ZEPHANIA 3:5 - PATHIEN LEKHABU THIENGTHO (BSI)

⁵ Himahleh, a sunga Lalpa chuh a diktat a, thil diklo hih puo’n tin, Zingkal chengin a vaihawmna a hih lang a, a supel kha ngei puoh a; Khutisa chun le, a sunga migilote chun zahchâkna himhim a he puou hi.

ZEPHANIA 3:5 ပူးပေါင်းရင်းမြစ်များ

DAN NIHNA 32:4

“Amah suongpi chuh, a thilhih a phabukim; A umdan chengcheng a dik: Pathien ginum, adiklo hih lo, Thudik leh pha Amah ahi.

SUNNA LA 3:23

Zing tin in a thak zel ui, na ginum zie chu a lopi hi.

SAM LEHKHABU THE PSALMS 145:17

Lalpa chuh a lampi chengcheng ah a diktat a, A thilhih na chengah mi lungsiet thei tak ahi.

ZEPHANIA 3:15

Lalpa’n na chungchâng vaihawmna chuh a lamang ta a; na melmate a paih dawk vek ta ngâl a. Lalpa, Israel te Leng chuh na kawmah a um a, lauh ding himhim a um ta puoi!

ISAI 28:19

A luon pai cheng leh hun tawk zel intin; zingkal tin leh sun chengin luong zing ding ahi ngâl a. Sun leh zan in zie chuh thuok zing unlau. thuthak hung pawt cheng chun lauhna thak hun tun khum zel ina.

ZEPHANIA 3:17

Lalpa na Pathien chun a hun umpih a; va thilhih theihna chun zawhna a hun piei. Lalpa chuh na chungah kipâk intin, a lungsietna chun hinna thak hun pie’n a.

ISAI 12:6

Zion a umte haw chuh ngeih tak in kiko u henla, Israel Pathien Thiengtho, a mite laka cheng chuh a lopi ngâl a,” ti’n.

DAN NIHNA 23:14

Lalpa na Pathien u chun nang u hun vengbit ding leh na melmateu na khut u a hun pie dingin na giehmun vel uh achun a vakviel sek ngâla; zieziekchun, na giehmun chuh a thientho ding ahi; khutilochun, na lak u ah thil buok mu’n tin, hun kiheimangsan kha’n a.

1 PETER 1:17

Chun, zah chuom nei lo a, mitin, a nasep bang chiet uh a ngaihtuoh sek pa chuh Pa na sak uh chun, zie leisiet a na châm sung chenguh hin le, zah zing zieng un.

ROME 3:26

Tuhin chuh amah diktatna etsakna dingin mihiemte gitlohna chungah thu a nei tai. Zie guol chun Pathien in a diktatna etsak in, Isu taksang taphawtte chuh thiemchanna a pie tai.

ZEKARIA 2:5

Tichun, Kei hi a kimvel ah mei kulh hi’ng ka ting, a sung achun lopi taka cheng ding ka hi ngâl a,” Lalpa’n a tii.

SAM LEHKHABU THE PSALMS 37:6

Na diktat zie chuh vak tawbang in suoh sak intin, Na vaihawmna chuh sun lai bang mai in.

JOB LEHKHABU THE BOOK OF JOB 34:10

Zieziekchun, nang haw hetthiemna neite haw, ei ngaithau in, Pathien in thil gitloh huoi tak hih in, Bangakai hihtheipa chun thil diklo hih hiel puo’n a.

1 KORINTH 4:5

Zieziekchun, a hun tun masang in kuomah zedap kiu in. Vaihawmna tawpna chuh Lalpa hung tienga ngak ding ahi a; amah chun thima thil selgûk haw chuh vak ah hun la dawk intin, lunggil a tup haw chule hun sulang ina. Zie tieng chu leh, mitin in, Pathien apat a pahchakna a lawh ding bang chiet u chuh mu ta’n au.

ROME 2:5

Himahleh, na lochal leh na lungchang phat ziekin, lungnatna leh Pathien vaihawmna diktak hung kilat ni a ding chun, na chungah lungnatna na kikhawlkhawm ahi.

LUKE 12:2

Lang lo dinga selguk bangmah a um puoh a, het loh dinga îm le bangmah a um diek puoi.

ZEPHANIA 2:1

Aw nam zahchâkna dân helote haw!

HABAKKUK 1:3

Bang zieka zie tawbang nunsietna hi nei muh sak ahi ta’m? Bangti’n a, zie banga thil diklo hihte hi na et zing theih ding? Sietna leh thagum a kibawlna chuh ka kimvel ah a um a, kisuolna leh kinakna chuh mun chengah a um ta a!

MIKA 7:9

Lalpa chunga thil ka hihkhelh tâk ziekin, a lungnat na chuh thuok ing ka ting; ka chungthu ei genpih a, kei dinga vaihawmna chuh a muolsuoh masieh chun, tichun, vak ah ei puidawk in tin, chun, hukdawkna chuh mu’ng ka.

