THUPHUON 9:4 - PATHIEN LEKHABU THIENGTHO (BSI)

⁴ A chalpâng uh a Pathien melchikna kinam nei lote ngâllo chuh, leia hampa le, thilhing himhim le, thing himhim le, susie lo dingin a hilh u a.

THUPHUON 9:4 ပူးပေါင်းရင်းမြစ်များ

EZEKIEL 9:4

Chun, Lalpa chun ka kawmah, “Khawpi chuh tawh viel inla, Jerusalem chuh tawh suok in; a sunga thil tenum kihih haw zieka lungkham a kap sek haw chuh a chalpâng u ah tiemteh in,” a ti a.

THUPHUON 14:1

Chun, ka vak et leh, ngaitie! Belamno, Zion tânga ding leh, a chalpâng uh a a min leh a Pa min kizik, mi nuoi khat leh singli leh sangli a kawma umte chuh ka mu a.

THUPHUON 8:7

Tichun, vânsâwlchâk khatna chun a pengkun chuh a hun mût a, chun, giel leh mei, thisan tawh kihel in lei chungah a hung zu tha zieng ta a. Zie chun lei, mun thuma khena mun khat chuh a kâng tum a, thing leh hampa hing le, mun thuma khena mun khat chuh a katum vek ta a.

THUPHUON 6:6

Chun, ganhing lite lak apat chun aw tawbang hin, “Makhai in suk loh buh dan khat, makhai in sakawlbuh dan thum; thau leh uain vang chuh susie ki’n.” a tih hi ka vak za a.

EZEKIEL 9:6

Teksie haw, tangval haw, nungak haw, naupang haw leh nupi haw chuh that suok kêi unla; ahihziekin, tiemtehna nei haw vang chuh va naih kiu in; ka mun thiengtho a chun pan un,” a ti a. Khutichun, Ho-In maia upa haw a chun a pan tau a.

PAWTDAWKNA 12:23

Lalpa chun Aigupta mite that dingin hun hawhpai ding ahi ngâl a; tichun kawtkhak chung leh kawtbieng tuoka thisan bek a muh tieng leh Lalpa chun kawt chuh chiehkân intin, thihna vânsâwlchâk chuh nang haw hun sulum dingin insung achun hun lut sak puo’n a.

EPHESI 4:30

Chun, Pathien Thagau Thiengtho chuh sulungkham kiu in, tatna ni tienga dingin amah a chuh mawhuol kinam na hi ngâl u a.

MATTHAI 24:24

Krista lêmte leh thiemgau lêmte hung pawt ding ahi ngâl uh a. Ziete chun melchikna nasatak leh, thilmak lopitak hun etsak un au, a hihtheih diek chun, telte nasan le hun dawha bawl ding ahiu hi.

SAM LEHKHABU THE PSALMS 76:10

Thawnlo in mihiem lungnatna hin hun na pakcha tei ina; Lungnat na chuong in kigak in na tin.

JOB LEHKHABU THE BOOK OF JOB 1:12

Chun, Lalpa chun Setan kawmah, “A phai le! a neih chengcheng na khut ah a um hi, amah taksa hinna hiel vang chuh khawih ki’n,” a ti a. Tichun Setan chuh Lalpa masang apat in a chiehdawk ta a.

JOB LEHKHABU THE BOOK OF JOB 1:10

Amah chuh a In tawh, a neih chengcheng tawh, ning tina na ûmkimvel sak hilo ahim? A khut nasepte na vangsak a, zie gam ahin a hung neizo tul tul mai ahi khu.

JOB LEHKHABU THE BOOK OF JOB 2:6

Chun,Lalpa chun Setan kawmah, “Ngaitie, na khuta um ahi, a hinna vang chuh hawih sak in,” a ti a.

THUPHUON 7:1

Zie nung chun, lei chung leh, tuisuohgiet chung leh, thing tin cheng chunga huih a nun lohna dinga tutâng dinga vânsâwlchâk li, lei ning li a ding ka vak mu a.