Afisusuyi 1:4 - Alkawali Woiwoyi

⁴ Tunyi n sapa, to ai zhin anyi n, Shekwoyi wa kni yi n na bai ya ze wo nya, ntuge wa zeyi aza agyi-gyiyi n wo awyeba, ntna laifi, eyi n yi gni-agni zhi n wo abye n wo ye-yei pwi.

Afisusuyi 1:4 ပူးပေါင်းရင်းမြစ်များ

Matta 24:22

“Gaiciya ndei a to ce anyipyei hi zunya n, aza vinya ɓo ku zo fi. Ama a ɓo la ɓa ce zunya ntu Shekwoyi aza kni-kniyi ɓo.

Matta 24:24

Ntu ge Akristi akatayi ɓa kun, ɓedo anabi akatayi, ɓai ɓo zhin aɓo wowo har ge koi ye zhin nu, aɓo ku Shekwoyi aza kni-kniyi dna koce.

Matta 24:31

N ɓo tnu emi amalaika yi, n kasun a knaknaci nya yi, ntu ge ɓa ye emi aza akni-kniyi zhi anyi cezhi ba vinya.

Matta 25:34

“Emihin Esu mi ɓo gna aza nɓa zhi nmi bwaizhe ge, Fye ɓe anabarka da emi Dada nya, fya lo ebe mi na ɓo zhin shiri ntu fye ɓo tunyi to ai zhin anyi nyi m.

Yohanna 10:16

Mi akni do yi lo, nɓa to fi lo n gwodo yem. Tile nu ma ɓe nɓai, ntuge ɓa wo mi begye, ɓa ze gwodo gmanyi, Kniknayi gmanyi.

Yohanna 15:16

Ofye ye nu to kni mi m! Omi nakni fye! Nabai fya lo fye ga gyi-gyi manayi. Nabai nyaho-nyahoi nfya gyiwye dna nmi eye, Dada ɓa ga fye kwo.

Yohanna 17:24

Dada, mi ye aza no ku ga mi nyi, ɓa sase aba nmi nyi, ɓa gye mi mwa-mwa wye, mwa-mwa n ha ga mi ntu ge, ho ye mi tunyi to ai zhin anyi m.

Atnu-tnuyi Aɓozhin 13:48

Shi abyedo ɓei wo lo nu, ɓa dagma ɓai ci Shekwoyi ntu wo ɓeda ɓo; aza akni-kniyi ntu wye-wyeyi nyalo-nyalo nya ɓo, ɓa bei ku gaiciya ga.

Atnu-tnuyi Aɓozhin 15:18

Dagayi kpe wo shiri vinya, Wo ɓa mi wa zhin aɓo ngye shi wo shiri nyi tunyi nkmisun-yi.

Atnu-tnuyi Aɓozhin 18:10

Ntu ge mi gnisun lo n hoi, ozaho ta zhin ho nyaho m, mi azayi lo dna n ezhi deye n mwa.

Aromayi 8:33

Nyikado ɓa da ɓeda nukwoyi tu n yi tukwo, Aza n Shekwoyi laɓa kni ɓa ze owo nya? Shekwoyi? Awo, owo nu na zhin yi gafara wa gayi agni-gni manayi n wohin yi.

Akorintiyi I 1:8

Wo la ye har nyalonyalo ayi fye aza kni-kni-yi, tna laifi n ɓenukwoi yi dna Wo nyipyei jezezhi nya.

Agalatiyayi 5:13

Emazaje, ala loloya ga fye, to ge loloya fya zhin ɓenukwo yin, ama loloya fya ye na jei fya bma je zhin.

Agalatiyayi 5:22

Ama, n Zafun Gyi-gyi-yi nu gyi be tu n yi tukwo wo ɓa ɓe n na aɓeye pyai n yi mi. Yeye, bugba-buyi, bugba fu, hakuri azaye n cei ɓemana zhin.

Agalatiyayi 5:6

Eyi, n Kristi la wye-wyei nyalo-nyalo nya gayi nyi, yi to n na apmai lo ya damu kwo yi kaciya yi zhin lon, ko yi shi a Yahudiyi awyidna bwa lon, ntuge nya n yi ye kwonu zhin gaiciya ga tnu-tnu dna n ye-ye.

Afisusuyi 2:10

Shekwoyi nu na zhin yi, yi ze anya n yi ku ze n saiye nyi, woi gayi wye-wyeyi dna n Kristi Yesu. Tunyi n sapa nu n wa zhin shiri ye, ntu ge ya bma azaje zhin dna n wye-wyeyi ye, n yi la bwa nyi.

Afisusuyi 3:17

Mi zhin aduwa n na bai Kristi wa dna nfye a bugba mi n mwa cici, wa sase dna n fye mi, shi fye gawo gaiciya. Fa fya mi zhi dna n Shekwoyi ye-ye ɓo wo-wo nya.

Afisusuyi 4:2

Fye gba fyehin tukwo fya zhin peceiye, fye zhin hakuri n na ajeyi, ntu ye-ye ɓo to fya gye aje laifin ngye nya ho nun.

Afisusuyi 5:2

Fye ku nu n ye-yei ga aje, fya shan Kristi nwa ye n fyei nyi, wa ga wohin n Shekwoyi akun ngye hadaya, wa ku fye alaifi ya nyi. Ce a da Shekwoyi, ntuge Kristi ye-ye nfve aba, kwo zhin ngye tulare sunda yi nu nwo aba.

Afisusuyi 5:27

Nna abai wa ga wohin tukwo kwo, ngye ikklisiya mwa-mwai ntna ɓenukwoi, kwo laifi ci gusa, n gyigyi yi n tna cegye.

