TITA 1:3 - PATHIEN LEKHABU THIENGTHO (BSI)

³ A hun cha chun a thu achun a hun sulang ta a. Zie a thu chuh kei kawma vawp saka um in, Pathien, I Hukdampau thupiek dungzui zel chun ka phuong dawk ta a.

TITA 1:3 ပူးပေါင်းရင်းမြစ်များ

1 TIMOTHE 1:11

Zie thu sinsak chuh, Chanchin pha a kimu, Pathien lopi leh vangsaka kipata Chanchin pha, zie phuong dinga vawp saka ka umna pên chuh ahi.

1 TIMOTHE 1:1

Paul, Pathien ei hukdampau leh, Krista Isu I kinepnau thupiek banga, Krista sawlchak apat chun,

TITA 2:10

Chun, a thilhih teu a chuh, Pathien, I Hukdampau chanchin sinsakna lam thu a chuh minphatna a tun theihna dingin, phatna leh taksanumna chuh sulang zing zing zawu hen.

TITA 2:13

Pathien khawksaklohna leh, khawvel thil utchakna haw chuh haihsan in, tulai khang ahin pilkieu leh, diktat leh Pathien khawksa a I um dinguh ahi, tih zie hehpihna chun ei hilh ta ngâl a.

1 TIMOTHE 4:10

Khutichun, Pathien hinga chuh I kinepnau I ngak ziekun, I semgim uh a, I kinem hâm hâm uh ahi ngâl a, amah chuh mi chengcheng hukdampa ahi a, a gingchate Hukdampa ahi diek nalai hi.

1 TIMOTHE 2:3

Zie chuh, ei hukdampau Pathien mitmuh in, a pha’n, pawm tâk ahi;

1 THESSALONIKA 2:4

Khutichuh hizaw lo in, Pathien in Chanchin Pha vawp sak dinga a phasak lam ka hih ziekun, gen dinga a deih haw chauh chuh ka gen zaw sek uh ahi. Zieziekchun, mihiem te sukkipak ka guo puou a, himahleh, lunggil enchien pa Pathien chuh sukkipak ka guo zaw sek uh ahi.

KOLOSSA 1:23

Zieziekchun, bul nei a dettaka um in, Chanchin Pha na zak uh a kinepna apana kichawn mang lo in, taksanna achun um zing un. Zie Chanchin Pha khawvel a mi chengcheng kawma tângsappih a um kha, Kei Paul ngêi hi zie zenviel nasem a chuh pang ka hi.

KOLOSSA 1:6

Na lak uh a Pathien hehpihna thu tak a hungtun tung laia, a tak tak a hi tih heta a um guol khan, zie Chanchin Pha chuh khawvel muntin achun a dalh zâk zel ta a.

EPHESI 2:17

Khutichun, Krista chuh hung in, nanguh Jentel te, Pathien apat a gamla taka umte leh, amah naih taka um, Judate kawm achun, chamna Chanchin Pha chuh a hung gen tai.

GALATI 4:4

Himahlele, a hunbi a hungtun khan, cha hihna I muh theih na dingun.

1 KORINTH 9:17

Zie chuh keimah ut thu a ka hih chun, kipahman ka nei a; himahlele, mawhpuo banga ka sep ahi, Pathien in ka sep dinga ei piek a hih ziekin.

ISAI 45:21

Hung u henla, a chanchin uh hung gen u hen, a panpihteu chule kidawng tuoh uh hen la; Kuoa tumasang a thil hungtung ding genlawk sek? A mite hukdawk sek chuh Kei Lalpa Pathien hi hilo ka him? pathien dang himhim a um puoh ngâl a.

PHILIPPI 1:13

khutichun, ka bulputna haw hi Kaisar In pi sung leh mi danghaw kawm achun Krista sawntawlawi ka hih ziek ahi tih a kiphuong ta ngâl a.

ROME 16:26

Tuhin, zie thudik tak kiselgu chuh, kumsawt Pathien thupiek dungzui in, thiemgaute’n, a na zik hawu chuh hung kihawm zak in, mitin in a ginchak u a, a zawp theihna dingun namtin kawmah hetsak ahi tai.

