Afisusuyi 4:4 - Alkawali Woiwoyi

⁴ Yi zhin aga nanyi gmanyi nyanu, yi n Zafun gmanyi nu, ai la yi yi ntu n na aɓo a manayi ɓo.

Afisusuyi 4:4 ပူးပေါင်းရင်းမြစ်များ

Matta 28:19

Ntu ce nu fye lo fye zan abara do shin nabye vinya, fya zhin ɓa batisma dna Dada ʼye, n Nugun yi, n Zafun Gyi-gyi-yi.

Atnu-tnuyi Aɓozhin 15:11

Fye ta kpe lo ge gni-gni zhin kyauta nu, Dagayi Yesu Kristi nya, n aza ba n?

Aromayi 11:29

Gama Shekwoyi cauta n wo yiyi-i kwo ta shan kman, wotajeze n na vunyi n wo alkawali n wa zhin nyin.

Akorintiyi I 10:17

Kwo shi kwo nyi bredi bwasun gmanyi nu nʼyi sagaje, eyi vinya kwa n mwa begye, yi zhin nayi gmanyi nu dna Kristi ntuge yi gyi bredi gmanyi nu.

Akorintiyi I 12:20

To, ama wo ku aga zhin mwa begye, ama nayi gmanyi nu.

Akorintiyi II 11:4

Fye wu lo ngye fye to mi zhi lon, fyei ga nyaho-nyahoi gaiciya n na gna fye, ko oza woi zhin fye Kristi do n waʼazi gbo ndoyi n yi zhin nyi, ko zafun do ndu Zafun Gyi-gyi-yi nfye ɓei gwo nyi ko ai wu fye zokwo do n fye ɓa pwo, fya gwo ko lo abwa ʼba-ba.

Afisusuyi 1:18

Mi zhin aduwa, n na bai of ye abugba ɓa bwa buzangna, n na bai nfye ɓa gye nya wye n na bye, n wo yi fye fya gni nya bwa n wo yi nyi. Miye fya kpe ge Shekwoyi la ze nyabwai, ntu ge eyi n yi zhin Kristi a nya nyi aku yi gawo.

Afisusuyi 2:16

Shi yi ku ze aga nayi gmanyi nya nyi, minagyi n kwo ɓei dna n na tasin nyi kwo ku zo, wo la yi ga jedoɓe n Shekwoyi, ngye shi wa fi tu n zundu ntu yi ɓo.

Afisusuyi 2:18

Nsaiye eyi vinya, ko Yahudiyi kwo abyedo, ɓami wa ɓe Shekwoyi Dada aba, n Zafun Gyi-gyi-yi bmazhin yi, ntu n nya ɓo n Kristi ku zhin ga yi nyi.

Afisusuyi 2:22

Akuyi ɓedo n woi n yi azajei dna n Zafun, yi-i ku ze Shekwoyi ase-se ba.

Afisusuyi 4:1

Mi gyi fye wye, emi nmi dna n kurkuku ntu Dagayi bauta ɓo nyi, fye zan-zan fya zhin aɓo n kunce n na zayi n na la ɓa kni, ntu n anabarka wo-wo yi ye pya ɓo.

Akolosiyi 1:5

Fye pmi agmada eshe nya nu, tunyi esa n na ɓei kmi fye waʼazi nabari manayi nya zhin nyi.

Akolosiyi 3:15

Fye fa bugbafu n kwo gmi n Kristi aba nyi, kwa dna n fye abugbami cici, gama efye tnu-tnu nyi n fye sai n fye zhin owo nayi aganyi. Fyei zhin godiya cici.

Atasalunikayi II 2:16

Eyi Dagayi Yesu Kristi n wohin tukwo n Shekwoyi eyi Dada, n wa ye yi wa gayi atnazhin nyalo-nyalo nya n na awyetu yi n yi to kunce ya bwan.

Timatawus I 1:1

Wasika ye kwo gmi n Bulus akun nu, Waʼazi zhin yi Yesu Kristi nya, n Shekwoyi eyi gniyi n Yesu Kristi eyi Dagayi–eyi awyetu.

Titus 1:2

A tnu mi ma ɓe n gaiciya gai n aza ba nu n Shekwoyi la ɓa kni nyi, ma wu ɓa Shekwoyi gaiciya gaiciya n kwo shan aza wyewyeyi do nyi. N na bai ɓa bwa wyewyeyi nyalo-nyalo nya n Shekwoyi ɓei zhin ɓa alkawali tunyi kafin a sa anyi, woi ta ce a katan.

Titus 2:13

Yi shi esayi awye n yi pmi nyi, n na aɓei gyewo mwa-mwa wye n cei nyi, mwa-mwa eyi Shekwoyi dnagmayi n eyi Gniyi Yesu Kristi yi.

Titus 3:7

Nnabai n wo ɓa yi yi aza manayi n wo abye ntu n wo alheri ɓo, nsaiye yi n roboi lo dna n wo anyabwa wye-wyeyi nya n wa gayi nyi, n yi zhi yi pmi ya gwo nyi.

Bitrus I 1:21

Ntu cenu efye gaiciya ga nyi n Shekwoyi nu n wo ɓei la Kristi kala n efi, wa gawo mwa-mwa n jesun nyi. Nsaiye efye gaiciya ga n na wyetui ɓa bwa kpema n wo nu gmanyi.

Yohanna I 3:3

Oza n wo ga ɓeye gaiciya wo ɓa shi wohin n gyi-gyi-yi, shi Kristi nwohin gyi-gyi-yi nyi.