Afilibiyi 2:15

Nna bai n zaho ta bwa fye laifin. Fye sase n gyi-gyi-yi. Ntna cegye, Shekwoyi aɓi nfi n wyegma anyi ye nya n na za nukwoyi n ɓa ta wo ɓon. Fye bmiya na n ɓa mi ngye a fitila. Fya ku ze a buzangna.

Akolosiyi 1:22

Wa zhin ce dna n owo efi mi n wa fi dna n nayi tu n zundu nyi ntu n ce nu Kristi ku ɓe n fyei n Shekwoyi abye, fyei gni agni zhin wo abye n sayi ye n tna laifi, n kwo ɓa zhin n wo ɓa nya fye ya.

Akolosiyi 2:2

Nya nyi n mi nya Shekwoyi ntu fye ɓo, fya bwa kala fya nyimaje dna n ye-ye, fya kpe Kristi ye dei-dei, n tna wyegma. Gama Shekwoyi shiri asiri, n na ala guya wuyi nyi, okwo nu zhin Kristi n wohin tukwo yi.

Akolosiyi 3:12

Tunda Shekwoyi la fye kni, n wa ga fye wye-wyeyi woi-woi nyi, ntu n wo ye-ye lolo yi ɓo n fye aba, fye tu sun-sun-gye mwi, n bugbafuyi n na azaye n cei. Fye to damu n ɓei n ɓa ɓa dan, ama fye sin wahala dna n na atnazhin n hakuri yi.

Atasalunikayi I 3:12

Fa Dagayi wa zhin ofye yeye kwa mwa lo abye-abye, kwa nu, kwoi gyiya ga efye azaje n na azayi vinya, shi eyi ye-ye ɓe fye aba nyi.

Atasalunikayi I 4:7

Gama Shekwoyi to yi yi, ya ze aza nu nɓa bugbayi nu-nuyi n cegye yi nun, n nu-nuyi n shakpe yin, ama ya ze aza agyi-gyi-yi.

Timatawus II 1:9

Owonu na gni yi, wa kni yi, n tu n wo tnu-tnu gyi-gyi-yi ɓo, to ge yi kunce lo nun, ama ntuge owo shiri nu tunyi kafin asa anyi, n na bai wa wuyi owo alheri n ye-yeyi dna n Kristi.

Timatawus II 2:10

Mi shiri lo ma sin wahala, ndei okwo nu ɓa ɓe n gni-gni yi, n mwamwa nyalo-nyalo nya yi, dna n Kristi Yesu ga aza n Shekwoyi n la ɓa kni nyi.

Timatawus II 2:19

Ama Shekwoyi gaiciya gni agni lo ngye apma, nyaho ta shan kwo ashan. Fandashen kuta nyanu, n na aɓedaye yi ka kpe n kwo, “Dagayi kpe aza yi lo n ɓa zhin owo anya.” Njesun, “Oza n wo yi wohin nge Yesu viyi wo to zhin aɓo nukwoyi zhin.”

Yakubu 2:5

Fye wo, emi azaje, Shekwoyi nla awyekwoyi kni ɓa ze anyabwayi dna n gaiciya ga, Eshebemi zhin ɓa nya nu, gama cauta nu n Shekwoyi zhin aza alkawali nɓa ye Wo.

Bitrus I 1:2

Oma nugundo, Shekwoyi Dada ɓei kni fye tunyi n sapa, Wa ku pma kpe ge fye ɓa ze owo aɓi, Zafun Gyi-gyi-yi lo tnu-tnu lo n fya bugba mi woi zhan fye ya n Yesu Kristi ami yi, woi zhin fye fyei zhin oɓo kwo dawo, alheri n bugba-fuyi ɓa la lakpe nfya ba.

Bitrus I 1:20

Shekwoyi ɓei kni wo tunyi n sapa to ai zhin anyin, ama n na anyipyei kmaknayi ye kwa ze anabarka n fya ba.

Bitrus I 2:9

Ama fye to wulo lonun, ntuge Shekwoyi la fye kni n wohin yi, fye zhin Esu a pirist nu, fye gyi-gyiyi lo n bmiya, fye zhin Shekwoyi anyanu, aɓeye vinya ntu ge fya wu aza shi Shekwoyi wa yi fye n wyegmaa mi woi lo fye fi n wo buzangna ɓewowoyi nya.

Bitrus II 3:14

Oma nugundo ye-yeyi, sa fye zhilo fyei pmi nyipyei ye, Owo ɓeɓe nya, fye zhin kukari fya sase ntna ɓenukwoi zhin yi, fya sase n gyi-gyi-yi, n bugba fuyi n wa bye.

Yohanna I 4:16

Yi kpelo shi Shekwoyi ye yi nsun, ntuge yi ku owo ye-ye woshan, ntu ge yi ku gaiciya gawo esa n wa gnayi nge wo ye yi lo n mwa. Shekwoyi zhin ye-ye nu, zahozaho yi nwo dnalo n ye-ye, wo dnalo n Shekwoyi, Shekwoyi dnalo n wo.

YOHANNA ƁEWYEGYE 13:8

A zanyikwoci vinya, na ato n ɓa aye yi kafi n kugya wu-wuyi Littafi wye-wyeyi nya kafin anyi zhi san, ɓa ga Nyawan-nyawan nukwoyi mwa-mwa.

YOHANNA ƁEWYEGYE 17:8

Wo ɓei n wye-wyeyi ama nsaiye woto lon. Ama esafyewyi woɓa gmiɓe n bwokun tna cei, walo bwi-bwi nyalo-nyalo nya. N azai nɓa fi n anyi n ɓa aye to kafi lo n Littafi wye-wyeyi nya nyin, kafin a zhin anyi, ce ɓei woɓa nɓa ɓei gyewo n wo efi avun.