Afilibiyi 2:2 - Alkawali Woiwoyi

² To fye zhin mi ma dagma ɓehin-hin nya, fya ye n na jeyi n bugbai gmanyi, fyei zhin tnu-tnu n gnisun n bugbai ɓedo n ɓemwi gmanyi.

Afilibiyi 2:2 ပူးပေါင်းရင်းမြစ်များ

Yohanna 3:29

Oza n wo n mula-nyikwoyi, wo nu zhin mula-ɓa. Mula-ɓa nugundo kwa woi dagma n jesun. Mi zhin mula-ɓa nugundo nu. Mi dagma lo n woi.

Atnu-tnuyi Aɓozhin 1:14

Aza nyi n ɓa ɓei fi ɓo. Bitrus, Yohanna, Yakub, Andrawus, Filibus Toma Bartalamawus, Matta, Yakub Halfa nugun, Siman owo ye bayi ge Zelotes ɓedo n Yesu azaje yi. Na anyikozayi n Yesu ʼya yi.

Atnu-tnuyi Aɓozhin 2:1

A mako ɓo ku sun ngu shi. Yesu ɓei fi. Pentikos nyipyei koi la wu vi a Yesu viyi ɓa yezhi.

Atnu-tnuyi Aɓozhin 2:46

Ɓai ga mwa-mwa nu aduwa nyakun, ɓai yezhi n aje puwa ntu zumunta ɓo. Ɓai gyi nyagyi ngnisun nagmadai.

Atnu-tnuyi Aɓozhin 5:12

Abara ɓa gyi abye dna Solomon ashiragyi, n yezhi cici ɓai zhin aɓo wo-woyi n mwa.

Aromayi 12:16

Fye zhin tnu-tnu n dagma ngnisun. To zhin n gye ho zhin zadnagmayin. To lodna n na aza yakwo aban, ama gnalo n ha sharayi. To ha ci a ɓo n gye ho kpe ɓeho ye lon.

Akorintiyi I 1:10

Ama, oma-zaje, mi gyi fye wye dna Dagayi Yesu Kristi ʼye, fye ku ɓeda ajegna nya ya nfya tasin. Fye ku ze gmanyi, to ajegna lo aduwa nyakun m. Fye la ye ɓedo, efye ɓo nubo-zhin gmanyi, ɓemwi gmanyi njesun.

Akorintiyi II 13:11

Mi zo emi wasika n na ɓe da ye yi. Fye da gma fye mwa fi n Kristi fye kna aɓo tunbua n mi ku da nyi, Fye sase n bugba-doloyi, n bugba fuyi. Shekwoyi ye-ye nya, n bugbafu nyayi wo kunsun n fyei.

Akorintiyi II 2:3

Cenu ɓei zhin ma ka fye wasika hi, mi to ɓei cei pma ma ɓe fye aba fya zhimi ma wun bugba m. Gashi kwa ofye nu na gmadai lo.

Akorintiyi II 7:7

Owo ɓe-ɓe nu to gayi bugba buyi gmanyin, ama nabari manayi n wa ɓe yi n cei nfye tukwo nyi. Esa n wo ɓei gna mi ge fye ɓei shi omi ɓeɓe awye, shi bugba ɓei wun fye n tu nya ɓo n kwo ɓei zhin nyi. Nfye ɓovi, n ye-yeyi nfye n cei lo-lo n mi ɓo nyi, mi ɓei la nu n bugba buyi har koyi gyi ya.

Afilibiyi 1:4

Sanu n ma zhin aduwa ga fye, emi bugba nu-nuyi n na agmadai.

Afilibiyi 2:16

Fyei wuɓa Nabari wye-wyeyi nya. Sanu n Kristi bei jeze ɓe ncei, aɓei da mi n mwa, nge emi tnu-tnu n fya ba to ze gbeloyin.

Afilibiyi 2:20

Oza to lo woi ye mi ngye Timatawus n.

Afilibiyi 4:2

Mi cei pma lo ma tna Afodiya abwa n Sintikiyi, mi gyi fye wye dna n Dagayi fye to je anya wun. Fye ku ze anugundo n jesun.

Akolosiyi 2:5

Gama ko mi lo n kpai n fyei, omi bugba kunsun lo n fyei, ai dami ntu fye gaiciya ga kalada ɓo dna n Kristi.

Atasalunikayi II 2:13

Ama tilas ya zhin Shekwoyi godiya cici ntu fye ɓo, eyi aza je n Dagayi ye fye nyi, gama Shekwoyi a ɓei kni fye tunyi n sapa, wa ga fye gni-gni, woi zhan fye ya n Zafun Gyi-gyi-yi ntu fye kpema ɓo n gaiciya.

Timatawus II 1:4

Awo mi pwa ma gye ho njesun, aɓei dami n mwa, gama mi paho awyenyi ɓe lo, esa n yi ɓei fa aje nyi.

Filimon 1:20

E, emi zado ye-yei, gami agmada dna n ye-ye n na bai emi bugba ɓa ci Dagayi.

Yohanna II 1:4

A damilo n mwa shi ma gye oho aɓiho n ya, ɓai zan-zan shi kwo kunce, ɓai vi gaiciya, ɓai vi Shekwoyi gbega.

Yohanna III 1:4

Bugba buyi do to lo nkwo ɓa du deye ngye shi mi wo aɓeye pya n mi aɓi aban.