Afisusuyi 5:3 - Alkawali Woiwoyi

³ A to sun anagbayin, kwo cegye kwo shakpe n fye min, fye to ye zaho wa sa fye ye n na ɓei pyan.

Afisusuyi 5:3 ပူးပေါင်းရင်းမြစ်များ

Matta 15:19

N bugba nu na nubo-zhin nukwoyi kun, za wu, anagbai zhin, evi, akata-ce, ntukwo mwa yi.

Luka 12:15

Zhin peceiye to zhin aɓo wye da m. Gama wye-wyeyi hin-hin nya to gni ge sai hoi n nyabwayi nu m.”

Luka 16:14

A Farisiyi ɓei zhin agyewye yei nu sosai. Ntuce nu ɓa gyi minagyi n woi.

Atnu-tnuyi Aɓozhin 15:20

Amma yi ɓa kage ɓa to gyi a shan abum, ɓa fa anagbai zhin, to ɓa gyi nya a to zun sha m.

Atnu-tnuyi Aɓozhin 20:33

Mi to shin agyiwye san gyi ko aje manayi m.

Aromayi 1:29

Oɓa wye-wyeyi ɓa ku nu n na ɓe nukwoyi n laifiyi, shakpe, n na je bmiyi, eshe, zawu, gusun, akatace, bugba nukwoyi, n na aje ɓedayi.

Aromayi 6:13

Fye to ye ega doho nfye nanyi kwa ze ɓenukwoyi zhin nyan, kwa ze laifi zhinya, ama fye ga fyehin tukwo vinya n Shekwoyi akun nfye aga yi vinya, ntu ge fye la kun n efi, fye ku ze apmanya n Shekwoyi akun, wa zhin apma n fyei n wo ɓeye gmanyi.

Akorintiyi I 10:8

Yi to zhin anagbayi m, shi azaho n ɓa mi ɓei zhin har aza dubu shibacei ata (23,000) ɓa fi n nyipyei gmanyi.

Akorintiyi I 5:1

Zaho-zahoi da lo ge ɓenukwoi ku zhin nʼfya tasin, ɓenukwoi n na ɓenai ta zhin ce pyam. Oza lo n dna fya duwa nyakun n dna laifi nwo dadanyikwo yi.

Akorintiyi I 6:13

Shekwoyi la nubo gayi ntu nyagyi ɓo, ama tuge ya gyi ndu ya nubo-fu yam. To zhin nubo ge nyagyi zhin ɓo yako num, ntuge Shekwoyi ɓa du a nubo ya ɓedo n nyagyi yi n wyiho yi. Ama anagbai zhin to bmiya lom ko fyefye: a to zhin ya nayi ga ce num, ama ntu Dagayi ɓo, woi cei pma lo wa nu ya nayi n wohin tukwo yi.

Akorintiyi I 6:18

Fye bui anagbai zhin si. Laifi daho-dohoi n za zhin, ko ta to nayi bwa m, oza wa zhin anagbai, wo zhin wo nayi nu laifi.

Akorintiyi II 12:21

E, edna womi lo ntu ge n ma ɓe fye aba Shekwoyi ɓa gbami n fye abye, bugba wunmi ma ci bwi, ntuge n mwa-begye nfye, n ku laifi zhin ɓai ku ze alaifida to ɓai damu n ɓenukwoyi, aɓo cegye nya n fye ku zhin, n na aje anyikwo gwoyi.

Afisusuyi 5:12

Kwo zhin avinyikwo ɓo nu fya sa aɓei pya ye n ya, anyi gmada nukwoyi, n na a tna-ɓefyece zhin yi.

Afisusuyi 5:5

Mi ye fya kpe ge, Kristi ebemi, n Shekwoyi ebemiyi kwo to zhin oza nyanu nwo tu cegyen, kwo shakpe woyi gama shakpe woyi zhin eshan gbayi nu. Woi ye anyi nya woi ga ɓa mwa-mwa ndu Shekwoyi.

Afilibiyi 1:27

Ama kwo kni ɓe nu yi bwa miʼa, fye pa, fya zan-zan ngye a Yesu viyi n na bai kwo to mi-i shan fye gye n shasun, mi ɓa wo nabari manayi nge fye mi zhin lo n bugbai gmanyi, fyei da Nabari manayi.

Akolosiyi 3:5

Fyeku aɓo anukwoyi anyi nya ya, fye ku aɓo anukwoyi wu n ɓa fi n fyemi nyi, fye la abwa kun n na anagbai zhi, cegye, shakpe n na aɓo pwawo vinyikwo nya yi, fyeto gyi anya manayi anyi nya wyen, gama deye kwo zhin shangba nu.

Atasalunikayi I 4:3

Cama Shekwoyi n cei pmalo fya ze aza Gyi-gyi-yi, ntna cegye, Fya bui anagbayi si n na abai zaho-zahoi wa pa mula n gyi-gyi-yi.

