Afilibiyi 1:1 - Alkawali Woiwoyi

¹ Bulus n Timatawus yi, Yesu Kristi a fyenu, eyi nu ka ga fye a Pasto n na abyedo yi n na Yesu viyi vinya n fye fi n Filibi zhi mi nyi.

Afilibiyi 1:1 ပူးပေါင်းရင်းမြစ်များ

Markus 13:34

“Fye ɓa mwi Mi ɓeɓe do n zayi nwo ɓei lo knido n kpai. Wa ga owa tnu-tnuyi tnu-tnu ɓa zhin wa kpe zhi. Wa gna owo zokwo guyi ge wo dna wo zhi-zhi wye.

Yohanna 12:26

“Oza nu nwo ye wa ze mi ʼbaratile wa vi mi n saho-sahoi. Oza nu nwo ɓa ze mi bara, Dada ɓa ga wo mwa-mwa.

Atnu-tnuyi Aɓozhin 1:20

Anabci ye dna n Zabura nu kwa da ge, “Fa owo puwa kwa wunya to oza wa dnam. ‘Njesun a lawo tnu-tnu ga ozado wa zhin.’

Atnu-tnuyi Aɓozhin 20:28

Suku-suku, fye kpa akni Shekwoyi nya wato owo ikklisiya nwa si n wo ami yi nyi, Zafun Gyi-gyi-yi na kni fye fya ze aɓo wyednayi.

Atnu-tnuyi Aɓozhin 9:13

Hananiya wa gna ge, Dagayi mi ku aɓo nukwoyi wo n Bulus zhin lo na viyi n Urushelima mi.

Aromayi 1:1

Anugundo ye-yeyi n fye fi n Roma nyi, Wasikaye gmi n Bulus akun nu, Yesu Kristi bara kni-kniyi ntuge wa zhi waʼazi, Shekwoyi Nabari manayi nya.

Akorintiyi I 16:10

Ndei Timatiwus wa ɓe fye aba, to, sai fya gwo wo abwa-baba ntuge wo zhin tnu-tnu ga Shekwoyi nu shi mi gyi fye wye, omazaje,

Akorintiyi II 1:1

Wasika ye gmi n mi aba nu Bulus, oza kni-kniyi Shekwoyi nya, wa ze Yesu Kristi tnu-tnuyi, ɓedo n Timatawus yi eyi zado, kwoi lo a Yesu-viyi aba nɓa fi n Korinti nyi n Akaya yi vinya.

Agalatiyayi 1:10

Fye gye lo nfyehin, mita ye ma fu fye bugba nu n na ɓeda manayi yin. Miye ma zhin ɓonu n kwo da Shekwoyi. Ndei mi zhin atna ma fu aza bugba nu, ha gye mi to zhin Kristi fyenu nu m.

Agalatiyayi 3:26

Gama nsaiye yi zhin Shekwoyi aɓi nu, dna n gaiciya ga n Yesu Kristi.

Agalatiyayi 3:28

Yi to shan a Yahudiyi nu zhin, kwo a Heleniyi, kwo a fyenu, kwo a puwa dan, kwo a zanugbayi kwo anyikwozan, ama a Yesu viyi, yi zhin gmanyi nu dna n Kristi Yesu.

Afisusuyi 1:1

Eyi anugundo a Yesu viyi n fye fi n Afisusu, fyei vi Dagayi ɓo cici nyi, miɓi fye gna lo. Bulus nu ka ga fye, n Shekwoyi wa kniwo wa ze Yesu Kristi tnu-tnuyi nyi.

Afisusuyi 1:15

Cenu zhin, tunyi esa n mi ɓei wo fye gaiciya ga ɓo dna n Dagayi Yesu, n ye-yei nfye wu a Yesu viyi n nna aba vinya nyi.

Afisusuyi 6:24

Shekwoyi alheri n anabarkayi, ɓa kunsun n na azai nɓa ye eyi Dagayi Yesu Kristi n bugbai gmanyi.

Afilibiyi 2:19

N Dagayi wa ye, mi ɓa tnu n Timatawus yi esa fyewyi wa gye fye wye. N wa jeze ɓe wo ɓa fu mi bugba wa wu mi efye lafiya, shi fye zhin lo.

Afilibiyi 2:5

Kwo bmiya efye hali kwa wu ngye odo n Yesu Kristi ɓei wu yi nyi.

Afilibiyi 3:12

Mita ye ma ci ge mi la ze oza tna-laifi da nu n, mito tu aɓo mwi n kwo kunce ma tu mwi n. Ama mi zhin tnu-tnu lo abye har ewyi n mi ɓei ze enya n Kristi wa gni mi ntu ce, woi yemi ma ze nyi.

Afilibiyi 3:3

Gama eyi nayi zunya nu ta ze yi Shekwoyi aɓin, mwa-mwa ga nu n yi Zafun yi, kaciya hin-hin nu, eyi a Yesu viyi, yi dagma fi n nya n Kristi Yesu ku zhin gayi, yi kpe ge yita mi n yihin bma-zhin ya gni yihin tukwon.

Afilibiyi 3:8

E, anya vinya zhin gbeloyi nu, n na mwi ɓa do n gyibai nza ɓa bwa woi ya kpema Kristi Yesu emi Dagayi. Miku anya ya vinya, mito ze ɓa n gye nyahon n na abai ma bwa Kristi.

Atasalunikayi I 1:1

Wasika ye gmi n Bulus aba nu, ɓedo n Silwanus yi, n Timatawus yi, kwoi lo ikklisiya aba n Tasaluniki, ofye nfye zhin Shekwoyi; Dada nya, n Dagayi Yesu Kristiyi nyi. Anabarka, n bugbafu yi, ɓa ze efye cauta dnagmayi nɓa kun n Shekwoyi eyi Dada aba n Yesu Kristi eyi Dagayi nyi.

