Afisusuyi 1:9 - Alkawali Woiwoyi

⁹ Shekwoyi ku owo asiri wu yi nkwo ɓei so shi, dalili n wa tnu n Kristi yi, enya n wa zhin shiri dna n sun-sun gye tunyi n sapa.

Afisusuyi 1:9 ပူးပေါင်းရင်းမြစ်များ

Matta 13:11

Wa gna ɓa ge alaye fye fya kpe Eshe Ebemi ɓeye, ama toge azaje m.

Luka 12:32

“Ntu cenu fye to wo dna m, aɓi gama ko zhin kwa da fye dada wa ga fye owo ʼbe mi.

Luka 2:14

Ɓa ko anyi ge, “Aga Shekwoyi mwa-mwa n She, Bugba fu kwa ku ɓe aza ɓa n ɓa da Shekwoyi nyi.”

Atnu-tnuyi Aɓozhin 13:48

Shi abyedo ɓei wo lo nu, ɓa dagma ɓai ci Shekwoyi ntu wo ɓeda ɓo; aza akni-kniyi ntu wye-wyeyi nyalo-nyalo nya ɓo, ɓa bei ku gaiciya ga.

Atnu-tnuyi Aɓozhin 4:28

Ɓa ta fa ɓo zhin ɓo n ho iko ye ɓa zhin.

Aromayi 11:25

Mi n cei pma fya kpe gaiciya ye n Shekwoyi aba, emi azaje yeyeyi n na bai nfye ta mwa fyehin tukwo fya ya abokwo zhin, E, kwo zhin gaiciya nu nge a Yahudiyi ho zhin gaba lo n Nabari Manayi-nsaiye, ama kwo ɓa bwa esanu la n fye abyedo fya ku ɓe Kristi aba vinya, efye n fya ye fya ɓe.

Aromayi 8:28

Yi kpelo ge aɓo vinya nɓa bwayi ɓa lo tnu-tnu manayi n yi aba, ndei yi ye Shekwoyi lo, yi-i kunce lo nwo shiri yi.

Akorintiyi I 1:21

Gama Shekwoyi dna n wa wyega, wa ku kpe ge anyi ta kpe wo ye dna naza wyegam. Amma wa zhin ntuge wa gni aza dna n waʼazi zhin mi, n nanyi gye ko ge gboloyi nyi.

Agalatiyayi 1:15

Ama nya ho a zhin. Gama tunyi to ai mamin Shekwoyi ɓo la mi kni ma ze wo nya, wa yimi, n ye-ye dnagmayi n alheri yi.

Agalatiyayi 1:16

Wa wu owo ɓi n mi mi, n na bai ma lo a byedo aba, mi wu ɓa Nabari manayi Yesu nya. Sanu n ɓeye ɓei zhin lo nu n mi-i, mi to ɓei lo zaho-zahoi aba ma wu won.

Afisusuyi 1:11

Ntu nya ɓo n Kristi n ku zhin, yi ku ze a cauta n Shekwoyi aba n ɓa da wo agma, gama dna n Shekwoyi shiri wo ɓei kni yi tunyi n sapa, aɓo vinya ɓei zhin shiwo ɓo zhin shiri nu.

Afisusuyi 1:8

Woi la owo alheri mwa-mwayi ze kpeyi. Gama wo kpeyi ye lo sarai n nya yi n kwo gna bmiya ntu yi ɓo n sayi vinya.

Afisusuyi 3:11

N zokwo n wa zhinkwo shiri dna n Yesu Kristi eyi Dagayi nyi.

Timatawus I 3:16

Kwo zhin gaiciya nu asese manayi dna n Shekwoyi, kwo to zhin oɓo fafayi nun, amma amsa lo n Kristi, n wa ze zanyikwoci wa ɓe anyi, a gye wo n gyi-gyi n tna laifi dna n wo Zafun, amalaika ɓa zhin wo bauta, a zhin wo waʼazi n anyi vinya, aza gwowo n na aba vinya laɓa, a gwo wo njesun wo lo eshemi.

Timatawus II 1:9

Owonu na gni yi, wa kni yi, n tu n wo tnu-tnu gyi-gyi-yi ɓo, to ge yi kunce lo nun, ama ntuge owo shiri nu tunyi kafin asa anyi, n na bai wa wuyi owo alheri n ye-yeyi dna n Kristi.