TITA 3:2 - PATHIEN LEKHABU THIENGTHO (BSI)

² kuomah gensie lo ding leh, thusie bawl lo ding leh, mi chengcheng kawma kingaihniemna tincheng taklang a, nunnem dingin amau haw hetdawk sak kit ah.

TITA 3:2 ပူးပေါင်းရင်းမြစ်များ

EPHESI 4:31

Khatna haw, lungnatna haw, kinuoisiehna haw, lungdamlohna haw, kigensietna haw leh gitlohna chengcheng chuh haihsan in um hen.

EPHESI 4:2

Kingainiem tak leh, nunnem tak leh, thuokhat takin um zingun. Na kilungsietnau chuh, dawhtheih na’n etsak un.

1 TIMOTHE 3:3

zungawl vei lo, thagumsuoh chîng lo, mi nunnem leh kinakpih ding hawl lo; dangka sum ngailul lo;

1 PETER 3:10

Hinna hehpih nuom leh Ni phate mu nuom chun, Gitlohna lak ah a lei vengpha hen la, A mûk le dawha a kilemna thu gen lo dingin vengpha hen.

1 PETER 3:8

A chaihna kêi in, na bawn un lungthim munkhat in um unla, kilainat tuoh unla, suohpih bangin kihehpih unla, kilungsiet tuoh unla, nuoilut chuh in um un.

JAKOB 4:11

Suohpihte, kigensie tuoh kiu in. Kuon le, a suohpih gensie’n, awimawh leh, Dan gensie leh awimawh ahi. Dan na awihmawh chun, Dan zawp na hi ta puoh a, a vaihawm a pang na hi zawi.

GALATI 5:22

Himahlele, thagau gah vang chuh: hehpihna haw, lawpna haw, kichamna haw, thuokhatna haw, nunnemna haw, phatna haw; taksanumna haw,

MATTHAI 11:29

Ka namkawl puou unla, ka kawmah sin un; lungchuol leh lunggil a kingainiem tak ka hi hi; tichun na thagau u a dingin chawlhna mu’n lau.

1 PETER 2:1

Khutichun, gitlohna chengcheng te, dawha a kilemna chengcheng te, gukhahnate, kimitthipna te, gensietna chengcheng te,

JAKOB 3:17

Chunglam apat a chitna hung suk vang chuh, a tûngin a thiengtho phawt a, zie nung chuleh kicham a nuom a, a nunnem a, a thunuom a, zahngaihna leh gah pha’n a dim a, khenchuom a nei puoh a, a gukhah diek puoi.

GALATI 6:10

Khutichun, hunlemchang I neih dungzui zel un, mi chengcheng chungah thilpha hih hitiu; taksanna a I inkawteu chungah hih deuh pên hitiu.

2 SAMUEL 22:36

Nangin na hukdamna phaw chule nei pie a: Na kingaihniemna’n nei siem lien tai.

GALATI 6:1

Suohpihte, mi khatto, sukkhelh nei a um u a, a thiemmawhna kiman dawk henla hileh, nanguh, thagau mite haw, “Thepna tuok khang ka ie,” ti a kivengpha kawmin, khutibang mi chuh lungnem takin tungding kit un.

1 TIMOTHE 3:11

Zie tawbang mah chun, a ziteu chule, nungchang pha leh mawk holim hât hilo in; bang chenga pilvang tak leh taksanum a hih dinguh ahi.

1 THESSALONIKA 2:7

nang haw apat ahim, a hihloh leh mi dangte chunga le, bangmah ka ngek puou ui. Na kawm u a ka um tieng u leh, nute’n a chateu a dâwn bangun, nunnem takin ka um sek u kha.

PHILIPPI 4:5

Na dawhhatnau chuh mi chengcheng het hi he’n. Lalpa chuh hung pai ding a hi ngâl a.

1 KORINTH 9:19

Kuomah suok hi kimahlengle, mi tamzaw sem ka lâklut theihna dingin, mi chengcheng suok in ka kisiem sek hi.

SAM LEHKHABU THE PSALMS 140:11

Thu phalo gente chuh lei ahin hihdet in um puo’n tin: Mi ngawngtawih te chuh thil phalo in kin takin hawldawk ina.

2 KORINTH 12:20

Ka hung tienga, bang em ti a ka deih banga nanguh ka hun muh loh a, kei le, na deih bang u a nei muh loh u a; bang em ti a kigaihna bang, kimitthipna bang, lungnatna bang, kilangsehna bang, kigensietna bang, kihoguk nuomte bang, kiletsak takluotna bang, buoina bang hung um kha’na tih leh;

2 KORINTH 10:1

Kei Paul, na kawm u a um chenga nunnem tak leh zaidam taka um a; na kawm u a ka um loh tienga, nanguh a ding a hahkat taka pang sek pa hin, na kawm u ah ka hun ngên hi.

NASEPTE 23:5

Paul chun, “Suohpihte haw, Thiempu Lienpen ahi tih ka het loh ahi; ‘Na chipihte lawiupa chungah thu phalo gen ki’n,’ tih le zik ahi ngâl a,” a ti a.

THUCHINGTE 25:24

Numei hansie tak tawh In lien taka chenkhawm sang chun, In chung sipzum a um chule a phazawi.

THUCHINGTE 6:19

Hetpih diklo a lepchieh gen haw, suohpih kikala kituoklohna tuh sekte hi.

JUDA 1:10

Himahlele, ziete haw hin, thil a het loh chenguh a gensie sek uh a, gamsa haw banga pienpih hetna a neihteu chuh, ziete mawng chun amau haw chuh a sumangthai sek ahi.

JUDA 1:8

Khutibang mah in, ziete haw chun le, muh lawk thil nei in, a taksa teu chuh gitlohna hih dingin a siem uh a; Pathien thuneihna chuh musit in, chunglama lopitak umte chule a gensie sek ui.

2 PETER 2:10

Taksa lama utchakna thanghuoi hihte leh, vaihawm sakna musitte vang chuh, Vaihawm Ni a dingin gawt kawma sit dân a he zawsem hi. Zie tawbang sinsaktu diklote chuh, ngawl hân leh amah kiletsakte ahiu a, chunglam lopina changte nasan le zahchâk lo in, a gensie zaw sek ui.

1 PETER 4:4

Ziehaw achun, amau haw nawpsak bawl takluot banga na bawl lohnau ahin mak a hun sau a, a hun gensiet sek uh ahi.

1 KORINTH 6:10

guchate ahim, mi huoihamte ahim, zukham nuomte ahim, mi gensiet hatte ahim, lepguk chîngte ahim chun Pathien gam luoh puo’n au.

ISAI 40:11

Amah chun belam chingpa bangin, a belamte chuh veng intin; belam note chuh a khut nih in pawm intin, a ângsung ah kawih in tin, chun, a pi-nokaite chuh awlcha cha’n chiehpih dên dên ina.”

THUCHINGTE 19:19

Mi lungchawm chun gawtna thuok intin, khatvei hukdawk mahleh chun hukdawk kit zel ngai in a.