ZEPHANIA 2:7 - PATHIEN LEKHABU THIENGTHO (BSI)

⁷ Tichun, Tuipi pang gam chuh Juda inkuon umna lai sunte’n luoh un tin, zie tak achun a belam hawnteu chuh tau un tin, nitâk lam leh Ashkelon khuo hawa chun giek un au. Lalpa a Pathien u chun amau haw chuh hun tawhtha kit intin, a saltannau apat chun tungdawk kit ina.

ZEPHANIA 2:7 ပူးပေါင်းရင်းမြစ်များ

ZEPHANIA 3:20

Zie tieng chuleh hun puilut ing ka ting, hun puikhawm ing ka; Na muh ngêi u a saltanna apat ka hun puihkhawm kit tieng leh, leichung a mi cheng cheng te lak ah minthanna leh pahchakna hun siem sak ding ka hi ngâla,” Lalpa’n a tii.

EZEKIEL 39:25

“Zieziekchun, Lalpa Pathien chun hiti hin a tii: Tuhin, Jakob suonte chuh tung ding kit ing ka ting, Israel inkuon pumpi chungah lungsietna nei ing ka ting, ka min thiengtho chuh humbit ding ka hi.

PAWTDAWKNA 4:31

Chun, mipite chun a gingcha tau a: chun, Lalpa’n Israel chate gimtheih zie a mu tai tih a het un, a bawkkhup u a, a ho tau hi.

LUKE 1:68

“Lalpa, Israel Pathien chuh pahchak in um hen! A mite a hung veh a; tatna a siem sak ta a.

MIKA 4:7

Tichun, kêngbâi chuh suohchak sak ing ka ting, gamla taka nawhmang a umte chuh nam lopitak a siem ding ka hi.

MIKA 2:12

“Himahleh, aw Jakob na mite chuh a bawn un hun puikhawm kit ding ka hi. Belam hawn, a huong zuon bangin hun puikhawm ing ka. Ham hing laka belam a dima um bang mai in na gam u chuh mipi tamtak in sudim kit ing ka,” ti’n.

OBADIA 1:19

“Chun, simlam mite chun Esau tâng chuh luoh un tin, chun, phaicham a mite chun Philistia gam chang un tin, chun, amau chun Ephraim gam leh Samari gam chuh chang un tin, chun, Benjamin chuh Gilead gam chang ina.

JEREMIA 33:7

Chun, Juda saltanna leh Israel saltanna apat in puikit ing ka ting, a tunga ka siem bang khan siem dawk kit ing ka.

JEREMIA 29:14

Tichun, nang haw muhin um ing ka, Lalpa’n a tii. Na umdan uh theng ing ka ting, nam chengcheng laka ka hun thehzakna mun apat in hun puikhawm kit ing ka tih hi, Lalpa kamsuok ahi. Sala ka hun tânsakna apat ngêi khan hun puikit ing ka.”

ROME 11:5

Khutibang mah chun, tulai hin le, a lungsietna zieka Pathien in a tel, tawmcha ana um uh ahi.

NASEPTE 8:40

Himahleh, Philip chuh mi’n, Azotas khuo ah a mu kit tau a, chun, a chieh pai a, Kaisari khuo a tun tiengin, khaw tin ah Chanchin Pha chuh a gen zel a.

NASEPTE 8:26

Chun, Lalpa vânsâwlchâk khatin Philip chuh a hopih a. “Kipan inla, simlam a Jerusalem khuo apat a Gaza khuo vak sun, lampi akhan chieh ah; zie lampi chuh gamgawa chiehpai ahi,” a ti a.

LUKE 7:16

A bawn u chun lauhna a dim in, Pathien a pakcha tau a, “I lak u ah thiemgau lopitak hung um ahi ta hi,” a tiu a. “Pathien in a mite a hun tawh ahi ta hi!” a tiu a.

MIKA 4:10

Aw Zion chanu, numei nauhanat guolin mau un la, kitel viel un! Tuhin khawpi chuh pawtsan a, gamtalai-laka cheng ding na hi ta ngâl u a! Babulon lam ah chieh un na tin uh, himahleh, na melmateu khut apat in Lalpa’n hun hukdawk ina.

JEREMIA 32:44

Benjamin gam haw leh, Jerusalem khawpi kimvel haw, Judai gam khawpi haw ah, tânggam khawpi haw ah, phaigam khawpi haw ah leh simlam khawpi haw achun, mite chun dangka’n lo chawu un tin, kichawkna lehkha zik untin, sudet un tin hetpihtu ding sam un au; tichun amau chuh vangsak ing ka ting tung ding kit ding ka hi, tih hi Lalpa kamsuok ahi.”

JEREMIA 31:7

Lalpa chun, “Jakob a dingin kipâk in la sau unla, nam lopite lak achun kiko dawk un, phuongdawk unla, pakchau un, aw Lalpa chun Israel nutsieh a um te hi na hukdawk tai,” tiu in.

JEREMIA 30:3

Ngaitie, Israel leh Juda, ka mipite saltanna apat a ka puih kitna ding nikhuo chuh a hungtung tai! gam, amau haw suonte kawma ka piek achun puikit ing ka ting, luoh ta’n au tih hi Lalpa kamsuok ahi,” ti’n Lalpa’n a tii.

