Afilibiyi 3:14 - Alkawali Woiwoyi

¹⁴ Mi zhin atna masi asibui cezhi ba, ma gwo lada n Shekwoyi wa yi-yi ya lo she, ntu nya ɓo n Kristi Yesu wa zhin gayi nyi.

Afilibiyi 3:14 ပူးပေါင်းရင်းမြစ်များ

Luka 16:16

Kafin Yohanna wo ya waʼazi zhin n batisma yi, Musa owa, nu ɓei zhin fye zokwo ɓedo n waʼazi n anabi gbo-gbo ɓei zhin anyi. Amma Yohanna wa ɓe fye n nabari maayi nge Shekwoyi bemi la ga ɓe. To aza zhi nyi n mwa ɓai ye.

Aromayi 11:29

Gama Shekwoyi cauta n wo yiyi-i kwo ta shan kman, wotajeze n na vunyi n wo alkawali n wa zhin nyin.

Akorintiyi I 9:24

Lalle fye kpelo ge nna wyefan ba, asubui vinya nu zhin ɓa busi, ama zaknayi nu zhin wa bwa lada kmisun-yi gwo. Ntucenu fye bui si ntuge fya gwo lada-yi.

Akorintiyi II 4:17

Wahala ɓiyi ye n yi sin kwo nyi kwa, kwo ta mwasa m. Amma kwo ɓaɓe yi mwa-mwa dnagmayi nyalo-nyalo nya, n du eyi wahala ye.

Afilibiyi 3:3

Gama eyi nayi zunya nu ta ze yi Shekwoyi aɓin, mwa-mwa ga nu n yi Zafun yi, kaciya hin-hin nu, eyi a Yesu viyi, yi dagma fi n nya n Kristi Yesu ku zhin gayi, yi kpe ge yita mi n yihin bma-zhin ya gni yihin tukwon.

Akolosiyi 2:18

Fye to ye zaho-zahoi wa ci fye ge fye ku bwi, ntu ge fye ta zhin a malaika sujada lon. Shi ɓa gna fye ge tilas fya zhin nyin, ɓai gna ge ɓaku gye ruya ɓai kpela nge ko kuncelo fya gye. Aza tukwo mwayi (koda yake ɓa gna nge ɓata mwa ɓahin tukwon.) Ɓa ce-ceyi lo dna n ɓa aɓemwi.

Atasalunikayi I 2:12

Nge, fye to ye, efye ase-se, kwa wun Shekwoyi bugban, ama fye gawo bugbabuiyi n wa yi fye fi n wo ebemi nyi, fya gwo wo mwa-mwa nyi.

Timatawus II 1:9

Owonu na gni yi, wa kni yi, n tu n wo tnu-tnu gyi-gyi-yi ɓo, to ge yi kunce lo nun, ama ntuge owo shiri nu tunyi kafin asa anyi, n na bai wa wuyi owo alheri n ye-yeyi dna n Kristi.

Aibraniyi 3:1

Ntu deye ɓo, ema zaje Gyi-gyi-yi, yi zhin Shekwoyi aza kni-kni yi nu. Fye ku efya bugba ga Yesu na tnu nwoi nyi. Eyi pirist dnagmanyi gaiciya ga nya.

Aibraniyi 6:1

Ntu cenu yi shi ɓeda bwa n yi ku wo nyi wato Yesu wuwu, to ya wu kwo nu cici m, ama yi gyi abye dna gni-gni zokwo har ya mwa. Atnu-tnu ta mi ɓa gni yi m, ntu cenu, yi mi zhi dna gaiciya ga. Yi ku atnu-tnu anayi nya fa. Ɓa ɓa lo yi na bwi-bwi ba.

Bitrus I 1:13

Ntucenu fye ku fyehin wan shi, fya pmi n na wye tuyi tu n Shekwoyi alheri nkwo ɓe fya ba lo, esa n Yesu Kristi ɓa jezeɓe cei nyi.

Bitrus I 5:10

Esa n fya ku wahala sin esa fyewyi, eyi Shekwoyi, n wo nu-nuyi n sun-sun gyei dna n Kristi nyi, wo ɓa ga fye mwa-mwa nyalo-nyalo nya. Owo n wohin tukwo wo ɓaɓe wo ku fye, wa mi fye zhi, wa ze fye akala-da ndu sapa.

Bitrus II 1:3

Ntuge n fye kpewoye labye, wo ɓa ga fye, dna nwo iko yakwo, anya vinya n fye ɓa pmai, ntu na sase manai ɓo: har wo zhin wa gayi owo latu n ɓemanai yi.

YOHANNA ƁEWYEGYE 3:21

Mi ɓa ye zaho-zahoi n wa gyi nasara wa sasetu n miyi n mi akujara-ebenya shi mi ɓei sase tu n gnisun n mi Dada nyi n mi ɓei gyi nasara nyi.