ZEPHANIA 3:2 - PATHIEN LEKHABU THIENGTHO (BSI)

² Lalpa thu a ngaitha nuom puoh a, a thamuonna a deih diek puou a. Lalpa chuh a taksang puou a, a Pathien lam a naih puou hi.

ZEPHANIA 3:2 ပူးပေါင်းရင်းမြစ်များ

JEREMIA 22:21

Na lawhtit ni’n na kieng ah thu ka gen a. Nang chun la ngaitha puo’ng ka, na ti a. Ka aw na ngaithak loh hih na khangdawng lai apat ziehi na umdan ahi.

JEREMIA 5:3

Aw Lalpa, thutak chuh na muh nawp lam hilo ahim? amau chuh na zêp a, mahleh a lungkham diek puou; amau haw chuh a ne zo u a, thununna chuh a pawm nuom diek puou hi. A mai u chuh suongpi sanga tak zaw’n ahih u a, a kisik nuom diek puou hi.

JEREMIA 32:33

A mai lam uh hilo in a nung lam uh ei ngat u a; hailo in amau haw sinsak mahleng sinsakna lasawn dingin a ngaitha nuom puou hi.

JEREMIA 2:30

Na chateu ka zêp a la a phachuom puoh a; a phatpih diek puou hi. Sakeibaknei gawlham tak bang mai in na chemzâm teu in thiemgau te a that zo ta a.

ISAI 43:22

Aw Jakob te, khutisa chun le nang u vangin nei sam ngâl puou a, Aw Israel, nei chimchâk zaw bawn u a.

ISAI 29:13

Lalpa chun, “Zie te haw hin, a kam un ei naih u a; a mûk un ei limbawl u a, himahlele, a lunggil un la ei gamlat ngâl u a, ei ho sek u hi mihiem thupiek a a sinsak maimai bang uh ahi.

THUCHINGTE 5:12

“Bang zieka thununna kha ka deih loh a, ka lunggil a hilhgaihna kha ka ngaihnep ahi die aw!

SAM LEHKHABU THE PSALMS 78:22

Pathien a taksan loh u a, A hukdamna le a taksan loh ziekun.

SAM LEHKHABU THE PSALMS 73:28

Mahleh kei a dingin vang chuh Pathien naih hi a phai; Lalpa Pathien chuh ka kihumbit na’n ka manga, a nasep chengcheng chu ka gen theih na dingin.

SAM LEHKHABU THE PSALMS 50:17

Hilhgaihna na haw a, Ka thu haw hi na nunglam ah na paih zel ngâla.

SAM LEHKHABU THE PSALMS 10:4

Migilosalo chun “Kisaktheih melpu’n Pathien a hawl puoh a,” a ti sek, A ngaihtuoh na chengcheng chuh, Pathien a um puoi, tih ngen cha ahi.

NEHEMIA 9:26

“Himahlele, thu awilo in na chungah a kiphin u a; na dân a nungngat u a, nang lam a hun puihkit guo thiemgaute chuh a that u a, lungnat um takin thil a hih u a.

HEBRAI 10:22

Zieziekchun, I lunggil uh a sielephahetna a thiemmawh kichansakna chuh sukthien saka um in, I sapum hawu le tui thieng a silngim a um in, taksanna bukim leh lunggil tak takin Pathien kawm lam naih hitiu.

EZEKIEL 24:13

Na thienlohna chuh hûkna hi ahi a, hun sukthien ka guo a, na thien diek loh ziekin na chunga ka lungnatna ka sunthak vek masangsieh bangmah tik na thienlohna apat chun sukthien hita puon la.

JEREMIA 35:17

Zieziekchun, Sepaihte Lalpa Israel Pathien chun hiti hin a tii; Ngaitiem u, Juda leh Jerusalem a chêngte chunga thil phalo hung tung ding a ka genlawk sate kha hun tun sak ing ka; a kawm u ah thu ka gen a, a ngaitha ngâl puou hi,” ti’n.

JEREMIA 35:13

Sepaihte Lalpa Israel Pathien chun hiti hin a gen hi, “Chieh inla, Juda mite leh Jerusalem a micheng te zak in va gen ah; ka thugen hi ngaitha ding leh ka sinsak na thu ngaihsak a neilo ding na hiu em? ti’n.

ISAI 31:1

Aigupta panpihna hawla chieh te! Aigupta sepaih hatna leh sakawl leh a kangtalai te leh, sepaihte chunga kingate, Lalpa Israel Pathien thiengtho chunga kinga lote chuh a chung uh a gik hi!

ISAI 1:5

Bang zieka zêpa um a, kiphin nalai ding na him? Luchang chuh a pum in a na a, lunggil chule a pum in a chau zo tai.

THUCHINGTE 1:7

Lalpa kihchak chuh hetna bulpi ahi. Himahleh mingawl chun chitna leh kisinsakna chuh a musit hi.

2 TIMOTHE 3:16

Pathien Lehkhabu tincheng hi, Pathien hatkhum a piek ahi a, sinsakna lam ah le, thil hihkhielte gaihna dingin le, mawh chansakna lama le, hindan dik kisinsakna lama le,

JEREMIA 13:25

Ziehi na chanvo, nang a dinga ka hun guotsak chuh ahi. Nei hengilh a lepchieh na taksan ziekin tih hi Lalpa kamsuok ahi.

EZEKIEL 22:24

“Mihing chapa, gam kawm achun gen inla, Gam sukthien loh, lungnatna ni a guohtui chang lo chuh na hi a.

ISAI 9:12

Saklam panga Suria leh thanglam panga Philistia te chun Israel te ne zo dingin a kam uh a kau a. Khutibanga a bawlsa chun le Lalpa lungnat chuh a tâwp diek puoh a; amau haw gawt dingin a khut a tha zing nalai hi.

ZEPHANIA 1:6

Kei ei kiheimangsan a, ei zui lote leh, amau haw pui dinga ei dawng lote chuh sumangthai ding ka hi,” ti’n.