Afisusuyi 1:1 - Alkawali Woiwoyi

¹ Eyi anugundo a Yesu viyi n fye fi n Afisusu, fyei vi Dagayi ɓo cici nyi, miɓi fye gna lo. Bulus nu ka ga fye, n Shekwoyi wa kniwo wa ze Yesu Kristi tnu-tnuyi nyi.

Afisusuyi 1:1 ပူးပေါင်းရင်းမြစ်များ

Luka 16:10

Awo! Gama oza wo to n ɓefyecei lo n anya ɓi-ɓiyi m, wo tami wa zhin ɓefyece n anya dnagmayi m.

Atnu-tnuyi Aɓozhin 16:15

Ya zhin wo baptizma n na zayi nwo puwa vinya, wa gyi yi wye ge yi shin fi n wo puwa wa ci ge, “Ngye fye ku ye ge, mi zhin oza gaiciya danu n Dagayi aba, fye ɓe fya shin fi n mi puwa”. Ya ku ye ya lo wo puwa.

Atnu-tnuyi Aɓozhin 18:19

Shi yi ɓei si aya lo ɓa n Afisusu wa fa yi fi n eya wa lo aduwa nyakun wa daɓo n a Yahudiyi n ɓo.

Atnu-tnuyi Aɓozhin 18:21

Wa gna dole ma lo mi sun dna Urushelima. Amma wa zhin ɓa alkawali ge, wo ɓa je ɓe ndei Shekwoyi waye, ya lo yi nya.

Atnu-tnuyi Aɓozhin 9:13

Hananiya wa gna ge, Dagayi mi ku aɓo nukwoyi wo n Bulus zhin lo na viyi n Urushelima mi.

Aromayi 1:1

Anugundo ye-yeyi n fye fi n Roma nyi, Wasikaye gmi n Bulus akun nu, Yesu Kristi bara kni-kniyi ntuge wa zhi waʼazi, Shekwoyi Nabari manayi nya.

Aromayi 8:1

Ntu cenu, knizun to lo nna aza ba, n ɓa zhin Kristi Yesu nya n.

Akorintiyi I 4:12

Yi zhin tnu-tnu nʼya bwa yi ntuge ya bwa nyagyi. Esa na za kpe ya gye, ya tuɓa anabarka, esanu ɓa ga yi wahala, ya bwami nɓai.

Akorintiyi I 4:17

Cenu zhin mi-i tnu n Timatawus yi n fya ba wa bma fye zhin, Wo zhin mi ɓi yeye yi nu dna Dagayi, gbenuyi nu njesun. Wo ɓa pa fye aɓo mi wu dna ekklesiya dohodohoi nma lo.

Akorintiyi II 1:1

Wasika ye gmi n mi aba nu Bulus, oza kni-kniyi Shekwoyi nya, wa ze Yesu Kristi tnu-tnuyi, ɓedo n Timatawus yi eyi zado, kwoi lo a Yesu-viyi aba nɓa fi n Korinti nyi n Akaya yi vinya.

Agalatiyayi 1:1

Wasika ye gmi n mi aba nu, omi Bulus waʼazi zhin yi, n na Yesu viyi ajeyi, n ɓa nyi n ya nyi. Kwoi lo a ikklisiya aba n ɓa nyi n Galatiya nyi. Aza nu to ɓei yi mi nge mi ɓe ma zhin waʼazi yen, Yesu Kristi nu ɓei yi mi n wohin, n Shekwoyi Dadayi n wo ɓei lawo kala n efi nyi.

Agalatiyayi 3:26

Gama nsaiye yi zhin Shekwoyi aɓi nu, dna n gaiciya ga n Yesu Kristi.

Agalatiyayi 3:28

Yi to shan a Yahudiyi nu zhin, kwo a Heleniyi, kwo a fyenu, kwo a puwa dan, kwo a zanugbayi kwo anyikwozan, ama a Yesu viyi, yi zhin gmanyi nu dna n Kristi Yesu.

Afisusuyi 1:15

Cenu zhin, tunyi esa n mi ɓei wo fye gaiciya ga ɓo dna n Dagayi Yesu, n ye-yei nfye wu a Yesu viyi n nna aba vinya nyi.

Afisusuyi 2:10

Shekwoyi nu na zhin yi, yi ze anya n yi ku ze n saiye nyi, woi gayi wye-wyeyi dna n Kristi Yesu. Tunyi n sapa nu n wa zhin shiri ye, ntu ge ya bma azaje zhin dna n wye-wyeyi ye, n yi la bwa nyi.

Afisusuyi 2:13

Ama nsaiye, fye zhin Yesu Kristi anya nu, kwo shi kwo nyi fye ɓei mwa kpa n Shekwoyi, n saiye aku ɓe n fyei vi-viyi n woi, ntu n nya ɓo n Yesu Kristi wa zhin ga yi n wo amiyi nyi.

Afisusuyi 2:6

Wa kuyi kala n vingwo fi n mwa-mwa n gnisun n Kristi yi. Aba n yi sase n gnisun n woi n eshe mi, ntu nya ɓo n Yesu Kristi ɓei zhin nyi.

Afisusuyi 6:21

Tikikus, emi zado ye-yei gaiciya da, nwo bmami zhin dna n Dagayi tnu-tnu nyi, wo ɓa gna fye shi mi lo n ya.

Akolosiyi 1:2

Kwoi lo eyi azaje aba a Yesu viyi, Shekwoyi aza n ɓa fi n Kolosi zhimi nyi. Fa Shekwoyi eyi Dada wa tu fye anabarka wa nu fye n wo bugba fu dnagmayi.

YOHANNA ƁEWYEGYE 17:14

Ngnisun, ɓa ɓei sun okun n Kugyai. Kugya ɓei gyi nasara nɓa tukwo, gama owo nu zhin a dagayi Dagayi. Esu aje Esu, owo aza nu zhin ayi-yi-i a kni-kniyi, a gbenuyi.”

YOHANNA ƁEWYEGYE 2:10

To zhin wahala dnawo n ho ye ha sin nyin, gama esa fyewyi shetan ɓa she a zaho yafi n kurkuku wa mwi fye gye. Aɓa ga fye wahala anyi-pyei ngun awo. La mi gni, ha nu egbe kwo efiyi nu, mihin ce mi ɓa gaho rawani wye-wyeyi nya. Abye, mwa-mwa tna zo yi.

YOHANNA ƁEWYEGYE 2:13

Mi kpelo ge ho dna n ezhi nu n shetan n gyi ebe, shetan mwa-mwa ga aba a tasin, har hoi vimi, to hoi ye ha nami aɓo m, kwo esa n Antibas, emi seida zhinyi, gbenuyi ɓei fi n na shetan a viyi akun.