ZEPHANIA 2:9 - PATHIEN LEKHABU THIENGTHO (BSI)

⁹ Khutichun, Sepaihte Lalpa, Israel Pathien chun, “A hi’n a ka hin sung chuh, Moab chuh Sodom tawbang hung hi’n tin, Ammon te chuh Gomorra mite bang hung hi’n au; thakhai mun leh chi khuk leh kumkhuo luoh loh hung hi’n a. Ka mi a na um nalaite chun amau haw chawmgam un tin, a gam u chuh luoh un au.”

ZEPHANIA 2:9 ပူးပေါင်းရင်းမြစ်များ

ISAI 11:14

Tichun, amau nih chun, thanglam a Philistia te do khawm un tin, suohlam mite chuh buluh khawm un au. Edom leh Moab te chunga chun a khut uh thau untin, Amon suonte chun a thuu zawp ta’n au.

ISAI 25:10

Zie tâng ahin Lalpa khut chuh kinga’n tin, himahlele, Moab chuh kawkhuk a buhpawl chilgawp bangin tawh den in, chil gawp in a.

ISAI 49:18

Dâk dawk inla, en kimvel in, Na mite chuh kikhawm khawm in, In lam a hun zuon tau hi; Lalpa chun, ka hinna sâlin ka gen hi, amau chuh sana kicheina banga namat dinguh ahi a; monu sana a kivan banga kivanna a na mat dinguh ahi, a tii, ti’n.

JEREMIA 46:18

A hin a ka hin sung hin chuh, tih hi Lalpen, a min Sepaihte Lalpa kamsuok ahi; Tang haw laka Tabor tâng bang in, Tuipi kienga Karmel tâng guol in hung ding ahi.

JEREMIA 48:1

Moab chung châng thu, Sepaihte Lalpa, Israel Pathien in hiti hin a tii; “Nebo chung a gik na e! Suksiet in a um ta ngâla, Kiriath chuh sukmuolpho in a um tai, mi’n a ki-lak tau a; Misgah chuh sukmuolpho in a um a, suksiet in a um tai.

JEREMIA 49:1

Amon chate thu, Lalpa chun hiti hin a tii: “Israel in chapa neilo ahim? Goluoh ding neilo ahim? Bangati a Gad chuh Milkom in a luoh a, a mite khawpi haw a a chen sak a?

JEREMIA 49:18

Sodom leh Gomorra leh a kimvel a khawpi te chuh suksiet a hih bangun, kuomah cheng ta puou intin, mihing cha kuomah zie chun um ngei ta puo’n au, Lalpa’n a tii.

JEREMIA 49:33

Chun, Hazor chuh si-âlte chênna mun hi’n tin, kumlekhuo’n sie den ta’n a. Zie tak achun kuomah cheng ta puou un tin uh, mihing chate himhim cheng ta puo’n au.”

JEREMIA 50:40

Pathien in Sodom leh Gomorra leh a kimvel a khuo te a suksiet bang tak khan; zie tak achun kuomah cheng ta puou intin, mihing cha kuomah cha’n tawh ta puo’n au. Lalpa’n a tii.

AMOS 1:13

Lalpa chun hiti hin a tii, “Ammon chate bawhsietna thum ziekin ahi, li ziekin, ka gawtna chuh suhai puo’ng ka. Gam deih beh zieka a gâl bawlnau a, Gilead numeite nauvawp lai haw nasan a phil zak ziekun.

AMOS 2:1

Lalpa chun hiti hin a tii, “Moab bawhsietna thum ziekin, ahi, li ziekin a gawtna chuh suhai puo’ng ka. Edom Lengte guhhaw chuh zahlo hielin a hâltum ngâl u a.

ZEPHANIA 2:14

Tichun, a sung achun gan hawnte leh ganhing chi tinte giek un tin, Simbute chuh thilsie lak achun cheng un tin, a tukvan haw achun hâm un au! Chun, vangawngsau leh sakuh te chuh a pindan chungnung ah giek un tin, Sidar thinga In kisa haw chuh suksiet hiding ahi ngâl a.

ZEPHANIA 2:7

Tichun, Tuipi pang gam chuh Juda inkuon umna lai sunte’n luoh un tin, zie tak achun a belam hawnteu chuh tau un tin, nitâk lam leh Ashkelon khuo hawa chun giek un au. Lalpa a Pathien u chun amau haw chuh hun tawhtha kit intin, a saltannau apat chun tungdawk kit ina.

ZEPHANIA 3:13

Israel mi, a suokcha te chun, kuomah diklo takin bawl puou un tin; lepchieh gen ta puou un tin, mi thep le guo diek ta puo’n au. Kiphathei tak leh bit takin um un tin; kuoma’n sulau ta puo’n au” ti’n.

ZEKARIA 2:13

Mi cheng chengte haw, Lalpa ma achun thipkêi in um un. Amah chuh amun thiengtho a kipatin a hung kipan ta ngâla, ti’n va gen in, a ti a.

KISIMNA 14:21

Ahih ziekin, ka hin zing bang leh Lalpa lopi na’n lei a luoh dim bang hin, thu ka tiem hi,

ROME 14:11

Pathien Lehkhabu ah: “Lalpa chun, Mi tin cheng ka ma ah khun untin, Lei tin cheng le Pathien kawmah kiphuong un au ti a kihâksiel ka hi,” ti a zik ahi ngâl a.

DAN NIHNA 29:22

“Khangthak hung um zel dingte leh tunung a na chateu leh gamla tak apat a hung gam chuom mite chun zie gam chunga sietna ana tung leh Lalpa’n a gawtna natna haw chuh muu intin,

DAN NIHNA 29:23

Gam pumpi chuh chi leh kât a dim, bangmah kichîn lohna, bangmah cha keh lohna leh hampa nasan le a keh lohna hi’n a. Gam chuh Lalpa’n lungna leh hachangthaka a suksiet Sodom leh Gomorra leh Admah leh Zeboiim khawpi haw tawbanga kha suksiet hi’n a.