ZEPHANIA 3:3 - PATHIEN LEKHABU THIENGTHO (BSI)

³ A milienteu chuh sakeibaknei kitum bangin a um u a, a vaihawmteu chuh ngei gilkiel tak, duh-âm tak, zingkal tienga le a saguh peh taihsan nuom lo bang ahiu hi.

ZEPHANIA 3:3 ပူးပေါင်းရင်းမြစ်များ

HABAKKUK 1:8

“A sakawlteu chuh keite sangin a chanpha zaw a, ngei gilkiel sangin a lauh-um zawi. A sakawl chung chuong miteu chuh chapo takin a kikhawh viel zawt zawt u a, amau chuh gam gamla tak apat a hung ahiu a; sakawl tinte chun tuol a khên a, Mupi sa nek ding zuona leng bang mai in a bawh in a bawhsuk thawh u a.

JEREMIA 5:6

Zieziekchun, gammânga sakeibaknei in amau chuh pet intin, gamgaw a ngei haw chun amau chuh ne zo ina. Keite chun a khawpiteu chuh chang intin; a hung pawtdawk tak u leh bawttel ina. A bawhsiet nau chuh a tama, a nungchawnnau haw a nasat ziekin.

EZEKIEL 22:6

Entie, Israel hotute mitin in a thilhih theihnau bang zela na sunga thisan suoh dingin a um ui.

JEREMIA 22:17

Himahlele, na huoihamna te, mi dik thisan suohna dingin leh bawl sietna leh pawngbawlna ding mai in, na mit leh na lunggil na mang zo ahi.

ISAI 1:23

Na miliente chuh mi kiphin nuom, guchate guolpha ahiu a; mi chengin gawlhgukna sum leh thilpiekte a lau a. Pa neilote a panpih sek puou a, meithaite thugente le a ngaihthak sak puou ui.

THUCHINGTE 28:15

Sakeibaknei humham bang leh savawm suklungnat guolin, vaihawmtu nunsie chun mi chagahte chungah vai a hawm sek hi.

ISAI 5:29

A thawm u chuh sakeibaknei hâm bang mai hi’n tin, sakeibaknei vanglai in a sa mat ding a ngîk a a mat bangin; amau chuh chieh mang pih untin, kuoma’n hukdawk puo’n au.

JEREMIA 34:19

Juda miliente leh Jerusalem miliente, mitilgehte, thiempute, mipi chengcheng, bâwngno kisem phel kal a chieh te chuh:

EZEKIEL 33:26

Na chemzâmteu na muong u a, na invengteu zite tawh zawl na sai chiet u a. Khutisa sa achu maw gam chuh na chan ding uh?

JEREMIA 23:11

Thiemgaute leh thiempute chun Pathien a khawksa puou a, ka In sung ngeia le a gitlohnau ka mu tai, tih hi Lalpa kamsuok ahi.