Afilibiyi 4:14 - Alkawali Woiwoyi

¹⁴ Ama dudu lo nu, fye ku zhin n bmiya n fya bma mi zhin dna n mi wahala n saiye nyi.

Afilibiyi 4:14 ပူးပေါင်းရင်းမြစ်များ

Matta 25:21

“Ewo puwa da wa ci wo ntu tnu-tnu manayi ɓo. Wa gna wo ge, Ho ku gaiciya zhin tu na gyi wye ɓi-ɓiye, ntu ce nu nɓa tnu-tnu ɓe ho. Dagma ngnisun nho puwa dai.

Aromayi 15:27

Ɓa ɓei zhin kwo n bugba bui-bui ntuge ɓa gyelo ɓa ntayi shi a Yesuviyi lo nɓafi n Urushelima. Ntu n kni ɓei ya? Ntuge nabari manayi Kristi nya kun n Urushelima nu kwoi lo abyedo aba. Tunda ɓa ɓei gwo cauta Zafun nya nabari manayi nya nɓenu ɓa gye ɓe n ɓa ɓa zhin ɓa, okwo nu ɓa gaɓa akaya nanyi nya.

Agalatiyayi 6:6

Aza n na wuɓa Shekwoyi ɓeda kow bimya ɓa bma ʼɓa malami zhin ɓa gba wo.

Afilibiyi 1:7

Kwo wulo cewo ma wo n mi mi ntu fye ɓo ngye shi mi wo nyi, ntuge, fye dnalo n mi bugba mwa. Yila gni bwa ngnisun Shekwoyi anabarka esa n mi ɓei dna n Kurkuku nyi, n esayi n mi ɓei la gmi nyi. Mi-i sunkun ntu gaiciya ɓo mi-i gna aza Kristi nabari.

Afilibiyi 4:18

Nsaiye, mi n na anya yi lo-lo n mi ye n mwa, anya n fye ɓei ga Abafraditus wa ɓemi n cei nyi, Ɓa zhin nyaga sundayi nu n kwo da Shekwoyi agma n mwa.

Timatawus I 6:18

Gna ɓa ɓa zhin apma n ɓa agyiwyei dna n ɓemana zhin. Ɓa ku ze anyabwai dna n ɓemana zhin, ɓai ga aza n ɓa gyisan lo n bugba bui-buyi, n shiri yi zhin ɓa gni n na azai enya n Shekwoyi wa ga ɓa.

Aibraniyi 10:33

Mi pa salo naza ɓei zhin ɓai lu fye, ɓai ma fye san. Fye gye aza sun-sun nɓa ɓei zhin ɓai sin wahala n gye fye nyi, kwo zhin hali manayi nu. Shekwoyi kwa wo dagma lo n fyei.

Aibraniyi 10:34

Fye ɓei sin wahala ɓedo n naza yi n ɓafi n kurkuku. Fye to ɓei damu sa n na ɓei ku fye akaya m, fye ɓo ku Shekwoyi kpeye har fyei kpema wo. Fye kpe lo ge, gyiba dnagmayi lo kwoi pmi fye nʼshemi.

Aibraniyi 13:16

To ze ɓemana zhin amwi m, zhin aɓo manayi. Ce nya ga aza n ɓa to cei lon. Nyaga nu Shekwoyi ye n cei.

YOHANNA ƁEWYEGYE 1:9

Ominu, efye zado, Yohanna, wahala kun-sunyi ntu n Yesu ɓo, n wo ka fye wasika ye, emihin ce, mila hakuri bwa n Yesu ga, yi ɓei gyi ebe n woyi. Mi ɓei tu n muse n na yi kwo ge Batmus, n na ɓei nyami ya ntu ge mi zhin Shekwoyi ɓeda waʼazi, mi-i da oɓo n mi kpeyolo n Yesu Kristi tukwo.