Atasalunikayi I 2:2

Fye kpelo shi a ɓei zhin yi ɓo n tna bmiya yi n Filibi, kafin yi ɓe ofya ba, shi yi ɓei sin wahala n sun. Ama Shekwoyi wa gayi kala ya je fye waʼazi zhin, koda yake anuwun-yi ɓei sheyi gun.

Atasalunikayi II 1:1

Wasika ye gmi n Bulus akun, n Silwanus yi, n Timatawus yi, Kwoi lo ikklisiya aba n Tasalunika, nfye zhin Shekwoyi eyi Dada n Dagayi Yesu Kristi nya nyi.

Atasalunikayi II 1:10

Sanu n wo ɓei ɓe, wa gwo latu n mwa mwayi n wo aza gyi-gyi-yi aba. Fyehin ɓo la wo tu ce, ntu ge fye ku gaiciya ga, n ɓeda n ya gnafye tu nwo tukwo nyi.

Timatawus I 1:2

Kwoi lo Timatawus aba, Timatawus ɓei zhin ngye omi-ɓi nu dna n Dagayi. Fa Shekwoyi eyi Dada, N Yesu Kristi eyi Dagayi wa wu ho owo alheri n sun-sun gyei, wa ga ho bugba fu yakwo n ho bugba mi n ho nubo zhin yi.

Timatawus I 3:8

Abyeda, ɓaku ze aza manayi n gye a pasto. Ɓato ku ze aje sin yi yakwon, n na gyiwye ye yin.

Titus 1:1

Wasika ye kwo gmi n Bulus akun nu, Shekwoyi fyenu, Yesu Kristi tnu-tnuyi.

Titus 1:7

Tilas pasto wa ze oza nu n nata ciwo aɓenya n wo asesen, gama ɓa zhin Shekwoyi atnu-tnu zhinyi nu, ɓato zhin aɓekwo zhin yi, kwo a tna mi wanshi yi, to ɓa ze ajesin yin, agusun yin, kwo agyiwye shakpe; woyin.

Filimon 1:1

Wasika ye gmi n mi aba nu Nabari manayi Yesu Kristi nya ɓo, ɓedo Omi zadoyi, Timatawus.

Aibraniyi 13:23

Ala Timatawus loya n kurkuku, yi ɓa kun ɓe n woi. Kpekni sa fyewyi wo ɓa ɓe ma ba.

Yakubu 1:1

Wasika ye gmi n Yakubu akun nu, Shekwoyi bara n Dagayi Yesu Kristi nya yi. Kwoi lo a Yahudiyi a Yesu-viyi aba, n ɓa busi yafi laɓa nyi, mi tnu fye lo n gnaɓiyi.

Bitrus I 2:25

Ngye akni fye ɓei ku bwi Shekwoyi zokwo, ama nsaiye fye la jezeɓe da fye ʼkniknayi ofye awye-wyeyi guyi n wo gu fye n nanya kasayi nyi.

Bitrus II 1:1

Wasika nkwo gmi n Siman Bitrus aba, Yesu Kristi fyenu n tnu-tnuyi. Kwoi lo aza ba vinya n ɓa ku gaiciya ga latu nya bwa eyi-nya pya nyi, dna n ɓefyece eyi Shekwoyi, n eyi Gniyi Yesu Kristi nya yi.

Yahuda 1:1

Omi Yahuda Yesu Kristi bara n Yakubu madoyi. Kwoi lo a Yesu-viyi n na aba vinya a za ye-yeyi n Shekwoyi wa kni.

YOHANNA ƁEWYEGYE 1:1

Littafi ye kpe anya, anyaya n ɓa ɓa zhin esa fyewyi, n Yesu Kristi asesemi, Shekwoyi ɓei ga wo Izini ge wo kpe ɓa nya ya wu Yohanna owo bara. A tnu n Malaikayi n eshe wa ɓe wa wu wo oɓa awyega.

YOHANNA ƁEWYEGYE 1:20

Akpasu tnaba n ha gye n mi bwai-zhe bwa nyi, n na kandle busiyi ngun tnaba nyi, oɓa awyega nu nyi. Akpasu ngun tnaba oɓanu zhin a ikklisiya tukwoda ngun tnaba, a kandle busi ngun tnaba, oɓa nu zhin a ikklisiya.

YOHANNA ƁEWYEGYE 19:10

Ma yashi nwo apita ma ga wo mwa-mwa, ama wa gna, lafa to zhin. “Gama mi zhin Shekwoyi fyenu nu n gye ho ce, n ho azajei a Yesu viyi, n ɓa zhin seida n ɓa gaiciya gayi n Yesu nyi.” Delili anabci ye nya vinya, n na ɓoi n ma wu ho nyi, ɓa zhin seida nu tu n Yesu tukwo.

YOHANNA ƁEWYEGYE 2:12

Ka wasikaye ga ikklisiya tukwoda n Pargamus: “Tnu-tnuye gmi n oza banu nwo ebeyakwoyi shi ngyi-gyi yi abwa aba-ba nyi.

YOHANNA ƁEWYEGYE 2:8

Kwo lo ikklisiya tukwoda aba n Simiruna: “Tnu-tnuye gmi n o-wo aba nu nwo zhin Kmisunyi n kmazoyi, n wo ɓei la fi wa lakala n wye-wyeyi nyi.

YOHANNA ƁEWYEGYE 22:9

Ama wa gna, “Awo, to zhin oɓo n wu lo nun, emihin ce, mi zhin Yesu bara nu n gye ho, n ho azajei anabi, n na azai n ɓa wo ɓeda n na cei kafi n littafi, ga Shekwoyi nu mwa-mwa n wo gmanyi yi.”