Afisusuyi 3:2 - Alkawali Woiwoyi

^2-3 Lale fye kpelo ge, Shekwoyi la tnu-tnu ye gami, ma wu fye Shekwoyi alheri n fye aba, shi mi ɓei gna fye n mi wasika ho, Shekwoyi nu ɓei wumi shiri ye asiri nge abyedo filo ce n wo alheri.

Afisusuyi 3:2 ပူးပေါင်းရင်းမြစ်များ

Atnu-tnuyi Aɓozhin 13:2

N wyihoi ɓai zhin aduwa Zafun Gyi-gyi-yi wa cige, “Mi ye Bulus lo n Barnaba yi ntu tnu-tnu ɓo n mi ɓa gaɓa”.

Atnu-tnuyi Aɓozhin 13:46

Bulus n Barnaba yi kuwa ɓa cige, “Kwo yi zhin dole nu ya ɓe fya ba a Yahudiyi n nabari manayi. Amma n saiye fye la yi ɓo na, fye ta ye yi ɓeda lo m. Ntu cenu yi lo abyedo aba nu.”

Atnu-tnuyi Aɓozhin 22:21

Amma Shekwoyi wa gna ge, “Fa Urushelima gama mi ye ma tnu ho n kpai nu abye do aba.”

Atnu-tnuyi Aɓozhin 9:15

Amma Dagayi wa gna wo e, “lo ho zhin ɓo ma gna ho, gama Bulus zhin omi ʼza kni-kniyi nu ntu ge wa dami nabari n abye aba, n asu yi, na Israilayi vinya.

Aromayi 1:5

Nsayi ye dna n Kristi, ala Shekwoyi alheri zeya pu eyi alaifi da n yi to kunce lo yagwo kwo gmanyi n amin. Nsayi ye wo tnuyi nge yi lo anyi, yi gna aza vinya n na bai vinya, aɓo ayakwo n Shekwoyi ku zhin ɓa nabai ɓa ga gaiciya ɓa vi wo ɓo.

Aromayi 11:13

Shi fye kpelo ge, Shekwoyi lami kni owo tnu-tnu yi nfye aba abyedo, mi gnafye, mi-i ce a Yahudiyi ɓepa shi mi ɓa mi nsun.

Aromayi 12:3

Ngye Shekwoyi tnu-tnuyi mi ga zaho-zahoi nfye mi Shekwoyi pmagna: Fye zhin gaiciya n fyehin tukwo ɓo, fyei mwi shi Shekwoyi wa ga fye gaiciya-ga n sun.

Akorintiyi I 4:1

Ntu cenu fye ku yi ze a tnu-tnu yi nu nɓa gna Shekwoyi anabarka mi, ɓai wu Shekwoyi asiri njesun.

Agalatiyayi 1:13

Fye kpe lo shi mi ɓei wu sanu n mi ɓei ye vi a Yahudiyi kunnu nyi, shi mi ɓei zan a Yesu viyi zanyi n tna sun-sun, ma wu ɓa to a shan ɓa ye won.

Afisusuyi 1:10

Owo nufi nu nyi, nge sanu nsa lasi wo ɓa yei zhi n gnisun, aba n yi nyi vinya n eshe kwo n anyi, ya gnisun n woi dna Kristi nyalo-nyalo.

Afisusuyi 3:7

Shekwoyi la esa manayi gami, ma gna aza owo shiri ye ɓo, woi la ikwo gami n kpezhin yi ma zhin kwo n bmiya.

Afisusuyi 3:8

Fye dnawye fa gye kwo shi ko nyi mito ɓei zhin ɓeho nu a gami kwon, emi nu nmi zhin. Yesu viyi gbeloyi n wolo n na anyi, dudu lonu a ɓei kni mi nu n na agmada manayi ye ɓo, ma gna abyedo Nabari Dagayi nyabwa n kwota shan zon, n kwo lo ntu n ɓa ɓo dna n Kristi nyi.

Afisusuyi 3:9

Ma wu aza vinya nge Shekwoyi nu zhin abyedo gniyi ce, shi oza n wa zhin anya vinya nyi, wa zhin shiri tunyi n sapa.

Afisusuyi 4:21

Ngye fye ku owo begye wo, fyei ku owo fyei ku owo gaiciya tumwi,

Afisusuyi 4:7

Kristi n la ɓe-kpezhin ga zaho-zahoi enya nwo n cei pma ya bwa dna n wo nyabwa gna.

Akolosiyi 1:4

Gama yi ku wo, shi fye kpema Dagayi n jesun shi fye ye owo aza n sun.

Akolosiyi 1:6

Nabari manayi n kwo ɓei ɓe fye abanyi, kwo laɓa lo n na anyi kwoi shan aza wye-wyeyi do. She ko ɓei shan fye nya do nyi, tunyi ewyi n fye ɓei wo, fya gane n Shekwoyi alheriyi n na alaifida aba.

Timatawus I 2:7

Ai la mi kni gaiciya nu n mi da-ma zhin tnu-tnuyi n nabari da yi, Shekwoyi nya, ma wu gaiciya ye n na abyedo aba, ma wuɓa Shekwoyi shiri gni-gni nya dna n gaiciya ga.

Timatawus II 1:11

Shekwoyi la mi kni ma zhin wo waʼazi zhin yi, ma zhin abyedo waʼazi mi-i wu ɓa.