TITA 1:2 - PATHIEN LEKHABU THIENGTHO (BSI)

² Zie chuh kumsawt a hinna kinepna thu a kinga ahi. Zie hinna chuh leisiet kisiem ma pek a Pathien lepchieh ngei lo pa chun ei tiem a,

TITA 1:2 ပူးပေါင်းရင်းမြစ်များ

KISIMNA 23:19

Pathien chuh mite guola lepchieh ahi puoh a; mihing guola lungthim kisang hethut ei puoi. A thutiem chuh a hih zel a, a gentak chuh hih in a um zel ahi.

1 JOHAN 2:25

Chun, ziehi ahi, Krista mawng in thu ei tiem khah, kumsawt a hinna hih.

2 TIMOTHE 1:9

Amah chun ei hukdam ta a, amah mipite ngêi hi dingin ei sama, I thilhih teu ziek hilo in, amah guot ngêi leh a hehpihna ziekin a hi zawi. Zie hehpihna chuh leisiet kisiem masang in Krista Isu achun ei piek uh I hiu a,

JUDA 1:21

Thagau Thiengtho thilhih theihna a paucham in, Kumsawt hinna, a hun piek ding, I Lalpau Isu Krista khuotuohna ngak kawmin, Pathien hehpihna achun kivawp phau un.

2 TIMOTHE 1:1

Paul, Krista Isu tawh kipumkhatna zâla hinna thutiem I neih uh phuongzak dinga, Pathien phasak lam a Krista Isu sawlchak apat,

TITA 3:7

Khutichun, a lungsietna zieka thiemchan saka na um in; kumsawt a hin kinepna dungzuia goluoh dinga siem in um thei hitiu.

TITA 2:13

Pathien khawksaklohna leh, khawvel thil utchakna haw chuh haihsan in, tulai khang ahin pilkieu leh, diktat leh Pathien khawksa a I um dinguh ahi, tih zie hehpihna chun ei hilh ta ngâl a.

2 TIMOTHE 2:15

Thutak thu diktaka khen zah châk na ding neilo nasemtu bangin, Pathien mitmuha pha bukim a kilang dingin phachuom ngai ah.

2 TIMOTHE 2:13

Eihaw taksan um lo in um mahleu hing, Amah chuh a taksanum zing hi; Amah leh amah a kithem thei puoh ngâl a,” tih hi.

1 SAMUEL 15:29

Israel te lopina Pathien chu a lepchieh puoh a, a lungthim le a sang diek puoi. Mihiem a hi puoh a, a lunggel le a sang lam dang diek puoi,” a ti a.

1 JOHAN 5:20

Chun, Pathien Chapa chuh a hung a, het theihna ei piei tih I heu a, khutichun, Pathien diktak chuh I he tau hi. A Chapa Isu Krista tawh I kipumkhatna zal uh chun, Pathien diktak chu tawh kipumkhat in I hing uh ahi. Amah chuh Pathien diktak a hi a, kumsawt hinna le ahi.

TITA 2:7

Langkhat a pang te laka mi’n I chunguh a thu phalo himhim gen ding a neih loh ziekuh a a zahchâk theihna dingun,

1 THESSALONIKA 5:8

Himahlele, eihaw vang suna um I hih ziekun, taksanna leh hehpihna awmphaw chuh ki-âk in, hukdam kinepna chuh lukhuk a mang in; khawthengai zawi tiu!

ROME 6:23

Gitloh man chuh thihna ahi ngâl a, Pathien thil thawnpiek vang chuh, I Lalpau Isu Krista zal chun kumsawt a hinna ahi.

MATTHAI 25:46

Tichun ziehaw chuh kumkhuo gawtna ah chieh un tin, mi diktatte vang chuh kumkhuo hinna ah chieh un au,” a ti a.

MATTHAI 25:34

Zie phat chu leh Lalpen chun a changlama mite kawm achun, ‘Ka pa vangsakte haw, hung un la, khawvel kisiem tûng apat nang u dinga guotsa chuh luoh un.

THUPHUON 17:8

Sahang na muh khah khatvei khah a hing a, himahleh, a hing zawm ta puoi. chun, thampikuo-âwng apat in hung pawtdawk intin, manthaina ah chieh ina. Leia mihingte, khawvel kisiem tung apat Hinna Lehkhabu a min kizik lote chun. sahang chuh a muh tiengu leh maksa’n dim un au. Khatvei khah a hing a; tu’n a hing kit ta puoh a; himahleh hung kilang kit ding ahi ngâl a.

THUPHUON 13:8

Tichun, lei chunga um chengcheng, lei kisiem tunga thahsa Belamno Hinna Lehkhabu a min zik loh taphawtte chun, Pathien ho tawbang in ho un au.

