kristi nya yi. Kwoi lo a Yahudiyi a Yesu-viyi aba, n ɓa busi yafi laɓa nyi, mi tnu fye lo n gnaɓiyi.

Bitrus I 2:11

Oma zaje, fye zhin azhiɓeyi nu ya. Shikwonyi ofya yi hin-hin lo n ʼshe mi nu, mi gyi fye wye fya bui anyi dada nukwoyi ye nya si, ɓa to zhin ofye nun, ntuge ɓa sunkun n ʼfya wye-wyeyi.

Bitrus II 1:1

Wasika nkwo gmi n Siman Bitrus aba, Yesu Kristi fyenu n tnu-tnuyi. Kwoi lo aza ba vinya n ɓa ku gaiciya ga latu nya bwa eyi-nya pya nyi, dna n ɓefyece eyi Shekwoyi, n eyi Gniyi Yesu Kristi nya yi.

YOHANNA ƁEWYEGYE 1:11

Kwoi ci ge, “Ominu zhin A n Z yi. Kmisunyi n kmazoyi,” Nna vun ma wowo woi cige, “Ka anya vinya n ha gye, ha tnun n ho wasika yi n na ikklisiya ngun tnaba aba, n ɓa fi n Turki nyi. Ikklisiya n Afisus, n doi n kwo dna n Simiruna nyi, n na adoyi n ɓa fi n Pargamus, Thiatira, Sardisu, Filadalfiya, n Lawudikiya yi nyi.”