Afisusuyi 5:2 - Alkawali Woiwoyi

² Fye ku nu n ye-yei ga aje, fya shan Kristi nwa ye n fyei nyi, wa ga wohin n Shekwoyi akun ngye hadaya, wa ku fye alaifi ya nyi. Ce a da Shekwoyi, ntuge Kristi ye-ye nfve aba, kwo zhin ngye tulare sunda yi nu nwo aba.

Afisusuyi 5:2 ပူးပေါင်းရင်းမြစ်များ

Matta 20:28

Tile efya-ɓo zhin-zhin ɓa wu gye Mi nya, ntu ge Emi, Za Nugun, to ɓe ntu ge azhin mi bauta nu n, ama ma zhin bauta, ma ga mi wye-wyei ngye nya-doshan ntu naza begye ɓo.”

Yohanna 13:34

“Wyidna woi-woi nu nmi ga fye, fye ye najeyi, shi mihin ma ye nfyei nyi, Nlo nu fye ye najeyi.

Yohanna 6:51

Eminu zhin buredi wye-wyei nya, nkwo gmi nshe nyi. Ozaho-zahoi nwa gyi buredi ye wo ɓa bwa wye-wyei nyalo-nyalo. Buredi ye emi nayi nu, nmi ye ma ga kwo ntu anyi gni-gni ɓo nyi.”

Aromayi 4:25

Wo ɓei fi ntu yi alaifi ɓo wa laka n vingwo ntu ge wa ze yi aza ye-ye yi n Shekwoyi aba. Woi nu yi n Shekwoyi ɓe manayi.

Aromayi 8:3

Ato gni yi, n laifi akun ntuge yi kpe Shekwoyi awyidna ye lo nun, ntuge yita mi n ɓa kni ya shi bwan, ama Shekwoyi wa zhin zokwo do wa gni yi, wa tnu n wo Nugun yi dna n Zanyikwoci nayi ngye eyi nya, ama eyi anya n laifi yi wa wun laifi iko ya n yi tukwo. Wa ga wohin tukwo hadaya ntu yi alaifi ɓo.

Aromayi 8:37

Nna ɓeye vinya, Nasara zhin yi nyanu dna Kristi n wa ye yi wa fi ntu n yi ɓo nyi.

Akorintiyi I 16:14

Fye zhin ɓoho-ɓohoi vinya dna ye-ye mi.

Akorintiyi I 5:7

Fye la ʼza nukwoi ye gmiya n fye tasin, n na bai fya ze aza gyi-gyi-yi. Aɓei la Kristi-Shekwoyi Kugya Ɓiyi-wu ntu yi ɓo.

Akorintiyi II 2:14

Ama godiya ga Shekwoyi, ntu nasara ɓo, n Yesu Kristi ku zhin, tu n yi tukwo nyi, ngye shi wo zhin ampanyi n yi abaho-baho yi n ya lo, ntu ge ya da owo Nabari manayi n aza aba, ngye turare sundayi.

Akorintiyi II 2:15

Gama yi zhin ngye turare sundayi nu, n Yesu zhin kwo hadaya ga Shekwoyi nyi. Kwoi laɓa n a Yesu-viyi aba ɓedo azayi nɓa to go wom.

Akorintiyi II 8:9

Fye kpe lo shi eyi Dagayi Yesu ɓei nu n ye-yeyi, n na aza bmazhin yi. Kwo shi kwo nyi wo zhin nyabwa-yi nu, ama wa ze wyekwoyi nabayi, dna n wo awyekwo wa ze fye a nyabwayi.

Agalatiyayi 1:4

Wa fi ntu yi alaifi ɓo shi Shekwoyi Dada ɓei zhin shiri, wa gni yi n anyi nukwoyi ye n yi fi n ɓa nyi.

Agalatiyayi 2:20

“Alami zundu n gnisun n Yesu yi, emi n mihin mito ye lon, ama Kristi nu dnalo n sayi ye n mi-mi. Wye-wyeyi hin-hin n mi ncei lo-lo dna n nayi ye n saiye nyi, kwa ɓe ntuge ma ga Shekwoyi Nugun gaiciya nu, n wa yemi wa gawo wyewyeyi ntu n mi ɓo nyi.

Afisusuyi 1:4

Tunyi n sapa, to ai zhin anyi n, Shekwoyi wa kni yi n na bai ya ze wo nya, ntuge wa zeyi aza agyi-gyiyi n wo awyeba, ntna laifi, eyi n yi gni-agni zhi n wo abye n wo ye-yei pwi.

Afisusuyi 3:17

Mi zhin aduwa n na bai Kristi wa dna nfye a bugba mi n mwa cici, wa sase dna n fye mi, shi fye gawo gaiciya. Fa fya mi zhi dna n Shekwoyi ye-ye ɓo wo-wo nya.

Afisusuyi 4:15

Nkwo apita yivi gaiciya dna n ye-ye nsai vinya, yida gaiciya, yi zhin aɓo dna n gaiciya, yi sase dna n gaiciya, n na bai ya ze ngye Kristi n wo zhin owo nayi tukwo danyi, wato Ikklisiya, Dna n wo ɓewu nayi vinya nku aje dei-dei, oga dohodohoi n kwo zokwoyi, kwoi bma do zhin, n na bai n nayi vinya ɓa bwa lafiya, kwa mwa n nu-nuyi n yeyi.