2 TIMOTHE 2:10

Krista Isu zâla hukdamna chuh, kumlekhuo a lopina tawh a muh theihna dingun, Pathien mi telte ziekin thil bang cheng chuh ka thuok muolsuok sek hi.

1 TIMOTHE 6:19

Khutibanga hih chun, amau ding ngêi in, tunung thila dingin suongphum dettak, go phum gûk chuh kikhawlkhawm hi’nau. Khutichun, hinna, hinna diktak chuh chang thei un au.

ROME 5:21

Gitlohna’n thihna a vai a hawm guol mah in, lungsietna chun diktatna’n, kumkhuo hinna chan theihna khawp in I Lalpau Isu Krista zal chun vai a hawm tai.

NASEPTE 15:18

Sawta kipan ta, ziehaw chengcheng hetsak sek pa Lalpa chun a tii,” tih zik ahi.

JOHAN 17:2

Mi chengcheng chunga thunei in na siem a, ti a chuh, na piekte kawma hinna a piek theihna dingin.

JOHAN 10:28

Amau haw chuh kumkhuo a hinna ka pie a, thi ngei ta puo’n au. Kuoma’n ka khut apat ei chuhthâk sak ta puo’n au.

JOHAN 6:68

Simon Peter in a kawmah, “Lalpa, kuo kawma e ka chieh dinguh? Nangin kumsawt hinna na nei a puo!

JOHAN 6:54

Kuole, ka phehlevo ne a, ka thisan dâwn chun, kumkhuo a hinna a nei tai; chun, ni tâwp ni chuleh amah chuh kaitho ing ka.

JOHAN 5:39

Pathien Lehkha thu na sim gunchuh sek ui. A sung ah kumkhuo hinna um ina tih na ginchak ziekun. Zie lehkha thu haw chuh ka chanchin hetsak pên chuh a hi ngâl a.

1 TIMOTHE 6:12

Taksanna kitaihsiekna pha chuh bawl inla, kumsawt hinna chuh changin, zie chang dinga chuh sap na hi a, hetpih tamtak te mitmuh achun dettak in na phuong ta kha.

1 THESSALONIKA 2:15

Ziete chun Lalpa Isu leh thiemgaute that in, keihaw le ei sugimthei u a. Pathien a sukipak puou a, mi chengcheng le a kikalhpih sek ui.

ROME 16:25

Pathien chuh lopina piei tiu. Amah chun, Chanchin Pha, Isu Krista chanchin ka gen guol ngêi leh, tuma a pata na kisel gu, thudik hung kiphuong dungzui chun, na taksannau achun a hun sudet thei ngâl a.

ROME 5:4

thuokhatna chun hetchilna a siem a, hetchilna chun kinepna a siem hi tih I he ngâl u a.

ROME 5:2

Amah ziek mah chun, zie lungsietna a I din detnau ahin, taksanna’n I lut tau a; Pathien lopina kinem in kipâkin um hitiu.

ROME 2:7

Thilpha bawl hâmhâm a, lopina leh limbawlna leh, manthai theih lohna hawlte kawm achun Pathien in kumsawt hinna pie’n tin,

ROME 1:2

Zie Chanchin pha chuh, Lehkhabu thiengtho a a na kizik guol in, malaia kipatin Pathien in a thiemgaute mang in a na tiem ta a.

JOHAN 17:24

“Hepa! nangin kei nei piekte hi, ka umna a ka kawma um dingin ka deih hi; nangin nei piek, ka lopina khah a muhna dingun, lei kisiem masang apat in nei hehpih ta ngâl a.

KOLOSSA 1:27

Pathien thiltup chuh, thuguk hausa tak leh lopi tak, mi cheng chenga dinga a kawih, a mite kawma hetsak chuh ahi. Zie thuguk chuh Krista nangmau a um, Pathien lopina na kikawppih ding u chuh ahi.

MARK 10:30

Tu damsung ngêi hin, Inte, suohpihpa te, suohpihnute, nute leh chate, gamte, aleh za a sukgimtheihna te tawh mu lo ding kuomah a um puoi; hun hung tung dinga kumkhuo hinna tawh.

MARK 10:17

Chun, amah chuh chieh dinga a kipat kit lai tak chun, mi khat amah lam zuonin a hung tai a, a masangah a khupdin a, “Sinsakpa pha, kumsawt a hinna ka chan theihna dingin bang ka bawl die?” ti’n a dawng a.

ISAI 1:20

Himahlele, na nawp loh uh a, na kiphin u chun, chemzâm in hun that zo un au; kei Lalpa chun zie chuh ka gen ahi tai,” a ti a.