ZEPHANIA 2:3 - PATHIEN LEKHABU THIENGTHO (BSI)

³ Nang haw, leia mi kingainiem chengcheng, a thupiek zuite haw, Lalpa chuh hawl un! Diktatna hawl un la, a masanga chun kingainiem un Tichun, Lalpa lungnatna ni achun na suokcha kha mawh ding u!

ZEPHANIA 2:3 ပူးပေါင်းရင်းမြစ်များ

SAM LEHKHABU THE PSALMS 76:9

Lei a nuoisieh a um chengcheng hukdam dinga, Pathien chuh vaihawm dinga a kipat lai khan. Selah

SAM LEHKHABU THE PSALMS 22:26

Mi gimtheite chun neu un tin, tai un au: A mah hawlte chun Lalpa chuh pakcha’n au: Na lunggil u chuh kumlekhuo’n hing zing hen.

JONA 3:9

Khutichun, I manthai lohna dingun Pathien chuh lehhei kitin, lunghei in, a lungnatna nasa tak apat chun kilehhei puo’n a tih kuo a he?” ti’n.

SAM LEHKHABU THE PSALMS 105:4

Lalpa leh a hatna chu hawl unla; A mel chuh hawl zing un.

HOSEA 10:12

Nanguh a dingin diktatna kit uh unla, lungsietna diktak chuh ât un: na lei sit u chuh let unla, Lalpa hawl hun ahi ngâla, tichun, hung intin na chung u a hukdamna hun sungtha ding ahi.

JEREMIA 39:18

Hun hukdawk tei ding ka hi ngâla, chemzâm in thi puo’n na tin, na hinna chuh gâl laka suokcha bangin hukdawk inla, Kei nei taksan ziekin. tih hi Lalpa kamsuok ahi, ti’n va gen ah,” a ti a.

THUCHINGTE 18:10

Lalpa min chuh kulhpi dettak a hi a, mi diktat chuh a tailut a a bit sek hi.

SAM LEHKHABU THE PSALMS 57:1

Aw Pathien, ei lungsiet in, ei lungsiet in; Ka hinna hi nangmah a chun a hung puklut ngâl a, Ahi, na thanuoi chuh hun chuh ing ka. Vangsietna hi a kithiel masang sieh in.

2 PETER 3:18

Amahvang chuh, I Lalpau leh Hukdampa Isu Krista lungsietna leh hetna achun na khanglien un. Tuhin leh kumkhuo’n, amah kawm achun lopina um ta hen. Amen.

JEREMIA 45:5

Chun, nanga dingin thil lopi na hawl em? Hawl dah mai ah, ngaitie, mi chengcheng chungah thil phalo hun tun sak ding ka hi ngâla tih hi Lalpa kamsuok ahi. Himahlele, na hinnau chuh muntin a na chieh na chengah galdona a kipahman guolin hun pie’ng ka,’ ti’n.”

SAM LEHKHABU THE PSALMS 91:1

Chungnung pên Pa kisêlna a nei a, Bangakai hihtheipa lîm a umte chun.

1 PETER 3:4

Sunggil lama dikna, lunggil a kingaihniemna leh nunnem silhlechen sie thei lo a kivan chuh hi zaw hen, zie chuh Pathien mitmuh in lul mah mah a hi zaw ngâl a.

1 PETER 1:22

Suohpihte, kihehpih tak tak dinga, thutak zawpa, na thagau uh na sukthien tâk ziekun, lunggil a lunglut takin kihehpih tuoh un.

1 THESSALONIKA 4:1

Khutichun suohpihte, a chaihna kêi in, Pathien kipahna lama na hindan ding u chuh, keimauhaw apat in na he tau a. Zie chuh, tu a na hindan bang mah uh hi ahi. Zieziekchun, tuhin, Lalpa Isu min in, hih nasa zawsem dingin ka hun ngen un, ka hun tîl uh na hiu hi.

MATTHAI 5:5

“Nuoilutchuhte chuh a hamphau hi; lei hun luoh ding ahi ngâl u a.

SAM LEHKHABU THE PSALMS 31:20

A mau chuh mihiem sawisak na lak a chun na humbitna mitmuh in selgu’n na tin. Lei nielhat na lak achun Bukcha ah sel gu’n la.

ISAI 11:4

Mi chagahte phatak in vaihawm sak intin, leia mi thunuoigawlh te a ding chun khenchuom neilo in hilhgaih ina; a kama khetbuk in lei hi khên intin, a mûk a hu pawt in minunsie chuh that ina.

HOSEA 7:10

Israel mite chapona chun amau mah a do a. Himahleh, khutisa chun le Kei, Lalpa a Pathien uh lam hi a hun nga diek puou a, amah chuh a hawl diek puou hi.

ISAI 61:1

Liengvaite kawma Chanchin Pha gen dinga Lalpa’n thau ei nuh ziekin, Lalpa Pathien thagau chuh ka chungah a um. Amah chun lunggil thasie te sudam ding leh, saltâng te kawma pawt na thu leh, suongkul tângte pawtna thu phuong ding leh,

SAM LEHKHABU THE PSALMS 149:4

Lalpa chuh a mihaw chungah a kipâk sek ngâla: Nuoilutchuh haw chuh guolzawh na’n a zem hawih sek hi.

PAWTDAWKNA 12:27

‘Zie hi Lalpa chiehkân kithawihna ahi, amah chun Aigupta mite a suklup lai khan ka In teu chuh a chiehkan a, Aigupta gama Israel chate In chuh a chiehkân ahi, na hun tih ding uh ahi,’” a ti a. Israel mite chun a luu khun in a ho tau a.

1 THESSALONIKA 4:10

Makedonia gama suohpih umte chengcheng chung achun, zie chuh na hih ta him uh a. Khutichun, suohpihte, hih nasa zawsem dingin ka hun nget uh na hiu ui.

ZEKARIA 8:19

Lalpa Bangkim hihthei chun hiti hin a tii “Tha lina a anngawlh leh, tha ngana a anngawlh leh, tha sagihna a anngawlh leh, tha sawmna a anngawlhte chuh, Juda inkawte dingin lawpna leh kipahna, guolvakna thatnawp um tak hung hi ding ahi a, zieziekchun, thu dik leh chamna chu ngainau un,” a ti a.

2 SAMUEL 12:22

Chun, amah chun, “Naupang chuh a damlai khan an ngawlin ka kap ngut a; ‘Naupang chu a dam theihna’n Lalpa chun ei lungsiet kha mawh dem tih kuo a he thei?’ ka ti a ahi.

SAM LEHKHABU THE PSALMS 45:4

Thutak leh thunuoigawlh na leh diktat na ziekin, Na kilawmna’n kivan in lamzang tak in sakawl chunga chun chieh zel inla: Tichun na khut changlam chun thil huoisie takte hun sinsak ding ahi.

ISAI 1:17

thilpha hih kisin tau inla, vaihawmna dik hawl un la, sukgimtheih thuokte chuh panpih unla, pa neilote chuh sikgen unla, meithaite chuh genpih un,” a ti ahi.

EZEKIEL 13:5

Lalpa ni a galdo a a din detna dingun bâng chipna lai tak achun na va chieh puou a, Israel insung mite dingin bâng chuh na siempha puou hi.