Afisusuyi 4:2

Fye gba fyehin tukwo fya zhin peceiye, fye zhin hakuri n na ajeyi, ntu ye-ye ɓo to fya gye aje laifin ngye nya ho nun.

Afisusuyi 5:15

Fye zhin peceiye shi fye zhin aɓo ntu ge anyipyei aɓodnai nu, fyeto ku ze aza ma-man, fye la ce, fye zhin apma n sai n fye n cei lo, ntu ɓemana zhin ɓo.

Afisusuyi 5:25

Efye aɓa, fye ye nfye anyikwo yi, shi Kristi ɓei ye ikklisiya yi, wa fi ntu n kwo ɓo nyi.

Afilibiyi 4:18

Nsaiye, mi n na anya yi lo-lo n mi ye n mwa, anya n fye ɓei ga Abafraditus wa ɓemi n cei nyi, Ɓa zhin nyaga sundayi nu n kwo da Shekwoyi agma n mwa.

Akolosiyi 3:14

Nkwo sin vinya, fye fa ye-ye kwa gyi be n ofye awye-wyeyi nlonu ikklisiya vinya ɓa sase nbugbai gmanyi.

Atasalunikayi I 4:9

Ama ntu n na azaye n cei ɓo, n kwo kunce a bwa kwo n na Shekwoyi aza ba nyi, mi to n na apma yi lo ma da ɓeho tu n kwo tukwon, Gama Shekwoyi n wohin wo wu fye lo, shi fye ɓa ye najeyi.

Timatawus I 2:6

Wa gawo wye-wyeyi ntu n na aza ɓo vinya. Ɓeda nyi n Shekwoyi wa tnu n cei dna n esa manayi n na lanyi.

Timatawus I 4:12

To ye zaho wa ci ho wyegba ntu ge hoye zhin ɓinuyin. La ze ɓa ɓemwi-tu nya. Fa ɓa vi ho nya wu n ho ase-sei, la ze ɓa efye dna n yeye, nho gaiciya gayi, nho aɓonubazhin manayi.

Titus 2:14

Wo ɓei fi Zafun Gyi-gyi-yi nya n yi abugbami dna n Shekwoyi owa ntu yi alaifi ɓo nu, n na bai wa gni yi to ya je kayafi n laifi ci-ci, wa ze yi owo aza, n na abugba manayi n pwa wo yi, ya zhin azaje ɓemana.

Aibraniyi 8:3

Pirist dnagmayi tnu-tnu nu wa zhin sadaka, ntu aza laifi ɓo. Wo dna n azanyikwoci a tan-tasin n Shekwoyi, ntu cenu dole wa ga sadaka.

Aibraniyi 9:14

Amma Shekwoyi nugun ami gyi-gyi-yi du oɓa nyalo. Zafun ɓei zhin woi bma wo zhin, owo ami n kala yi lo. Kwo ɓa shan yi do kwapmi ya bugba bma, kwa zhan yi alaifi ya. Kwo la ednawo gmiyi ya ntu na awyindna ɓo, kwo ga yi kala ntu ge ya zhin wo atnu-tnu.

Aibraniyi 9:23

Tent n Musa ɓei zhin n anyai vinya nkwo mi, aɓei laɓa degbe n she nu. Dole Musa zeɓa gyi-gyi-yi n anyakpa ami yi. Amma Tent nkwo lo n eshe nyi, aɓei zekwo Gyi-gyi-yi n enya yi nu n kwo du deye lo n daraja.

Aibraniyi 9:26

Shekwoyi ta ye sadaka ye cici nu m. Dole nu Yesu wa ga wohin zun gmanyi. Owo sadaka ɓei la eyi tata goya.

Bitrus I 4:8

Nya kwo du vinya, fye gyi abye fyei wu aje ye-ye dnagmai ntuge yeye zhin kwa pui alaifi nya mwa begye.

Yohanna I 3:16

Yi kpelo ge ye-ye hin-hin kun n Kristi aba nu, ngye shi wa fi ntu nyi ɓo nyi, ntu cenu kwo kunce lo ya gayi awye-wyeyi ntu n yi a Yesu-viyi aje ɓo.

Yohanna I 3:23

Enya nyi n Shekwoyi wa gna ge yi zhin, Yi ga gaiciya n Yesu Kristi owo Nugun eye, ya ye n na jeyi.

YOHANNA ƁEWYEGYE 1:5

N Yesu Kristi yi n wa nu egbe woi wuyi gaiciya vinya nyi. Owo nu zhin Kmisunyi n wo ɓei lakala n efi, to wa shan fin. Wo du esu dohodohoyilo n esayi vinya, n wa loyiya, n yi alaifi, shi wa ze owo ami ya ntu yi ɓo nyi.

YOHANNA ƁEWYEGYE 5:9

Ɓa kwo anyi woi ge, “ho kuncelo I hala takarda kmi-kmiyi. Ha lo hatimi ya ha gu kwo ya. Gama aɓei la ho zun sha, oho ami n la aza si gaho n na abye vinya, ngye nyaga ntu n Shekwoyi ɓo.