Afisusuyi 1:3 - Alkawali Woiwoyi

³ Yi ci Shekwoyi lo, eyi Dagayi Yesu Kristi Dada n wa tuyi anabarka n anabarka doho-dohoi n shemi, ntuge yi zhin Kristi a nya nu.

Afisusuyi 1:3 ပူးပေါင်းရင်းမြစ်များ

Luka 2:28

Simon ɓo dna. Wa la eɓiyi shi wa zhin Shekwoyi godiya.

Yohanna 14:20

Nwyihi-i fye ɓo kpe ge mi dna lo n Dada, efyehin ce nfi lo nmi, omihin njesun n dna lo n fye.

Yohanna 17:21

Mi zhin aduwa ge ɓa ze gmanyi, Dada, ngye shi mi dna nho, ohohin ndna nmi. N lo nu ɓa fi n yi mi, ntu ge anyi ɓa ga gaiciya ge oho na nu mi.

Yohanna 20:17

Yesu wa ci wo ge, to to mi bwa m, ntu ge mi to gun lo mi Dada aba kpam. Ama lo da omi azaje ho gna ɓa ge, mi du gun da mi Dada nfye Dadayi, omi Shekwoyi nfye Shekwoyi.

Aromayi 15:6

Nsayi, eyi vinya yami ci Dagayi n begye yi gmanyi, yi ga Shekwoyi mwa-mwa, eyi Dagayi Yesu Kristi Dada.

Akorintiyi I 1:30

Ntuge n Shekwoyi aba nu gmanyi nfye wye-wyei yi lo dna Kristi Yesu. Owo na wuyi Shekwoyi shiri ntu gni-gni ɓo; Owo na zhin Shekwoyi Woi gwo yi: Owo na ze yi aza Gyi-gyi-yi, Wona ga Wohin tukwo Wa gni yi.

Akorintiyi I 12:12

Eyi anayi na gai lo mwa begye, ama n na ye agayi ɓedo vinya, ɓa zhin nayi gmanyi nu. Kristi wulo lonu nu.

Akorintiyi II 1:3

Yi zhin Shekwoyi godiya, owo nu n wo zhin eyi Dagayi Yesu Kristi Dada nyi. Ntu ge bmazhin vinya gmi nwo aba nu.

Akorintiyi II 11:31

Shekwoyi eyi Dagayi Yesu Kristi dada n na ciwo nyalo-nyalo nyi, kpelo ge mi da gaiciya nu.

Akorintiyi II 5:17

Esanu oza la vi Yesu, wola ze oza woi-woyi, oza kwo-kwoyi la duya, hali woi-woyi la ɓe.

Akorintiyi II 5:21

Yesu to ɓei zhin laifi da num, ama ntu yi ɓo Shekwoyi wa zhin wo, har wa ze laifi da, ntuge ya kuze aza manayi.

Afisusuyi 1:10

Owo nufi nu nyi, nge sanu nsa lasi wo ɓa yei zhi n gnisun, aba n yi nyi vinya n eshe kwo n anyi, ya gnisun n woi dna Kristi nyalo-nyalo.

Afisusuyi 1:20

Iko dnagmayi ye nu bwa jesun n kwo ɓei la Kristi kala n efi, kwa se wo ase tu n Shekwoyi bwai-zhe-bwa n eshe.

Afisusuyi 2:6

Wa kuyi kala n vingwo fi n mwa-mwa n gnisun n Kristi yi. Aba n yi sase n gnisun n woi n eshe mi, ntu nya ɓo n Yesu Kristi ɓei zhin nyi.

Afisusuyi 3:10

Ntu kniɓeyi a? Ntu ge wa wu abegyi yi n anyi bmana shi wo cecei, esa nu n agye owo aɓi a Yahudiyi n abyedo yi n ɓedo fi n wo ikklisiya.

Afisusuyi 6:12

Gama yita sunkun n na azai nu, n ɓa zhin nayi n na amiyin, ama n na azai nɓato n nayi n, esu a nukwoyi n awyegma nya, n ɓa gyibe n anyi deye n na aljanuyi n ɓa fi n na anyi bmana nyi.

Afilibiyi 2:11

Nyitala doho-dohoi ɓei cige, Yesu Kristi nu zhin Dagayi dna Shekwoyi Dada mwa-mwa.

Aibraniyi 8:5

Zokwo kwokwoyi nu ɓei zhin gnabye. Kwo nu ɓei zhin foto eshe nya. Ya gye shi na ɓei zhin lubui n wu. Wo ɓei gna Musa ge wo zhin lubui (tent) shi wo ɓo wu wo.

Aibraniyi 9:23

Tent n Musa ɓei zhin n anyai vinya nkwo mi, aɓei laɓa degbe n she nu. Dole Musa zeɓa gyi-gyi-yi n anyakpa ami yi. Amma Tent nkwo lo n eshe nyi, aɓei zekwo Gyi-gyi-yi n enya yi nu n kwo du deye lo n daraja.

Bitrus I 1:3

Mwa-mwa vinya Shekwoyi nya nu n Dadayi, eyi Dagayi Yesu Kristi nya, ntuge owo sun-sungye tnazoyi nu na gayi esa a shan yi ma. Nsaiye yi sase n na awyetu wye-wyeyi nyalo-nyalo nya yi, ntuge Kristi ɓei la laka n efi.