1కొరింథి 15:58 - Mudhili Gadaba

⁵⁸ అందుకె అన్ లొక్కె, ఈము నమాసి మెయ్యాన్ నమ్మకం కుట్ ఎయ్యిరె ఇమున్ దూరం కేగిన్ చీయ్యాగుంటన్ ఈము కెద్దాన్ కామెన్ పణిక్‍వారాయెద్ ఏరాదింజి పుంజి ఓండున్ కామెల్ కేగిన్ పైటిక్ ఆశేరి మండుర్.

1కొరింథి 15:58 ပူးပေါင်းရင်းမြစ်များ

మార్కు 3:3

అప్పుడ్ ఏశు, “ఈను సిల్చి నెండిన్ నిలుప్” ఇంజి అయ్ కియ్యు వారాయోండు నాట్ పొక్కేండ్.

లూకా 19:19

అప్పుడ్ ఓండు, “ఈను మెని ఐదు పట్నాల్తిన్ అధికారి ఏరి మన్” ఇంజి పొక్కేండ్.

1కొరింథి 16:10

తిమోతి ఇం పెల్ వద్దాన్ బెలేన్ ఓండున్ ఈము నియ్యగా చూడున్ గాలె. ఎన్నాదునింగోడ్, అన్ వడిన్ ఓండు మెని దేవుడున్ కామె కేగిదాండ్ గదా.

1కొరింథి 3:8

ఉండుతాన్టోండ్ గాని నీరు చోర్తాన్టోండ్ గాని ఉక్కుటి వడిని, ఓర్ కెద్దాన్ కామెల్ బట్టి ఓరున్ బూతి వద్దా.

2కొరింథి 7:1

అన్ లొక్కె, దేవుడు ఇయ్ వాగ్దానాల్ అమున్ చీయి మెయ్యాండ్. అందుకె ఆము, అం మేనున్ గాని అం ఆత్మన్ గాని అపవిత్రం ఎద్దాన్ ఉయాటె కామెల్ కెయ్యాగుంటన్ పరిశుద్దంగా మన్నిన్కం. ఆము దేవుడున్ పెల్ భయభక్తి నాట్ మంజి ఓండున్ వడిన్ పరిపూర్ణత ఏరిన్ పైటిక్ ప్రయత్నం కెయ్యూర్.

గలతీ 4:11

ఇం నెండిన్ ఆను కెద్దాన్ కామెల్ లాభం మనాయెద్ వడిన్ ఏర్చెయ్యాదింజి ఆను ఇం గురించాసి బెఞ్ఞ పత్తిదాన్.

గలతీ 6:9

మెయ్యాన్ లొక్కున్ సాయం కెయ్యోండి సయాగుంటన్ అప్పాడి కెయ్యెటి మండుర్. అప్పాడింగోడ్, దేవుడు నిర్ణయించాసి మెయ్యాన్ గడియెతిన్ అమున్ ప్రతిఫలం చీదాండ్.

ఫిలిప్పీ 1:11

ఇం జీవితంతున్ ఈము నీతైన కామెల్ కేగిన్ పైటిక్ ఏశు ప్రభు ఇమున్ సాయం కేగిన్ గాలె ఇంజి ఆను ప్రార్ధన కేగిదాన్. అప్పుడ్ లొక్కు దేవుడున్ గొప్ప కెయ్యి ఓండున్ స్తుతించాతార్.

ఫిలిప్పీ 1:9

ఈము మెయ్యాన్ విశ్వాసి లొక్కున్ మర్రిబెర్రిన్ ప్రేమించాకున్ గాలె ఇంజి ఆరె ఈము బెర్రిన్ జ్ఞానం మెయ్యాన్టోరేరి మన్నిన్ గాలె ఇంజి ఆను ప్రార్ధన కేగిదాన్.

ఫిలిప్పీ 2:16

నిత్యజీవం చీదాన్ ఇయ్ పాటెల్ ఓర్నాట్ పొక్కున్ గాలె. ఈము అప్పాడ్ కెగ్గోడ్ క్రీస్తు ఇయ్ లోకంతున్ మండివద్దాన్ బెలేన్ ఇమున్ కోసం అనున్ కిర్దేరినొడ్తాన్. ఎన్నాదునింగోడ్ ఆను ఇం నెండిన్ కెయ్యోండి కామెల్ పాడేరిన్ మన.