JEREMIA 23:3

Tichun, ka ganguol umsunte chuh ka delhzak na gam haw apat chun pui khawm kit ing ka ting, a huong sung u ah hâwi khawm ing ka ting, gah nuom takin um un tin uh, hung pung un au!

JEREMIA 3:18

Zie nihaw achun Juda inkuon te chuh Israel inkuon te tawh umkhawm untin, mâllam apat in nanguh hun suonte kawmah goluoh dinga ka piek gam achun hung pawt khawm tan nau.”

ISAI 11:11

Zie ni a hungtun tieng chuleh, Lalpa’n a mite sukmangthai loh a na umsunte Asuria gam apat te, Aigupta gam apat te, Pathros gam apat te, Kush gam apat te, Elam gam apat te, Shinar gam apat te, Hamath khuo apat te, Tuisuohgiet tuikuol apat te chuh la kit dingin, a thilhih theihna khut hun zak kit ina.

SAM LEHKHABU THE PSALMS 85:1

Lalpa, na gam chung ahin na kipâk a: Jakob te chuh na tungding kita.

THILSIEMBUL 50:24

Chun, Joseph in a suohpihte kawmah, “Thi ding ka hi ta a, himahlele Pathien in hun tawhtha ngêi ngêi intin, zie gam apat hin hun puidawk in, Abraham te, Isak te, Jakob te kawma kihâksiela piek a tiem gam ah hun puito ina,” a ti a.

HAGGAI 2:2

“Shealtiel chapa, Juda gam pawpa Zerubabel kawma leh Jehozadak chapa thiempu lienpen Joshua kawm leh saltâng vaikit te kawma chun hiti hin gen in,” a ti a.

HAGGAI 1:12

Tichun, Shealtiel chapa Zerubabel leh Jehozadak chapa thiempu lien Joshua leh Babulon apat a saltâng hung vaikit te chun Lalpa a Pathien u chuh a lau u a, Lalpa sawlchak Haggai in hih dinga thu a hilh bang chun a hih u a, a thugen chuh a zawp tau a.

ZEPHANIA 2:9

Khutichun, Sepaihte Lalpa, Israel Pathien chun, “A hi’n a ka hin sung chuh, Moab chuh Sodom tawbang hung hi’n tin, Ammon te chuh Gomorra mite bang hung hi’n au; thakhai mun leh chi khuk leh kumkhuo luoh loh hung hi’n a. Ka mi a na um nalaite chun amau haw chawmgam un tin, a gam u chuh luoh un au.”

ISAI 14:1

Lalpa chun Jakob chuh lungsiet intin, Israel chuh tel in amau haw gam ngêi ah umsak ding ahi ngâl a. Amau haw gam ngêi ah chênsak kit intin, gamdang mite chuh a kawm u ah hung un tin, chêng khawm ta’n au.

RUTH 1:6

Zie nung chun, Naomi chun Lalpa’n a mite nek ding pie’n nasa takin a vangsak hi tih a na za a; khutichun, a mote nih chu tawh Moab gam chuh taihsan dingin a hung kisa tau hi.

SAM LEHKHABU THE PSALMS 80:14

Aw Sepaihte Pathien, lungsiet takin kihei kit inla: Van apat in vak en suk inla, zie grep gui hi ngaihsak in la, hung vehtha tie.

ISAI 11:16

Tichun, Aigupta gam apat a a chieh toh niu a, Israel te dinga lamlien a na um bang khan, a mite a suokcha sunte ding chun, Asuria gam apat in lamlien hung um ina.

ISAI 32:14

Leng In chuh taihsan a um in, mipi a dim sek khawpi ngêi chu nutsieh ahi ta a, In lopi tak tak leh a gâlven bûkte chu gamsate chênna mun hung hi’n tin; gam sabiltung leh belam hawnte chuh muong takin ta ta’n au.

JEREMIA 29:10

Chun, Lalpa’n hiti hin a ti ngâl a, ‘Babulon a dinga kum sawmsagih a tin tieng leh hun veh-tha kit ing ka ting, na kawmuh a ka thutiem phatak chuh muolsuoh ing ka ting, zie mun ngêi ahin hun puikit ing ka.

JEREMIA 33:12

Sepaihte Lalpa chun hiti hin a tii: “Zie mun, mi leh sa umloh na gamthip mun, zie mun a khawpi chengcheng ahin mihiem leh, belam hawn tatna leh chawlhdamna mun suok sak kit ing ka.

JEREMIA 47:5

Gaza a cheng te luchang a hung kawlh ta a, Ashkelon khuo le a hung mang ta a; a kieng vela cheng haw tawh; Bang chan ahim nang leh nang na ki-ât ding?

HOSEA 6:11

“Aw nanguh Juda mite haw, buh ât hun ding chuh guotsa ahi tai; Ka mipite ka tun din kitna ding chuh!

ZEPHANIA 3:13

Israel mi, a suokcha te chun, kuomah diklo takin bawl puou un tin; lepchieh gen ta puou un tin, mi thep le guo diek ta puo’n au. Kiphathei tak leh bit takin um un tin; kuoma’n sulau ta puo’n au” ti’n.

ISAI 11:14

Tichun, amau nih chun, thanglam a Philistia te do khawm un tin, suohlam mite chuh buluh khawm un au. Edom leh Moab te chunga chun a khut uh thau untin, Amon suonte chun a thuu zawp ta’n au.