Atasalunikayi I 4:7

Gama Shekwoyi to yi yi, ya ze aza nu nɓa bugbayi nu-nuyi n cegye yi nun, n nu-nuyi n shakpe yin, ama ya ze aza agyi-gyi-yi.

Timatawus I 3:3

Wo to zhin eje sin yin, kwo anya wu yin, amma wola ze hankali da, mi bwayi, to wa ze oza nu n wo ye agyiwyen.

Timatawus I 6:10

Gama agyiwye ye nu zhin oza zhin a ɓenukwoyi aje. Azaho la avun pmi wu Shekwoyi ntu n na gyiwye ɓo, ntuce ɓaku ɓe ɓahin n bugba wun yi n mwa.

Timatawus II 3:2

Gama aza ɓei ye ɓahin tukwo n ɓa agyiwyei, ɓa ɓei zhin aɓokwo ɓai gma, ɓai ci Shekwoyi wyegba, to ɓai wo oɓa zakwoyi ɓedan, to ɓai zhin godiyan, aɓi a nukwoyi.

Titus 1:11

Tile a hana n kwoi, ala aza pmi awye ya n Shekwoyi alheri, amalami ye pya bwa agyiwye nu ye.

Titus 1:7

Tilas pasto wa ze oza nu n nata ciwo aɓenya n wo asesen, gama ɓa zhin Shekwoyi atnu-tnu zhinyi nu, ɓato zhin aɓekwo zhin yi, kwo a tna mi wanshi yi, to ɓa ze ajesin yin, agusun yin, kwo agyiwye shakpe; woyin.

Titus 2:3

Wu anyigbakwowyi ɓa ku cepi ɓai ga mwa-mwa dna n na ɓo vinya n ɓa zhin. Ɓato zan laɓa ɓai zhin agnagba n na aza tukwon, to ɓa ze ajesinyi n mwan, ama ɓaku ze aɓo manayi wuyi.

Aibraniyi 12:16

To fya zhin anagbayi m, to fya shi Shekwoyi lafya-lafya, n gye Isuwa m. Wo ɓei kun wo gado ntu mikun ɓo. Kwo ɓei zhin ɓo gboloyi nu n wa ba.

Bitrus I 5:2

Fye ga Shekwoyi akni nyagyi, fyei shi ɓa bwa n bugbai gmanyi ntna wyice, to tu enya ɓo nfye ɓa bwa dna ko mim, ama ntuge awo fye pwa lo fya zhin Dagayi tnu-tnu.

Bitrus II 2:10

Wo gna minagyi gyi n na zai n ɓa vi ɓa aɓo nukwoi, aɓo pwawo shakpenya, n na zai n ɓa mwa ɓahin ttukwo, ɓai kpe Shekwoyi aza agye ntna edna.

Bitrus II 2:14

Nyikwoza to lo n ɓa ta shi wo ashakpe wyem, anagbai zhin yi ta kun ɓam, ɓai dna aza kwoce n ɓa to mizhi m, ɓai tu ɓahin mwi ɓa ze ashakpewoyi, aɓi bwi-bwi-yi nu aknituyi.

Bitrus II 2:3

Amalami ye, ntu ɓa shakpe ɓo, ɓa ɓei gna fye ɓeho-ɓehoi ntuge ɓa bwa fye agyiwye. Ama Shekwoyi ɓei laɓa zunkni tunyi n sapa, oɓa bwi-bwi tulo n zokwo.

YOHANNA ƁEWYEGYE 2:14

“Ama mi na ɓei shilo n hoi, Ho fa aza ho nɓa wu aza ge ɓa zhin shi Bilamu ɓei zhin, wa wu Balak shi wo ɓa bwi a Israilayi aɓi dna n na anagbayi zokwo, wa ga ɓa bugba kala nge ɓa lo ashangba ba.

YOHANNA ƁEWYEGYE 2:21

Ma gawo esa nge wo shan owo bugba do n wo aɓe zhin-zhin yi

YOHANNA ƁEWYEGYE 21:8

Ama aɓiɓi n ɓa fa mi viɓo ɓai jeze n na avun yi, n na azayi nɓa ta nu egben, n na cegye dayi, azawuyi, n na aɓenukwoyi-zhinyi, n na aza yi n ɓa daɓo n alijanu yi, n na shangbayi, n na a kataceyi vinya, oɓa abwiba nyi n anapi ena zundna n kwo gyi ena n sulfa yi. Efi bayi nu.

YOHANNA ƁEWYEGYE 22:15

“Aza nɓa bma Shekwoyi zokwo ya to ɓai vi won, n na aɓeyi, n na a shan-gbayi, n na azai n ɓa ye akata, ɓai ce ɓa.

YOHANNA ƁEWYEGYE 9:21

To ɓa shan oɓa bugba do tu nɓa azokwo azawu nya, n aguzhenyi yi, anagbai n aviwyi yin.