ఫిలిప్పీ 2:30

క్రీస్తున్ కామె కోసం ఓండు సయిచెయ్యాన్ వడిన్ ఏర్చెయ్యోండ్, ఈము కేగినోడాయె సాయం అనున్ కోసం కెన్నోండ్.

ఫిలిప్పీ 4:17

ఆను ఎన్నాదున్ ఇప్పాడ్ పొక్కుదానింగోడ్, ఈము అనున్ డబ్బుల్ చీగిన్ గాలె ఇంజి ఏరా, అదున్ కంట ఈము అనున్ సాయం కెద్దాన్ వల్ల దేవుడు ఇమున్ బెర్రిన్ అనుగ్రహించాకున్ గాలె ఇంజి ఆను ఆశేరిదాన్.

కొలొస్స 1:23

గాని ఈము వెయాన్ ఇయ్ సువార్త అప్పాడ్ గట్టిగా నమాసి మండుర్. ఇయ్ సువార్తాన్ వల్ల ఈము పొంద్దేరి మెయ్యాన్ ఆశె సాయాగుంటన్ మండుర్. ఇయ్ సువార్త, ఆకాశం కీడిన్ జీవె మెయ్యాన్ పట్టిటెవున్ సాటనేరి మెయ్య. ఇయ్ సువార్త సాటాకున్ పైటిక్ పౌలు ఇయ్యాన్ అనిన్ మెని దేవుడు వేనెల్ కెయ్యి మెయ్యాండ్.

కొలొస్స 2:5

ఆను ఇం నాట్ మనాకోడ్ మెని ఆత్మీయంగా ఇం నాట్ మెయ్యాన్ వడిని. ఈమల్ల ఉక్కుటేరి క్రీస్తున్ పెల్ అప్పాడ్ గట్టిగా నమాకుదార్ ఇంజి పుంజి ఆను కిర్దేరిదాన్.

కొలొస్స 2:7

వేర్కిల్ బాశెతిన్ బలంగా మెయ్యాన్ వడిన్ ఈము క్రీస్తున్ పెల్ నమ్మకం ఇర్రి, ఆత్మీయంగా అభివృద్ది పొంద్దేరిన్ గాలె. అప్పాడింగోడ్ ఈము మరియి మెయ్యాన్ దేవుడున్ వాక్యమున్ వల్ల దేవుడున్ కృతజ్ఞతల్ కెయ్యి బెర్రిన్ కిర్దె నాట్ మన్నినొడ్తార్.

1థెస్సలొనీ 1:3

ఇం కోసం ఆము ఎన్నాదున్ వందనం చీగిదామింగోడ్, ఈము ఏశు ప్రభున్ నమాతాన్ వల్ల దేవుడున్ కామె కేగిదార్ ఇంజి ఆము గుర్తికేగిదాం, ఈము మెయ్యాన్ విశ్వాసి లొక్కున్ సాయం కేగిదార్, ఎన్నాదునింగోడ్ ఈము ఓరున్ ప్రేమించాకుదార్. ఏశు ప్రభు మండి వద్దాండింజి ఈము నమాతాన్ వల్ల ఏరెద్ బాదాల్ వగ్గోడ్ మెని ఈము భరించాకుదార్.

1థెస్సలొనీ 3:12

ఆము ఇమున్ ప్రేమించాతార్ వడిన్ ఇంతునీము బెర్రిన్ ప్రేమించాసి, మెయ్యాన్ లొక్కున్ మెని మర్రిబెర్రిన్ ప్రేమించాకున్ పైటిక్ దేవుడు ఇమున్ సాయం కేగిన్ గాలె ఇంజి ఆము ప్రార్ధన కేగిదాం.

1థెస్సలొనీ 3:3

లొక్కు ఇమున్ బాద పెట్టాతాన్ బెలేన్ ఇంతున్ ఎయ్యిరె ప్రభున్ పెల్ ఇర్రి మెయ్యాన్ విశ్వాసంకుట్ తప్పేరి చెన్నిన్ కూడేరా ఇంజి ఆము ఆశేరిదాం. ఇయ్ బాదాలల్ల ఆము భరించాకున్ గాలె ఇంజి ఈము పుయ్యార్ గదా.

