Afisusuyi 4:1 - Alkawali Woiwoyi

¹ Mi gyi fye wye, emi nmi dna n kurkuku ntu Dagayi bauta ɓo nyi, fye zan-zan fya zhin aɓo n kunce n na zayi n na la ɓa kni, ntu n anabarka wo-wo yi ye pya ɓo.

Afisusuyi 4:1 ပူးပေါင်းရင်းမြစ်များ

Atnu-tnuyi Aɓozhin 9:31

Nsayi Ikklisiya kwa bwa lafiya n Yahudiya, Galili n Samariya yi kwa mwa n kalayi. Ɓai zan-zan dna n Dagayi dnawo, Zafun Gyi-gyi-yi woi ga a bugba fu.

Aromayi 11:29

Gama Shekwoyi cauta n wo yiyi-i kwo ta shan kman, wotajeze n na vunyi n wo alkawali n wa zhin nyin.

Aromayi 12:1

Ntu cenu mi gyi fye wye fya gafye anayi n Shekwoyi akun, ɓa ze hadaya wye-wyei gyi-gyi-yi nya, odo pya n wo ɓa gwo. Nfya pa oɓo ɓo n wa zhin fye, deye duwyi lo wa nya fye?

Akorintiyi I 4:16

Ntuce nu mi gyi fye wye, fye tumwi n mi, fya zhin she mi zhin.

Akorintiyi II 10:1

Omi Bulus, mi gyi fye wye pecei-ye shi Kristi n wohin tukwo ɓa zhin, ama azaho nfye mi cilo nge, “Bulus wasika woshan esa nwo gni n tagni, ama esa nwo si n ya, edna ɓawo wo wa daɓo nkalayi.”

Akorintiyi II 5:20

To, yi zhi nyi, yi zhin Kristi atnu-tnuyi nu. Wato kwo wu lo ngye Shekwoyi nu gyi fye wye, ntu Yesu ɓo, yi gyi fye wye fye fa Shekwoyi wa shan fye do, fya ku ze owo anugundo

Akorintiyi II 6:1

Ngye atnu-tnu kun zhin yi n She kwoyi yi gyi fye wye nu, alheri Shekwoyi nya nfye la gwo nyi fye to fa kwa ze banzan.

Agalatiyayi 4:12

Omi azaje ye-yeyi, a wo mi lo ngye fye ku ze ngye mi, fya wo shi a wo mi lo tu aɓeye tukwo, gama mi kni-kniyi lo n na agma ye shi fye ɓei kni-kniyi nyi. Fye to ɓei ci mi wyegba esa n mi ɓei kmi fye waʼazi zhin nyi m.

Afisusuyi 2:10

Shekwoyi nu na zhin yi, yi ze anya n yi ku ze n saiye nyi, woi gayi wye-wyeyi dna n Kristi Yesu. Tunyi n sapa nu n wa zhin shiri ye, ntu ge ya bma azaje zhin dna n wye-wyeyi ye, n yi la bwa nyi.

Afisusuyi 3:1

Omi Bulus Yesu Kristi fyenu, mi dyna n kurkuku ntu n fye ɓo nu, ntuge mi zhin waʼazi ge efye abyedo fye zhin Shekwoyi nya nu ce.

Afisusuyi 4:17

Mi daɓo n fyei dna n Dagayi, fyeto shan ase-se ngye a tna viyin, ntuge awye nku ɓa bua, aɓo ku ɓa gmi aje. Oɓa bugba gu-guyi lo n nunuyi n wyegmayi, ɓa mwa kpalo n wye-wyeyi Shekwoyi nya yi, ntuge ɓaku ɓa bugba gu, to ɓa wowon, ɓa ta kpewo a zokwo ye lon.

Afisusuyi 4:4

Yi zhin aga nanyi gmanyi nyanu, yi n Zafun gmanyi nu, ai la yi yi ntu n na aɓo a manayi ɓo.

Afisusuyi 5:2

Fye ku nu n ye-yei ga aje, fya shan Kristi nwa ye n fyei nyi, wa ga wohin n Shekwoyi akun ngye hadaya, wa ku fye alaifi ya nyi. Ce a da Shekwoyi, ntuge Kristi ye-ye nfve aba, kwo zhin ngye tulare sunda yi nu nwo aba.

Afilibiyi 1:27

Ama kwo kni ɓe nu yi bwa miʼa, fye pa, fya zan-zan ngye a Yesu viyi n na bai kwo to mi-i shan fye gye n shasun, mi ɓa wo nabari manayi nge fye mi zhin lo n bugbai gmanyi, fyei da Nabari manayi.

