ZEPHANIA 1:3 - PATHIEN LEKHABU THIENGTHO (BSI)

³ Mihing leh ganhingte chuh sumangthai ing ka ting, vanthamzawl a vachate leh tuipi a ngate le sumangthai vek ing ka ting. Minunsie te puksietna ding chuh hih ding ka hi. Mihing chengcheng chuh sumangthai ing ka, Lalpa’n a tii.

ZEPHANIA 1:3 ပူးပေါင်းရင်းမြစ်များ

HOSEA 4:3

Zieziekchun, gam sungin a su’na: a sunga cheng te cheng le a lungkham zo tau hi. Gamsate, chung leng vachate leh tuisuohgiet a ngate chanin lak mang hi’n au.

EZEKIEL 7:19

A tangkaguou leh a sanateu chun Lalpa lungnatna ni a chun hukdawk thei puo’n tin, a tangkaguou chuh kawtthêl ah thehthang intin un, a sanateu chuh ninpa tawbang hi’n a; ziehaw chun a hinnau sutai thei puo’n tin, a gil u le suvah thei puo’n a, gitlohna a a puknau ahih zawk sek ziek in.

THUPHUON 2:14

Himahlele, neukhat demna ka hun nei hi, na lak uh a Balaam sinsakna zui, mi khenkhat na umpih ziekun, amau chun, Israel chate chuh milim hona sa a nekna dingun leh, kideihchakna thanghuoia gilo dinga a puih theihna dingin, Balak chuh a sinsak sek uh a.

MATTHAI 23:39

Ka hilh na hiu hi, ‘Lalpa min a hung chuh a hamphai,’ na tih masangsieh uh, tu apat hin nei mu kit ta lo ding na hiu hi,” a ti a.

ZEKARIA 13:2

Chun, zie ni chuleh milim pathiente chuh gamsung apat chun lamang ka ting; kuoma’n hezing ta puo’n au! Thiemgau ka hi tite leh thagau buok chu nawhmang ka ting, milim ho utnate chu lamang ding ka hi, Lalpa’n a tii.

HOSEA 14:8

Aw Ephraim, milim pathien tawh kimatna banga ka neih? Kei hi na pauchamna dâwng pa chuh ka hi a, a hun tung ding pa le ka hi: Kei chuh châk thing hing dep dup tawbang ka hi a, A vangsaknau chengcheng nak chuh ka hi ngâl a,” ti’n.

HOSEA 14:3

Asuria te chun ei hukdam thei ta puou a, kidona sakawlte chun le ei hukbit thei diek puoi. Ka khutsuok teu kawm achun, ‘Ka pathien uh na hiu,’ ti kit ngêi ta puo’ng kau. Nauchagahte chun nang ah zahngaihna a mu sek ngâl u a,” ti’n.

JEREMIA 12:4

Gam chun bang chan a a sun ding? A sunga chêngte gitloh zieka gamsung a thaichi te chuh vuoi mai ding maw? Gamsate chuh a mangthai zo u a, chung leng vachate le; mite chun I hun nunung lam u chuh mu puo’n au, a tih ziekun.

ISAI 27:9

Zieziekchun, Jakob te manlohna chuh zie hin sawp thien hi’n tin, ziehi a gitloh nau gah ngen ahi, Asher leh nisa limte chuh thokit talo ding khawp in, maichâm suong chengcheng chuh phel lemlum a bawl ahiu ui. (Himahlele, milim pathien maichâmte chuh, leia suongnip banga suknel leh, gimlim hâlna maichâm ahim, Asher pathien lim melchiknate chuh suksiet a hih ma’n, Israel te gitlohna chuh ngaihdam hi puo’n a.)

EZEKIEL 44:12

Aziek chuh, Israel mipite chuh milim hona lama a pui u a, mite chuh gitlohna lama a puih mang ziekun, a chung u ah ka khut ka tha a, a manlohnau chuh kipuok ngêi un au, tih hi Bang cheng chunga Lalpa Pathien thugen ahi.

MATTHAI 13:41

Mihiem Chapa hin a vânsâwlchâkte chuh sawl dawk intin, a gam apat mipi gitloh sakte leh, hih gilo chengcheng lakhawm un tin,

ISAI 6:11

Tichun, ken a kawmah, “Bang chan ahi die Lalpa?” ka ti a. Amah chun ei dâwng a, “Khawpite hi mihing umlo hiela a hung hawma, Inte hi a cheng ding umlo khawpa, gam pumpi suksiet dimdem a a um a, a hawma nutsieh ahih ma cheng.

ISAI 6:12

Lalpa’n mite chuh gamla taka a chawnmanga, gamsung a mun haw hi tamtak nutsieh a a hung um macheng in.

JEREMIA 9:10

“Tang te chuh sun ing ka ting, gamthip a hampa phatna mun te ziek chun kap ing ka. Kuomah hawh loh dinga a siet tâk ziekin; gan hawn thawm kuoma’n za ta puou in tin; chung leng vacha leh gamsate le a taisieu a; a chieh mang tau hi,” ti’n.

JEREMIA 50:3

“Mâllam a kipatin amah chuh nam khatin a hun sim a, zie chun a gam chuh suhawm intin, zie tak achun kuomah cheng ta puo’n au! Mihing leh gamsa haw chuh tai mang untin, zie tak achun kuomah cheng ta puo’n au!

THILSIEMBUL 6:7

Tichun Lalpa chun, “Ka mihiem siem hi lei chung apat hin sumangthai mai ing ka; mihiemte, gamsate, bawka vak ganhingte, chung leng vachate natieng in ka na siem tâk ziekin ka kisik hi,” a ti a.

JEREMIA 7:20

Zieziekchun Lalpa Pathien in hiti hin a tii: ‘Ngaitiem u, zie mun ahin ka lungnat na leh ka lauh umna sungtha’ng ka ting, mihiem chung leh gamsa chungah gam laka thing leh leichung a theigah chung haw nasan ah, tichun ka’n tin, mit kit ta puo’n a.’