ROME 15:19

Ziehaw chuh, thu leh thilhih in leh, melchikna leh thilmakte leh, Pathien Thagau Thiengtho mang in a hih a. Chun, Jerusalem apat a, Illurikam gam tienga ka zin lai in le, Krista Chanchin Pha chuh bukim takin ka gen zo tai.

ROME 5:6

I hât loh lai u khan, a phatcha’n Krista chuh mi gilote sik in a na thi ta ngâl a.

NASEPTE 17:26

Mi khata kipatin, lei chung chengchenga um dingin, namtin mi a siem a. A dingun hunbi te a guot a, a umnau gi le a zam sak a.

NASEPTE 10:36

Amah chun, Lungmuonna Chanchin Pha, Isu Krista kama gen in, Israel suonte kawmah thu a thâk a, (Isu chuh mi chengcheng Lalpa ahi a),

LUKE 1:47

Ka thagau le ei hukdampa Pathien chungah a kipâk mah mah ta a.

MARK 16:15

A kawm u ah, “Khawvel pumpi ah chieh un la, thilsiem tincheng kawmah Chanchin Pha gen un.

MARK 13:10

Khutichun, tawpna a tun masang in, Chanchin pha chuh mi cheng kawma gen in um ina.

HABAKKUK 2:3

Zie kilâkna chuh hun guot sung a ding chauh ahih ziekin, a tâwp chuh tung pai ding ahi a, thâwn puo’n a. Chanchûm tak guolin kilang mahleh, ngak in, hungtung ngêi ngêi ding ahi a, sawt hal ta puo’n a.

DANIEL 11:27

Leng nih te chuh an ne dingin dawhkân khat ah chu khawm untin, himahleh a sunggil tak u a chuh migilo a hih gel ziekun kithem tuoh un au. A hun a tun nai loh ziekin a thil deihteu chuh mu diek puo’n au.

DANIEL 9:24

“Na mite leh na khawpi thiengtho hi gitlohna leh thil gilo apat a zalen taka a umna ding chun hapta sawmsagih hi ding ahi. Zie tieng chu leh gitlohna ngaihdam hi’n tin, vaihawmna dik chuh kumlekhuo a dinga sukdet hi’n tin. khutichun hilhlawkna thu leh kilâkna thu chuh hung tungkim intin; chuleh, Ho-In thiengtho chuh lat thak kit hi ta’n a.

DANIEL 8:23

“Chun, a lalnau hun nunung lama bawhsie mite, a sanna tawp pên uh a tun tieng u leh, leng mel lauh-um tak pu, thu het haksate hethiem mi hung pawt intin,

ISAI 45:15

Nangmah ngêi chuh amah leh amah kiselgu Pathien tak tak chuh na hi, Israel Pathien, a mite Hukdampa ngêi chuh!

ISAI 12:2

Ngaitie, Pathien chuh ka hukdamna ahi a, Amah taksang ing ka ting, lau puo’ng ka. Jehovah chuh ka hatna leh ka thilhih theihna ahi a, amah chuh ka hukdamna ahung hi tai, ti’n ahi.

THUPHUON 14:16

Tichun meitang chunga chu pa chun a kawite chuh lei chungah a pei viel a, lei buh chuh a ât ta a.

EPHESI 1:10

Zie thiltup, Pathien in a hunbi a hungtun phat a a sukbukim ding chuh, thilsiem chengcheng leh, van a thil umte, leia thil umte, Krista nuoia a kawih khawmna hun ding chuh ahi.

MARK 1:15

“Hun chuh a hung tung ta a, Pathien gam le ahung nai tai; lunghei un la, Chanchin pha hi gingchau in,” ti’n.

ROME 16:25

Pathien chuh lopina piei tiu. Amah chun, Chanchin Pha, Isu Krista chanchin ka gen guol ngêi leh, tuma a pata na kisel gu, thudik hung kiphuong dungzui chun, na taksannau achun a hun sudet thei ngâl a.

2 TIMOTHE 4:17

Chanchin Pha kei zieka gen kima a um theihna’n leh, Jentel te chengcheng chun a zak theihna dingun, Lalpa chun ei hum a, ei sukhat zawk ahi a, chun, sakeibaknei kama um kha hukdawk in ka hung um zaw ahi tai.