Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Afisusuyi 2:2 - Alkawali Woiwoyi

2 Fye ɓei gni zan-zan n begye yi, n gye azaje, n nu-nuyi n na laifiyi, fyei zhin Satan ɓeye, esu dnagmayi anyi bmana nya, n wo zhin tnu-tnu lo n saiye n na aza bugba, n ɓa zhin gaba n Dagayi nyi.

အခန်းကိုကြည့်ပါ။ ကော်ပီ




Afisusuyi 2:2
64 ပူးပေါင်းရင်းမြစ်များ  

Emihin, Masihu, mi gyi mi sin, fya da gnunu-gnunu ge, mi zhin fwanada nu mwa, miyi zan na laifi nukwoi da yi. Ama efye aza cece, fye kpe shi fye kna fyehin a pita nfye tna gaiciya doho-dohoyi.”


Ekni aknawuyi nya ko wu gye za n wo wo nabari, ama aɓopwawo anyi nya, nʼ nyabwa zanshinyi, ɓa ku Shekwoyi ɓeda gyisun, to wa mi nwo zhin nyaho ntu Shekwoyi ɓo m.


Ofa kwo nu zhin anyi, nyabye manayi kwo nu zhin aza Shekwoyi Ebe nya; alogyi kuwa ɓa nu zhin Shetan aza.


Ama safyewyi aɓowye-da anyinya, n nyabwa ye yi, n na bye-gyi zanyi yi, n na nya manayi shakpe yi, ɓa ɓe ɓa ku Shekwoyi ɓeda gyi sun n ɓa bugba, har to ɓa zhin ampanyi m.


“Owo maigida cige, ‘Lalle mana ja ye cecei lo sosai.’ To, kwo bwawu lo nu a shetan da gna cecei n laifi zhin afa aza ɓa fi n buzangna nyi.


“N sa dohoi Yesu wa ci Siman ge, ‘Siman, Siman, kna tnubua ha wo shetam la izini gwo, ntuge wa zhin fye jaraba nfye vinya shi fanuyi zhin wa kun osin ya n awyi-byegye nyi.


Esa la si ada anyi owa. Esa la si a wan shetan, yerima anyi ye nya, a she wo ya nbmi.


Bai kpe n tebur ɓai gyi wyeshe-nyagyi, shetan woi la lo dna n Yahuda-Iskariyoti Siman nugun bugba, ntu ge wa kun Yesu.


Shi Yahuda ɓo gwo buredi, shetan wa lo dna nwo bugba. Yesu wa ci wo ge, “Bo ho ye ha zhin, zhin kwo npye.”


Mi to nsa yi lo, ma da ɓo nfyei m, ntu ge oza nukwoyi anyi nya ɓe lo, ama wo to n iko lo, tu nmi tukwo m.


Fye ɓo gna fye zhin anyi nya nu, ɓo ye nfyei, ama fye to zhin anyi nyanu m, ntu ge mi la fye kni nɓa. Ce nu zhin anyi ɓai wun fye nu.


N wada ɓo, ntu ge aku owa pma anyi-su da, wato Shetan.


Anyi ta wun fye nu lom, ama ɓa ta ye mi lon, ntuge mi gna ge oɓa atnu-tnu zhin anukwoyi nu.


Yesu wa gna ɓa ge. “Fye kun anyi ye nu, ama mi gmi n ʼshe nu. Fye zhin anyi nya nu, ama mi zhin ʼshe nya nu.


Ntuge fye zhin ofye dada aɓi nu, shetan, ntu cenu fye cei pma fya zhin aɓo nukwoyi ngye wo. Wo ɓei zhin zawuyi nu tunyi nsapa, wo ta ye gaiciyam. Wo dami nna katayi, ntuge wo nu zhjn akata cei ʼsu.


Ezhi sakatare wa ɓe wa gna aza ge, “fye ku ce pi, fye kpe lo ge Afisus nu zhin adini Diyana nya tukwo, okwo nu nkwo degbe ɓei kaya ɓe da yi n she,


Amma Bitrus wa gna wo, “Hananiya, Shetan la nu ho bugba har hoi ce akata fi Zafun Gyi-gyi-yi.


Fye to shan hali n na kunnu anyi nya yi n, ama fye ku ze aza woi-woi n naɓo nfye ɓa n zhin, nfye nubo zhinyi. Nlonu fye ɓa kpe nfye aɓo-mutu shiwo zokwo ɓa fu fye nubo.


