TITA 1:9 - PATHIEN LEKHABU THIENGTHO (BSI)

⁹ Thugin tawh kituok thute chuh vawp sak theih leh, dettaka tuchak mi a hih ding ahi. Khutibanga hih chun, mi dangte chuh thu dik sinsakna lam achun tîlkhoh thei intin, chun, mi nielkalhte diklohna chule sulang thei ina.

TITA 1:9 ပူးပေါင်းရင်းမြစ်များ

2 THESSALONIKA 2:15

Zieziekchun, ka suohpihteu haw, ding det un la, ka thugenteu leh, ka lehkhathâk hawu a, thudik ka hun hilhteu chuh tuchak zing un.

2 TIMOTHE 1:13

Nanga dinga etsakna ka hun piek guol u khan, thudik tak ka hun sinsakteu kha tudet kei inla, chun, Krista Isu tawh I kipumkhatna ziek u a I chan uh, taksanna leh hehpihna akhan um zingin.

1 TIMOTHE 6:3

Mi kuo’n le kihilhna chuom a sinsak a, thutak, I Lalpau Isu Krista thu leh Pathien khawksakna lam kihilhna a ki-awih loh chun,

1 TIMOTHE 1:10

kideihchak nuom haw ding leh tawkuohûk haw ding leh, mihiem-gukmang chîng haw ding leh, lepchieh a, thugin dik tawh kikalh lama hetpihtu lêm a pang te dinga siem ahi ngâl a.

THUPHUON 3:3

Khutichun, a tûngin bangti sinsak a um na him, bang na ti zak ahim gel zing ah; zie chuh zawp inla, na gitlohna apat in kihei kit in. Na kiven loh le vang, gucha bangin hung ing ka ting, bangtik phata ka hung ding tih nasan le he puo’n la.

1 TIMOTHE 1:15

“Krista Isu, mi gilote hukdam dingin, khawvel ahin a hung hi,” tih hi a taksanum in, pawm tâk mawng ahi. A lak uh a mi gilopen ka hi a;

TITA 2:1

Nangin chuh Thugin diktak tawh kituokte chauh sinsak ah.

TITA 1:11

Ziehaw kam chuh hup sak ding ahi, lepna diklo deih ziekin, thu sinsak loh ding pi sinsak in, mi a inkuon kuon un a chawk chavai sek ngâl u a.

2 TIMOTHE 4:3

Kihilhna dik a ngaih ngâp loh hun uh hungtung ding a hii, a bil uh a thak ziekin amau deihlam chietin, sinsaktu ding a kawm u ah puikhawm un tin uh,

1 THESSALONIKA 5:21

Thil bang cheng chuh phawchien zawu inla, a phata pawm det un la;

THUCHINGTE 23:23

Thudik chuh chawn la, zuok kit ki’n, Ahi, pilna te, sinsakna leh hetthiem nate le kichâwk in.

JOB LEHKHABU THE BOOK OF JOB 2:3

Lalpa chun Setan kawmah, “Ka suok Job hi na ngaihtuoh kha? Amah tawbanga mi bukim, demna bei, mi dik, Pathien kihcha mi, thil phalo laka kidêk thei amah tawbang hi leichung ah a um puou hi, a ziek um lo a nei hihsiet sak nung in le a ginum ngêi in a ginum zing hi,” a ti a.

THUPHUON 3:11

Hung vak zieng ding ka hi, kuoma’n na lallukhuk chuh a hun lâksak lohna dingin, na thil neihsa khah vawp bit ah.

THUPHUON 2:25

Himahlele, ka hung masang sieh in, na neihsau vang khah tudet un.

JUDA 1:3

Deihtakte, a tângpi a hukdamna I chan danteu thu khah na kawmuh a hun zik ka guot lai takin, mi thiengthote kawma taksanna thu khatvei vawp saka umna thu lam ah chun, thanuom taka bawla, nanguh hun tîl dingin, na kawmuh a lehkha zika taimat suoh ding tih, ka hun he dawk a.

2 TIMOTHE 2:25

Pathien thutak a het na ding u a kisikna hun lemchâng a piek khâk leh ti a amah dodilte chuh thunuoigawlh taka a hilh ding ahi.

2 TIMOTHE 2:2

Chun, hetpih tamtak te laka ka kama thu na zak cheng khah, ziehaw mawng chuh mi taksanum, midang le sinsak sawn thei dingte kawm achun vawp sak in.

1 TIMOTHE 4:9

Zie thu kigen hi, pawm ding leh ginchak dingin thu diktak ahi.

1 TIMOTHE 1:19

Chun, taksanna dettak leh, sielephahetna thieng tak chuh vawp zingin. Mi khenkhatte’n a sielephahetnau chuh ngaihsak lo in, taksanna lam achun kuong kek bangin a keksie sek ui.

NASEPTE 18:28

Vantâng zak in Judate chuh nasatak in a niel dawng sek a, Pathien Lehkha Thu mang in, Isu khah Krista chuh ahi, tih a hetsak sek a.

JOB LEHKHABU THE BOOK OF JOB 27:6

Ka dikna chuh tudet ing ka ting, thah suok ngeilo ding ka hi, Ka lungthim in kithiemmawhna nei puo’ng ka.

1 KORINTH 14:24

Himahlele, na bawn u a Pathien thuchah na phuon u chun vang, gingchalo mi ahim, a na helo mi ahim hung lut leu le, a thu zak u chun a gitlohnau hetdawk sak intin, a thu zakte chun, thiemmawh chan intin;

2 TIMOTHE 3:14

Himahlele, nang vang, sinsak a na umna leh, dettaka na taksan, thudik achun um zing in.