1థెస్సలొనీ 3:5

వేందిట్ ఎటెన్ కిన్ ఉక్కుట్ వడిన్ ఇమున్ ఏశు ప్రభున్ పెల్ మెయ్యాన్ విశ్వాసంకుట్ తప్పించాతాండ్ ఇంజి ఆను నర్చిదాన్, అప్పాడింగోడ్ ఆము కష్టపర్రి కెద్దాన్ కామె ఎన్నాదె లాభం మనాగుంటన్ ఏర్చెయ్యా. అందుకె ఈము ఎటెన్ మెయ్యార్ కిన్ ఇంజి పున్నున్ పైటిక్ తిమోతిన్ ఇం పెల్ సొయ్తోన్.

1థెస్సలొనీ 4:1

అన్ లొక్కె, కడవారి ఆము పొక్కుదాం, ఆము ఇం నాట్ మెయ్యాన్ బెలేన్ దేవుడున్ ఇష్టం మెయ్యాన్ వడిన్ ఈము ఎటెన్ మన్నిన్ గాలె ఇంజి ఇమున్ మరుయ్తాన్ వడిన్ ఈము ఈండి నడిచేరిదార్. అదున్ కంట మర్రిబెర్రిన్ నియ్యగా ఈము మన్నిన్ పైటిక్ అం ప్రభు ఇయ్యాన్ ఏశున్ ఇం కోసం ప్రార్ధన కేగిదాం.

2థెస్సలొనీ 1:3

అన్ లొక్కె, ఎచ్చెలింగోడ్ మెని ఆము ఇమున్ కోసం దేవుడున్ వందనం చీగిదాం. ఆము అప్పాడ్ కేగిన్ గాలె, ఎన్నాదునింగోడ్ ఈము ప్రభు ఇయ్యాన్ ఏశున్ బెర్రిన్ నమాకుదార్, ఇంతునీము బెర్రిన్ ప్రేమించాకుదార్.

తీతు 2:14

అప్పాడ్ ఆము కెయ్యోండి పాపల్ కుట్ అమున్ విడుదల్ కెయ్యి, పట్టీన ఉయాటె కామెల్ సాయికెయ్యి, ఆము దేవుడున్ సొంత లొక్కేరి ఓండున్ ఇష్టం కెయ్యి మన్నిన్ పైటిక్ ఏశు క్రీస్తు అం కోసం సయిచెయ్యోండ్.

హెబ్రీ 13:21

దేవుడున్ ఇష్టం మెయ్యాన్ నియ్యాటె పట్టీన కామెల్ కేగిన్ పైటిక్ ఓండు ఇమున్ మరుయ్తాండ్. అప్పాడ్ ఈము ఏశు క్రీస్తున్ నమాతాన్ వల్ల, ఓండు చూడి కిర్దె ఎద్దాన్టెవ్ ఈము కేగినొడ్తార్. పట్టీన కాలంతున్ ఆము ఓండున్ మహిమ కేగిన్కం. ఆమేన్!

హెబ్రీ 3:14

ఎన్నాదునింగోడ్ మొదొట్ కుట్ అమున్ మెయ్యాన్ నమ్మకం కడవారి దాంక గట్టిగా పత్తి మంగోడ్ ఆము క్రీస్తున్ పాలిటోరుం ఎద్దాం.

హెబ్రీ 6:10

దేవుడు న్యాయం మనాయె కామెల్ కెద్దాన్టోండ్ ఏరాండ్. ఓండున్ లొక్కున్ ఈము సాయం కెయ్యి, ఈండి మెని కెయ్యెటి మంజి, ఈము కెయ్యి మెయ్యాన్ కామె పెటెన్ ఓండున్ తోడ్తాన్ ప్రేమన్ ఓండు ఎచ్చెలె బైననేరాండ్.

2పేతురు 3:14

అందుకె అన్ లొక్కె, ఈము ఇవ్వున్ కోసం ఎదురు చూడుదార్, అందుకె దేవుడున్ దృష్టితిన్ ఏరెదె ఉయాటెవ్ మనాగుంటన్, నిందెల్ ఏరెవె మనాగుంటన్ దేవుడు నాట్ సమాదానంగా మన్నిన్ పైటిక్ ప్రయత్నం కెయ్యూర్.