ZEPHANIA 2:5 - PATHIEN LEKHABU THIENGTHO (BSI)

⁵ Luipi panga cheng, Kareth namte, na chunguh a gik hi! Aw Kanaan, Philistia gam, Lalpa chun na chungchâng thuu a tan tai! Hun sumangthai vek intin, khat chale nutsieh in um puo’n lau!

ZEPHANIA 2:5 ပူးပေါင်းရင်းမြစ်များ

EZEKIEL 25:16

Lalpa Pathien chun hiti hin a tii: Ngaiin, Philistia mite chung achun ka khuttha’ng ka ting, Kereth khaw mite chuh gawt vek in, tuipi panga ana umsun haw chule sumangthai vek ing ka.

JEREMIA 47:7

Lalpa’n hih ding a hun piek ngâl chun, bang ti a um hiet hiet thei ding na him? Ashkelon leh tuipi pang luoh dinga a hun guot ngâl chun.”

AMOS 3:1

Aw Israel chate haw, Aigupta gam apat ka puih dawk inkawte haw! Lalpa’n nanguh kalhna thu a gen hi ngaithau un:

JOSHUA 13:3

Aigupta gamgi zul a um Shihor apat a mâllam panga Ekron gamgi tiengin, (zie chuh Kanaan mite gama ngaih ahi; Philistia te lal haw chuh Gaza te, Ashdod te, Ashkelon te, Gath te, leh Ekron te achun a cheng u a,) sim lama Avvim gam le;

MARK 12:12

Tichun, Juda lawiupate chun Isu chuh mat a guo tau a, zie tehkal thu chuh amau haw chungthu genna ahi tih a het ziekun. Himahleh, mipite chuh a lau u a, khutichun, a nusieh uh a, a chieh mang tau hi.

ZEKARIA 1:6

Himahleh, ka thute leh ka thuguot te ka suok thiemgaute kawma ka piek kha, nanguh hun suonte chun a ngaihsak puou a, a thih lawh tau a. Tichun, a kisik u a, Bangkim hihthei Lalpa chun I chungchâng u a hih a guot sek bangin, I umdan bang zel u leh, I thilhih teu bang zelin, I chungu ah a hih a hita hi, a tiu kha,’ ” ti’n.

ZEPHANIA 3:6

“Namte chuh ka sumang vek a, a khawpiteu ka sumangthai vek a, a kulh bângteu leh, a gâlven insangteu chuh suksietsa’n ka taihsan a. Khawpi chuh nutsieh in a um ta a; khawlai a chun kuomah a um ta puoh a, khat chale a um ta puou hi!

AMOS 5:1

Aw Israel insung mite haw, zie nanguh dodalna thu ka gen, sûnna thu hi ngai un.

ISAI 14:30

Lalpa chuh a mi chagah takte chingpa hi’n tin, amau haw chuh bit takin umsak ina. Himahlele, aw Philistia, na chunga chun kiel tizat-um tak hun sawl intin, na lak uh a khatchale hing puo’n lau.

VAIHAWMTE 3:3

Ziehaw chuh Philistia leng ngate, Kanaan mite, Zidon te, Lebanon tânga um Hiv te Baalhermon tâng apat a, Hamath khuo lutna tienga cheng te ahiu hi.

1 SAMUEL 30:14

Juda simlam a Kereth te gam leh Kaleb te gam ka buluh u a; chun, Ziklag khuo le ka hâl ui,” a ti a.

ISAI 14:29

Aw Philistia gam pumpi, nangmah zêpna mawlh a bawt tâk ziekin, kipâk ki’n; gûl gu nei khat a thih chun, a phalo zawsem hung um kit ding ahi ngâl a. A tûi apat chuh gûl leng thei hung pieng ding ahi ngâl a.

ZEPHANIA 1:11

Maktesh-mite haw, sumkawlveite chengcheng chuh a manthai ziekun kap chuoi chuoi un Dangkaguo bûkna a bûkte chengcheng chule suktawp a hi ta ngâl a!

JOSHUA 13:2

Zie gam haw hi ahi lak nailoh chuh: Philistia gam chengcheng leh Geshur te gam chengcheng chuh.