ZEPHANIA 1:4 - PATHIEN LEKHABU THIENGTHO (BSI)

⁴ “Judate leh Jerusalem luohte chengcheng chung achun ka khut lam ing ka ting zie mun apat hin Baal ana um nalaite Kemarim min chuh a thiempute pum in thiel dawk ing ka.

ZEPHANIA 1:4 ပူးပေါင်းရင်းမြစ်များ

HOSEA 10:5

Samari khawpi a chêngte chuh lau untin, Bethel a bâwngno lim um tâk loh ziek chun nasa takin lungkham un au. Amau haw leh thiempu, milim nasemte chuh kap un au. A sanateu, a lopinateu chuh paihthaka a um tieng chu leh lungkham in mau un au.

MIKA 5:13

Na lak uh apat in na milim siemkawmteu leh na suongphuhteu chuh sumangthai ka ting, na khutsuok thilte chuh ho ta puo’n la.

JEREMIA 6:12

A in u haw chuh midang kawma piek hi’n tin, a lo u leh a ziteu tawh. Zie gama chêngte chung achun ka khuttha ding ka hi ngâla, Lalpa’n a tii.

2 KHANGTHUBU 34:4

A mah puihna nuoi achun, a mite chun Baal hona maichâm te chu a khen gawp u a, a kawma gimlim hâlna te chu a susieu a. Asher limte leh milim dang cheng te chu le, a khên nêl u a, a nêl chu, a kawma kithawihna siem sekte thân chungah a theh u a.

2 LENGTE 21:13

Samari tehna khau leh, Ahab inkuon et zanna chu Jerusalem chungah zam ing ka ting; chun, mi’n kuong a sawp a, a leh vielviel bang in Jerusalem chu gawt ing ka ting, phiet ngim ding ka hi.

PAWTDAWKNA 15:12

Nangin na khut changlam na vak zak a, Lei in amau haw chuh a valh zo ta a.

JEREMIA 15:6

Nangin nei paih tha a, na nungtawlh zel a tih hi Lalpa kamsuok ahi. Khutichun, na chungah ka khut ka tha a, ka hun sumangthai a, kisik hi ka chim tai.

EZEKIEL 6:14

Khutichun, a chung u ah ka khuttha’ng ka ting, gamthip apat Diblah chanin a chênna gam cheng u chuh gamgaw suoh sak in bangmah keh lohna’n siem ing ka ting: Khutichun, kei hi Lalpa chuh ka hi tih hun he tan au,” ti’n.

EZEKIEL 25:7

Ngaiin, na chungah ka khut ka tha a, namte’n a suom ding u a hun pie ding ka hi; mite lak achun hun gawt chuom ing ka ting, gam haw apat chun hun sumangthai kei ding ka hi a, hun susie ding ka hi, khutichun, Lalpa chuh ka hi tih he’n lau,” ti’n.

ZEPHANIA 2:11

Amau a dingin Lalpa chuh tizat-um tak hi’n tin, leia pathiente chuh sumangthai vek in tin, tichun, namtin a masang ah khun un tin, mitin in amau mun chiet apat in Amah chuh ho ta’n au.

ZEPHANIA 2:13

Lalpa chun Asuria te sukmangthaina dingin a thilhih-theihna suoh in tin, Ninevi khuo chuh khawpi siesa leh taihsansa leh thalek, tui um lohna bangin siem in a,

2 LENGTE 23:12

Chun, Ahaz insawng chunga Juda lengte’n maichâm a siemteu leh, Manasseh in, Ho-In huongsung nih a maichâm a siemte chu Josia chun a suchim a, a khên sie dimdem a, a them haw chu Kidron lui ah a paih a.