ZEPHANIA 3:1 - PATHIEN LEKHABU THIENGTHO (BSI)

¹ Kipawngnekna leh kiphin hat khawpi, mipite diklo taka bawl sek, khawpi chuh a chung a gik hi!

ZEPHANIA 3:1 ပူးပေါင်းရင်းမြစ်များ

JEREMIA 6:6

Sepaihte Lalpa chun hiti hin a tii, “Thing haw chuh phuk unla, Jerusalem dona dingin lei sep sang un. Zie khawpi hi ahi gawt ngêi ngêi ding chuh; a sung achun thil dang hilo kipawngbawlna chauh a um ngâla.

ISAI 59:13

Lalpa chuh kihetloh sak in I na sukhiel tau a, amah I zuihnau apat chun I kiheimang u a. Mi sukgimtheih na thu leh kiphinna thu mai gen in. Ka thil ngaihtuoh teu a dik ta puo a, lunggil takin lepchieh thu ngen ka gen tau hi.

ISAI 30:12

Zieziekchun, Israel Pathien thiengtho chun hiti hin a gen a, “A thu hi na muhsit ziekun leh, nuoisiehna leh thukhelna na taksan u a, a chunga na kingak ziekun.

MALAKI 3:5

Vaihawm dingin hung kit vak ding ka hi, dawithiemte, zawlsaite, lepchieh a kipautiemte chung leh, meithai leh chagah leh kithalakte lawh suchavai a, bawlsiete leh, gamdang mi nawhmangte leh, ei kihcha lote chung achun hetpihtu diktak hi ding ka hi, tih hi Bangkim hihthei Lalpa kamsuok ahi.

ZEKARIA 7:10

Meithai leh pa neilote, malzin leh mi gimtheite chuh bawlsie kiu in. Kuomah cha’n a lunggil un, a suohpih teu sietna ding chuh ngaihtuoh kiu in,” ti’n.

EZEKIEL 22:7

Na sunga chun nu leh pate a musit u a, na sunga chun malzin a zawhthawh bawl u a, na sunga chun nauchagahte leh meithaite chuh a bawlsieu hi.

MIKA 2:2

Mi lo haw a awtchau a, a lâksak u a: In haw a awtchau a, a la mang zieng u a, mi leh a In teu leh, a go luoh ding teu natieng in a sugimthei uh ahi.

JEREMIA 22:17

Himahlele, na huoihamna te, mi dik thisan suohna dingin leh bawl sietna leh pawngbawlna ding mai in, na mit leh na lunggil na mang zo ahi.

ISAI 5:7

Sepaihte Lalpa grep huon chuh Israel Inkuon hi ahi a, Juda mipite hi a grep phuhte chuh ahiu hi. Thu dik a kineppih a, himahleh thisan suohna’n a dim a; diktatna kineppih mahleh lungkham taka kiko aw zak ahi tai!

THIEMPUDANTE 1:16

Chun, a lawp leh a sung cheng chuh ladawk intin, maichâm sik, suohlam panga vut kibuokna sek muna chuh a paihmang ding ahi.

AMOS 4:1

Nanguh, Bashan muna bâwngpi vak thau tawbangte haw! Samari tâng chunga um a, chagah nuoisieh a, tasamte tawhden a, a pasalteu kawma, Hun lau inla, dâwn hitiu tite haw, zie thu hi heu in:

AMOS 3:9

Ashdod khuo leng Inhaw a leh Aigupta gam leng Inhaw a chun phuong un la, “Samari tâng chunghaw ah kikhawm unla, tichun, zie a buoina lientak umte leh, zie laka bawl sietna umte chuh en un!” ti’n.

EZEKIEL 23:30

Nam dangte delha na hûk a a milim hawu a na kisukbuok ziekin zie thil haw hi na chungah hung tung ina.

EZEKIEL 22:29

Gamsung a mite chun mi thil pawng lak sak a chîng u a, mi a suom u a, ahi, mi gimthei leh tasamte chuh a bawlsieu a, malzinte chuh diklo takin a pawngbawl sek ui.

JEREMIA 5:23

Mahleh, zie mipi haw chuh lunggil khauh leh kiphin hât a hiua, a kiphin u a, a taimang u a.

ISAI 59:6

A mawmgâng puon teu chuh silhlechen in pang puo’n tin, mite chuh a thilsiem hawu achun le kivan puo’n au; a thilhih teu chuh manlohna thilhih a gûk a huham taka a thilhih teu chuh a khut u achun a um hi.

JEREMIA 6:7

Tuilaihdawk in tui thieng a piekdawk bangin, a nunsietnau chuh a thak zing hi. A sung achun kipawngbawlna leh kisuksiet tuoh na a um hi tih het ahi a, lunggimna leh kisukliem nate chuh ka masang ah a um zing hi.