Mi to ɓei da a Shetan da nu ɓo n ɓa zhin anagbai nyi, ko aɓo wyedai, ko avi, ko ashan-gba yim. Ntuge fye ta kpefi n nanyi ye n tna aza deye pyam.


Esa lo n na zaho ɓei bwa wu lonu n fye mi, ama n sayi ala fya laifi zhan ya, a la fye kni ntu Shekwoyi ɓo. Wo la fye gwo ntu nya ɓo n Dagayi Yesu Kristi n Zafun Shekwoyi nya yi wa zhin nfye ɓo.


Ɓa ta ga gaiciya lom, ntuge oɓa ɓo nubozhin fi lo a wyegma. Shetam nu nafi ɓa ɓo. Wo ta ye ge ɓa gye buzangna n kwo ɓe oɓa ʼba nyi m. Buzangna n kwo kun n nabari manayi aba n ko wu Yesu Kristi latu nyi, n wo nu zhin Shekwoyi degbe nyi.


Wa fi ntu yi alaifi ɓo shi Shekwoyi Dada ɓei zhin shiri, wa gni yi n anyi nukwoyi ye n yi fi n ɓa nyi.


Ndu esu doho-dohoi, kwo abegyiyi doho-dohoi. E, owo mwamwa du zaho-zahoi nya lo, n na anyi ye kwo anyi do n ɓaye ɓeɓelo nyi.


Fye to ze amwi n ge nsapai fye ɓei zhin aza nu n tna kaciya, a Yahudiyi ɓai yi fye ge aza nɓa ta wo Shekwoyi dnan, aza tna gyi-gyi (ama oɓa bugba ce, ɓei ye tu cegye koda yake ɓa ɓei zhin ɓai zhin aɓo ngye a Shekwoyi dnawo yi, gama ɓa ɓei zhin ɓai zhin kaciya, tuze nu nge ɓa zhin Shekwoyi anya.)


Ama nsaiye, fye zhin Yesu Kristi anya nu, kwo shi kwo nyi fye ɓei mwa kpa n Shekwoyi, n saiye aku ɓe n fyei vi-viyi n woi, ntu n nya ɓo n Yesu Kristi wa zhin ga yi n wo amiyi nyi.


Yi ɓei wu lo nu n sapai, eyi ase-se yi wu enya n kwo dna n yi mi, yi zhin aɓo nukwoyi doho-hohoyi shi eyi a shakpe, kwo eyi a nubo zhin nukwoyi gnayi. Yi ɓei ya n tna bmiya yi shi a ɓei mayi n nayi nukwoyi, nfi n Shekwoyi minagyi sinta ngye zaho-zahoi.


Mi daɓo n fyei dna n Dagayi, fyeto shan ase-se ngye a tna viyin, ntuge awye nku ɓa bua, aɓo ku ɓa gmi aje. Oɓa bugba gu-guyi lo n nunuyi n wyegmayi, ɓa mwa kpalo n wye-wyeyi Shekwoyi nya yi, ntuge ɓaku ɓa bugba gu, to ɓa wowon, ɓa ta kpewo a zokwo ye lon.


To, fyeku a nayi kwo-kwoi ya, n kwo ɓei zhin aɓe a nukwoyi nyi, n kwo la bo vinya n nu-nuyi n shakpei.


Fye to ku vi akwocednayin n ɓa fan ye n laifi nyin, ntuge Shekwoyi minagyi nukwoyi tulo n na aza tukwo nɓa zhin abeye.


Gama koda yake n sapai efya bugba ɓei nu-nuyi n wyegmai, n saiye kwonu-nuvi lo n Dagayi buzangna yi, efya ɓe zhin kunce lo ɓa wu lonu.


Gama yita sunkun n na azai nu, n ɓa zhin nayi n na amiyin, ama n na azai nɓato n nayi n, esu a nukwoyi n awyegma nya, n ɓa gyibe n anyi deye n na aljanuyi n ɓa fi n na anyi bmana nyi.


Fye filo n ɓo n fye ɓei mwakpa n Shekwoyi nyi. Fye ɓei zhin owo anuɓayi nu to fyei ye won. Fye ɓei gnajegna-gna yi ya n wo. Ntu fye aɓo anubo zhin nukwoyi ɓo, n na aɓe zhin nukwoyi, ama nsaiye wo la fye jezeɓe n cei ngye owo anugundo.


Gama Dimas nla miya, wa wo anyi nya shakpe wa lo Tassalunika, Kiristis wo du Galatiya, Titus wa lo Dalmatiya.


