2కొరింథి 4:12 - Mudhili Gadaba

¹² అందుకె ఆము ఏశున్ గురించాసి సాటాతాన్ వల్ల సావు ఎచ్చెలింగోడ్ మెని అం కక్కెల్ మెయ్య, గాని ఇద్దున్ వల్ల ఈము నిత్యజీవం పొందెద్దార్.

2కొరింథి 4:12 ပူးပေါင်းရင်းမြစ်များ

అపొ:కా 20:24

గాని ఆను జీవించాతాన్ కాలమల్ల ఏశు ప్రభున్ బెర్రిన్ కనికారం గురించాసి మెయ్యాన్ సువార్త లొక్కున్ పొక్కి, దేవుడు అన్ పెల్ చీయి మెయ్యాన్ ఓండున్ కామెల్ పూర్తి కెయ్యాకోడ్, అన్ జీవితం వల్ల ఏరెదె లాభం మన.

1కొరింథి 4:10

క్రీస్తున్ కామె కెద్దాన్ వల్ల ఆము బయాటోర్ ఇంజి ఇయ్ లోకంటోర్ పొక్కుదార్, క్రీస్తున్ నమాతాన్ వల్ల ఈము బెర్రిన్ జ్ఞానం మెయ్యాన్టోర్ ఇంజి ఇంజేరిదార్. ఆము ఏరెదె కేగినోడాగుంటన్ బలం మనాయోర్ ఇంజి ఈము ఇంజేరిదార్, ఈము బలం మెయ్యాన్టోర్ వడిన్, లొక్కు ఇమున్ గౌరవించాకుదార్, అమున్ గొప్పకేగిన్ మన.

2కొరింథి 12:15

అందుకె ఇమున్ కోసం అనున్ మెయ్యాన్టెవ్, కేగినొడ్తాననెత్ కేగిన్ పైటిక్ ఆను కిర్దెగా మెయ్యాన్. ఆను ఇమున్ బెర్రిన్ ప్రేమించాతాన్ బెలేన్ ఈము అన్ పెల్ బెర్రిన్ ప్రేమ మనాయోరేరి మెయ్యారా?

2కొరింథి 13:9

ఆము బలహీనంగా మంగోడ్ మెని ఈము బలం మెయ్యాన్టోరేరి మనోండిల్ చూడి కిర్దేరిదాం. ఈము పూర్ణబలం మెయ్యాన్టోరేరి మన్నిన్ గాలె ఇంజి ఆము ప్రార్ధన కేగిదాం.

2కొరింథి 4:11

జీవె మెయ్యాన్ ఆము ఏశున్ గురించాసి పొగ్దాన్ వల్ల ఎచ్చెలింగోడ్ మెని ఆము సావున్ ఒపజెపనేరి మెయ్యాం. అదున్ వల్ల పాడేరిచెయ్యాన్ అం మేనుతున్ ఏశు శక్తి చీగిదాండ్ ఇంజి లొక్కు పున్నుదార్.

2కొరింథి 4:13

ఆము ఏశున్ గురించాసి సాటాసి సాయ్దాం, ఎన్నాదునింగోడ్, ప్రవక్త పొగ్దాన్ వడిన్ ఆము మెని అప్పాడ్ నమాకుదాం. “ఆను నమాతోన్, అందుకె పర్కిదాన్.” ఆము మెని అప్పాడ్ నమాకుదాం, అందుకె పర్కిదాం.

ఫిలిప్పీ 2:17

ఈము కెద్దాన్ దేవుడున్ కామె, ఈము దేవుడున్ బలి అర్పించాతాన్ వడిన్ మెయ్యా, అప్పాడి దేవుడున్ బలి అర్పించాతాన్ వడిన్ అన్ జీవె చెంగోడ్ మెని ఆను కిర్దెద్దాన్. ఇం పట్టిటోర్నాట్ మిశనేరి కిర్దెద్దాన్.

ఫిలిప్పీ 2:30

క్రీస్తున్ కామె కోసం ఓండు సయిచెయ్యాన్ వడిన్ ఏర్చెయ్యోండ్, ఈము కేగినోడాయె సాయం అనున్ కోసం కెన్నోండ్.

1యోహాను 3:16

అం పాపల్ కుట్ అమున్ విడిపించాకున్ పైటిక్ ఏశు అం కోసం సయిచెయ్యోండ్. అదున్ వల్ల ఆము మెయ్యాన్టోరున్ ఎటెన్ ప్రేమించాకున్ గాలె ఇంజి ఓండు అమున్ తోడ్చి మెయ్యాండ్. అందుకె ఆము మెయ్యాన్ లొక్కున్ సాయం కేగిన్ గాలె.