Afilibiyi 3:14

Mi zhin atna masi asibui cezhi ba, ma gwo lada n Shekwoyi wa yi-yi ya lo she, ntu nya ɓo n Kristi Yesu wa zhin gayi nyi.

Akolosiyi 1:10

Yi nya wo n na abai efye asese ɓa da Dagayi agma kwa la wo tu, n na bai nfye ɓa bwa ɓe manayi zhin, fyei zhin aza ɓe manayi, fya tumwi fya kpe Shekwoyi ye lo abye-abye.

Akolosiyi 2:6

Nsaiye shi fya kpema Kristi wa gnifye nyi, fye kpema wo lonu fyegyi-fyegyi, fyei nyima wo cici.

Akolosiyi 4:12

Abafras, n wo gmi n fye ayi nyi, Yesu Kristi fyenu, wo tnu fye n wo gnaɓiyi, wo zhin aduwa cici ntu fye ɓo, woi nya Shekwoyi wa ga fye kala, wa bma fye zhin fya kpe wo nufi ye n sai vinya n na aɓo vinya n fye ɓa zhin.

Atasalunikayi I 2:12

Nge, fye to ye, efye ase-se, kwa wun Shekwoyi bugban, ama fye gawo bugbabuiyi n wa yi fye fi n wo ebemi nyi, fya gwo wo mwa-mwa nyi.

Atasalunikayi II 1:11

Ntu cenu yi zhin aduwa ntu fye ɓo cici, nna bai eyi Shekwoyi, dna nwo iko, wo ɓa zhin fye fya ze aɓi manayi, ngye shi wo ye fya ze, wa zhin fye fya nu ofye aɓomwi manayi, ntu fye gaici-ya ga ɓo.

Timatawus II 1:9

Owonu na gni yi, wa kni yi, n tu n wo tnu-tnu gyi-gyi-yi ɓo, to ge yi kunce lo nun, ama ntuge owo shiri nu tunyi kafin asa anyi, n na bai wa wuyi owo alheri n ye-yeyi dna n Kristi.

Titus 2:10

Kwo ɓa wyi evim, ama ɓa wu ge ɓa zhin azanu aɓa mi a kpema, Nlonu ɓaɓa zhin aza ɓaye ɓa ga eyi Gniyi n yi Shekwoyi gaiciya.

Aibraniyi 13:21

Shekwoyi wo gba fya bukata ntu ge fya zhin wo ɓeye. Wo zhin ɓo n yi-i, nwo cei pma, wo zhin ntu Yesu ɓo. A ga Yesu mwa-mwa nyalo-nyalo.

Aibraniyi 3:1

Ntu deye ɓo, ema zaje Gyi-gyi-yi, yi zhin Shekwoyi aza kni-kni yi nu. Fye ku efya bugba ga Yesu na tnu nwoi nyi. Eyi pirist dnagmanyi gaiciya ga nya.

Bitrus I 2:11

Oma zaje, fye zhin azhiɓeyi nu ya. Shikwonyi ofya yi hin-hin lo n ʼshe mi nu, mi gyi fye wye fya bui anyi dada nukwoyi ye nya si, ɓa to zhin ofye nun, ntuge ɓa sunkun n ʼfya wye-wyeyi.

Bitrus I 3:9

Fye to gba ɓenukwoi ta n ɓenukwoyi yin. To gba aza ta n ɓa da ɓeda nukwoi tu n fye tukwon. Ama zhin aduwa Shekwoyi wa bmaɓa zhin, ntuge kwo bmiya ya zhin aza alheri, Shekwoyi ɓa tuyi anabarka ntu ce.

Bitrus I 5:10

Esa n fya ku wahala sin esa fyewyi, eyi Shekwoyi, n wo nu-nuyi n sun-sun gyei dna n Kristi nyi, wo ɓa ga fye mwa-mwa nyalo-nyalo nya. Owo n wohin tukwo wo ɓaɓe wo ku fye, wa mi fye zhi, wa ze fye akala-da ndu sapa.

Bitrus II 1:3

Ntuge n fye kpewoye labye, wo ɓa ga fye, dna nwo iko yakwo, anya vinya n fye ɓa pmai, ntu na sase manai ɓo: har wo zhin wa gayi owo latu n ɓemanai yi.

Yohanna II 1:5

Nsaiye mi cei pma lo ma ce fye ɓepa, emi, anugundo, wyidna kwokwoyi n Shekwoyi ɓei ga tunyi n kmisunyi nyi, nge kwo bmiya a Yesu-viyi ɓa ye n najei.