TITA 3:3 - PATHIEN LEKHABU THIENGTHO (BSI)

³ Ei uh le makhan ngawl tak leh thu a nung lo leh, diklo I hiu a. Utchakna leh, nawpna tincheng suok a um I hiu a. I hinkhuou chuh mi muhdahna leh itthikna’n I mang uh a; mi dangte’n ei hawu a, ei un le mi dangte I hawt kit uh ahi.

TITA 3:3 ပူးပေါင်းရင်းမြစ်များ

KOLOSSA 1:21

Malai khan nang haw le na thil gilo hihteu ziekin, Pathien apat a khenthak a um in, na lungthim u achun a melma na hiu kha.

ROME 6:17

Pathien chuh pahchak in um hen. Khatvei chuh nang haw gitloh suok na hiu a; himahlele, sinsak a na um nau ah, thudik chuh na lungthim chengcheng u a na na zawp uh ahi tai.

KOLOSSA 3:7

Nang haw le, malai a zie thil haw a chuh na hin lai u khan, ziehaw achun na um sek u khah.

ROME 6:22

Himahlele, tuhin chuh gitlohna lak apat kithiel dawkin, Pathien suokte na hung hih phet u hin, thienthona mu kham in, gah na hun nei tau apuo, a tawpna kumkhuo a hinna ngêi chuh.

1 PETER 1:14

Cha thunuomte bangin, na khawhet theih mau a na malai utnau banga um lo in,

THUCHINGTE 9:6

Nang haw mingawl te haw, mingawngte lampi chuh taihsan unla, hing un. Hetthiemna lampi chuh zui zawu in” ti’n.

2 KORINTH 12:20

Ka hung tienga, bang em ti a ka deih banga nanguh ka hun muh loh a, kei le, na deih bang u a nei muh loh u a; bang em ti a kigaihna bang, kimitthipna bang, lungnatna bang, kilangsehna bang, kigensietna bang, kihoguk nuomte bang, kiletsak takluotna bang, buoina bang hung um kha’na tih leh;

JOHAN 8:34

Isu’n a kawm u ah, “Tihtakzet, tihtakzet a ka hilh na hiu hi, kuole, thil hihgilo ta gitloh suok ahi.

MATTHAI 21:29

Amah chun, ‘Ka nuom puoi’ ti’n, a dâwng a, Himahleh, vainung chun a lung ahun hei a, a chieh ta a.

SAM LEHKHABU THE PSALMS 36:2

“Ka thulimlohna mudawk puou untin, hun mu dah diek puo’n au,” tin. Amah mitmuh ah amah mah a kipakcha kawm ngâl seka.

JAKOB 1:26

Kuole, sakhuo khawksak a kingai a, a lei hup zo sam lo a, amah kithem zaw chuh, zie pa sakhuo ho dân chuh mawk mai ahi.

GALATI 6:3

Mi, amah bangmah hi sâm lo a, milien deuha a kingaih chun, amah kithem ahi.

LUKE 21:8

Isu chun, “Chingthei unla, thep in um kiu un. Mi tamtakin, ‘Krista chuh ka hi, a hun tung ding ei tai,’ ti’n ka min in hung un au! Himahlele, amau haw chuh zui kiu in.

THUPHUON 18:2

Amah chun aw ngeih tak in, “Babulon khawpi lopi chuh a chim tai! a chim tai! Thithate umna leh, thagau buok leh muhdahum tin chengte umna a hung hi tai!

THUPHUON 13:14

Sahang masa mitmuh a melchikna hih dinga phalsak a a umna kha mang in, mi chengcheng a thêm sek a. Sahang, chemzâma liemsa, hung dam kit pa limbawlna ding chun, amah lim a siem dinguh a hii, ti’n a hilh sek a.

THUPHUON 12:9

Chun, Dragon lien tak, gulpi têk, Diabol leh Setan a tih uh, khawvel pumpi thempa chuh a paih tha tau a. Tichun, amah leh a sawlchakte chuh leia paihthâk khawm in a um tau hi.

ISAI 44:20

A vutte chuh na ne a, na ngawl dân chuh, na ngawl taluo a, panpih theih nei puoi. “Ka khuta milim pathien ka chawih hi pathien ei hiel puoi,” na ti nuom diek puoi.

OBADIA 1:3

Aw nang, suongpi kek kal a cheng a, mun sang luohpa; ‘Kuo ahim leia ei luoi tha ding?’ Lungthima tipa, na lunggil uonna chun thepa um na hi tai.

THUCHINGTE 8:5

Aw nang haw mingawngte haw, pilna hi hethiem unla, nang haw mingawlte haw, pilna lungthim nei mi hung hiu in.

ROME 6:6

Ziehi he leuhing; I mihiem lui u chuh a mah tawh khetdên in a um ta a, gitloh puo sapum chuh sukmangthai a a um theihna dingin, tu a thak a gitloh suok a I um tâk loh na dingun.

ROME 6:12

Zieziekchun, na sapum utnateu na zawp na dingun, na sapum thi thei hawu achun gitlohna’n vaihawm kihen.

ROME 11:30

Ma khan nanguh Jentel te hin Pathien thu na zawp puou a; himahlele, tuhin vang, Judate thu ngaih loh ziekin Pathien hehpihna chuh na chang tau hi.

2 TIMOTHE 3:6

Zie tawbang mite laka khenkhatte chuh mi In a chieh a, a gitlohna ziekuh a thiemmawh kichana puokgik tak puo a um leh, gitlohna tin chenga puihmang a um numeite man sekte khah ahiu hi.

2 TIMOTHE 3:13

Migilo leh mi thep hatte vang chuh, mi thep bawl leh thepthak a um in, hung sie zaw deuh deuh un au.

TITA 1:16

“Pathien ka heu ui,” ti’n a pang sek u a, himahleh, a thilhih teu chun a haw sek ui. Muhdah um leh thu awilote ahiu a, thilpha hih dinga titna nei lo hielte ahiu ui.

TITA 2:12

Kinepna thatnawp-um, I Pathien uh lopitak Hukdampa Isu Krista lopi hung kilâkna chuh ngak in,

THILSIEMBUL 38:9

Himahleh, Onan in chi suon ding chuh amah suon hilo ding ahi tih a he a, a u zi a kuolpih cheng leh a u dinga suona neihsak lohna dingin a chi chuh tuol ah a vatthak sak sek hi.

THILSIEMBUL 39:16

Joseph pu a hung macheng chun a puon chuh a kawmah a na kawih zing a.