Yesu-viyi nwo gyi-gyi-yi ntna aɓe nya n Shekwoyi Dada awyeba, ozanu n wo shi a kuwyi bwa, n na anyigbayi, n zayi n wo kpema Dagayi n gaiciya yi, to wun-wun yi ya, kwo n tucegye n na anyi nya yin.


Shaula doho-dohoi nha zhin, hoi to n bugbai shi lo pin, shi ho pmi lo bwaye ha pmilo bwaye. Nhoto nya n gaiciya gayin, to gye ge Dagayi ɓaga ho amsan.


Fye wu ngye nyikwoza nu nwo to gaiciya yi nwo ɓa aban, woi ye nwo ɓa anuwuyi. Fye ta kpe lo ge nfya gyi nugundo n anyi yi, kwo ɓa zhin fye fya ze Shekwoyi anubayi n? Ma gna fye ndei fye ye anyig-mada lo, fye ta mi fya zhin Shekwoyi anugundon sai owo anuwuyi.


Fye vi Shekwoyi ɓo, ntu ge fye zhin owo aɓi nu, fye to jezelo fya zokwo kwokwoyi ɓenukwoyi zhin nyam, ntuge fye to ɓei zhin fyei kpe ɓemanai ye num.


Aɓo anukwoyi ye ku fye kun, n fye ɓei zhin fyei zhin n sapa, n na a tna Shekwoyi yekpei zhin ɓa dagma fi n ɓa nyi, ajesin ajeshin, shakpe, jesin, awye-fan kasa ngye a nyacei shangba, n na ɓenukwoi aje yi.


Nyikwoza to lo n ɓa ta shi wo ashakpe wyem, anagbai zhin yi ta kun ɓam, ɓai dna aza kwoce n ɓa to mizhi m, ɓai tu ɓahin mwi ɓa ze ashakpewoyi, aɓi bwi-bwi-yi nu aknituyi.


Nlonu yi ɓa mi ya wu oza n wo zhin Shekwoyi ɓi, n zayi n wo zhin shetan nya. Oza nwo sase dnalo n laifi to woi ye nwo azaje yin, wa wunu ge woto dnalo n Shekwoyi aɓin.


Ama n fya gyi abye n ɓenukwoyi zhinyi, kwo wunu ge fye zhin Shetan nyanu, oza n wo ɓei ya laifi zhin to wa shan ka nkwon, ama Shekwoyi Nugun ɓei ɓe ntuge wa wun shetan atnu-tnu ya nu.


Omi anugundo ye-yeyi fye zhin Shekwoyi anyanu, fyei ku nasara gyi n na azayi n ɓa wun Kristi nu, Ntuge oza dnalo n efye abugbami n wo du amalami akatayi ye lo n kala, n ɓa fi n na anyi nukwoyi ye nyi.


Yi kpelo ge yi zhin Shekwoyi aɓi nu, anyi vinya n ɓa cenyi ɓafi n shetan sinta nu nwo ikoyi.


Gama Shekwoyi ʼɓi doho-dohoyi ɓami wa vi wo, woi gyi nasara n laifiyi, n na shakpe nukwoyi anyi nya yi, n wa kpema Kristi ntu ge wa bma wo zhin.


Dragon yakwoye, owa kwo-kwoi n na yiwo Guzhenyi n satan yi nyi, n wo dna anyi vinya kwoce nyi, a shewo ya dna n anyi ɓedo n wo amalaika yi.


Wa zhin aɓo awo-woyi ye wo ɓei mi wa dna aza kwoce n na aba vinya, wo ɓei mi woi zhin aɓo a wowoi ye esa vinya n Nyawan-nyawan kmisunyi gni woi gye wo. Waga aza wyidna n na anyi nge ɓa zhin Nyawan-nyawan kmisunyi dogbe, n na ɓei la wo wu waje lakala nyi.


A zanyikwoci vinya, na ato n ɓa aye yi kafi n kugya wu-wuyi Littafi wye-wyeyi nya kafin anyi zhi san, ɓa ga Nyawan-nyawan nukwoyi mwa-mwa.


Nnavun malaika tnabayi waze wo papa ya fi n ese, wyisa yakwo kwa gmi n aduwa-nyakun n eshe mi kwoi gna, “Aku zo zhin.”


Wa wan Dragon, owa kwo-kwoi, oza nukwoyi, Shetan, wa pawo n na agma yi har eye tagyi ngun awo, (1,000).


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