MIKA 3:11

Khawpi a lawiupate chuh gawlhgukna kinem in vai a hawm tau a. Thiempute chun lawh kinem in dân a sinsak u a; thiemgaute chun, dangka muh kinem in kilâkna thu a gen u a, a bawn u chun, Ka kawmah Lalpa a um hi, a ti chiet u a. “Ka chunga ah thil phalo hungtung puo’n a, Lalpa chuh ka kawm u ah a um ngâl a,” a ti tei tei u a.

EZEKIEL 48:35

A kimvel in tawng singkhat leh sanggiet hi’n tin; zie ni apat chun khawpi min chuh “Jehovah Shammah” Lalpa umna tih hi ding ahi, ti’n.

JEREMIA 21:12

Aw David inkuonte haw Lalpa chun hiti hin a tii: “Zingkal in diktakin vaihawm unla, mi sugimtheite khut apat in sukgimtheih a umte chuh hukdawk un la, khutilochun, na thil gilo hih ziek u hin ka lungnatna chuh mei guola kuong in, kuomah phelh theih loh in hung kuong khan a”

JEREMIA 8:12

Thil kihdak-um a bawl u hi a zakchau hi? Zakchalo, a zakcha hiel puou, a mai u le a muol chuom puoi. Zieziekchun, a pukte chu tawh pukkhawm untin amau haw ka vehthak ni leh paih thak hi’n au, tih hi Lalpa kamsuok ahi.

JEREMIA 6:15

Thil ten um a hih un le a zakcha diek um? Hilo, a zakcha hiel puou a, a mai u le a muol diek puoi. Zieziekchun, midang lak achun puk untin, amau haw chuh ka gawt tieng leh a tâwp nau chuh hita’n a, Lalpa’n a tii.”

JEREMIA 3:3

Ziehaw ziek chun guoh zuk sak ahi puoh a, guoh nunung le a zu diek puoi. Nang chun mihûk maiput in na pu a, na zakcha nuom hiel puoh ngâl a.

ISAI 50:4

Lalpa Pathien chun, hatlote chuh ka sukhat theihna dingin ka thugen dingte chuh ei sinsak a. Zingkal chengin ei phawng halh a, ka nakhang ahin ei suhalh seka, A sinsakna te chuh ka hethiem deuh deuh a.

ISAI 45:21

Hung u henla, a chanchin uh hung gen u hen, a panpihteu chule kidawng tuoh uh hen la; Kuoa tumasang a thil hungtung ding genlawk sek? A mite hukdawk sek chuh Kei Lalpa Pathien hi hilo ka him? pathien dang himhim a um puoh ngâl a.

ISAI 33:2

Lalpa, ka chungu ah zahngai in, nang ka hun ngak zing ngâl u a; zingkal chenga ka bit nau hi’n la, buoina apat in ei hukdawk in.

JOB LEHKHABU THE BOOK OF JOB 8:3

Pathien in a vaihawmna chuh a hih zatchuom seka ahim? Bangakai hihtheipa chun a dik chuh a sulamdang ngeia ahim?

THILSIEMBUL 18:25

Nang hielin khutibang chun mi diktatte chuh migilo banga a umna dingun, mi gilote tawh suklup khawm hiel chuh hih guo sam puo’n na tin; leichung cheng chenga vaihawmpa chun diktak in hih lo ding na him?” a ti a.

ZEKARIA 9:9

Aw Zion chanute haw! lawp un, lawp un nang haw, Jerusalem chanute lâwpin kiko dawk un! En un, na leng chuh na kawmah a hung hi! Amah chuh guolzo leh guol chungchuong in! Kingainiem takin sabiltung chungah a chu a, sabiltungno chung ngêi achun.

JOB LEHKHABU THE BOOK OF JOB 7:18

Zing chengin amah na veh sek a, Bangtik laia le na patep sek ahim?

SAM LEHKHABU THE PSALMS 92:15

Lalpa chuh mi diktat ahi tih latsak na dingin; Amah chuh ka suongpi ahi a, amah a chun diktat lohna himhim a um puoi.

EZEKIEL 18:25

“Ahi’n nangun, ‘Lalpa thilhih dân hi a kilawm puoi’, na ti sek u a. Aw Israel insung mite haw, ngaitiem u, ka hih dân akibang zing paw maw? Nang haw hih dân chuh a kilawm lo zaw hilo ahim?

HOSEA 14:9

Kuole, miching taphawt chun zie thu haw hi hethiem u hen la, a lungthim ah kawih hen. Lalpa lampite chuh a dik a, mi diktatte chun a zui uh a, a hin lawh sek ui. Himahlele, migilo chun a ngaihsak loh ziek un a kisuipai un au.

ZEPHANIA 3:13

Israel mi, a suokcha te chun, kuomah diklo takin bawl puou un tin; lepchieh gen ta puou un tin, mi thep le guo diek ta puo’n au. Kiphathei tak leh bit takin um un tin; kuoma’n sulau ta puo’n au” ti’n.

HOSEA 6:5

Zieziekchun thiemgaute mang in amau chuh ka theuh ngim a, ka kama thu’n ka sulum a, ka vaihawmna chuh vak tawbanga a chiehdawk ahi.