THUPHUON 8:9 - PATHIEN LEKHABU THIENGTHO (BSI)

⁹ Tuisuohgiet a thilsiem, hinna neite chule, mun thuma khena mun khat chuh a thi tau a; kuonghaw chule, mun thuma khena mun khat chuh suksiet ahi tau hi.

THUPHUON 8:9 ပူးပေါင်းရင်းမြစ်များ

THUPHUON 16:3

Chun, vânsâwlchâk nihna chun a belhbu chuh tuipi ah a sung tha ta a, tichun, tui chuh mithi thisan guolin a hung um ta a, khutichun, ganhing tin cheng, tuipi a umte chuh a hung thi suok vek tau a.

THUPHUON 8:7

Tichun, vânsâwlchâk khatna chun a pengkun chuh a hun mût a, chun, giel leh mei, thisan tawh kihel in lei chungah a hung zu tha zieng ta a. Zie chun lei, mun thuma khena mun khat chuh a kâng tum a, thing leh hampa hing le, mun thuma khena mun khat chuh a katum vek ta a.

THUPHUON 8:12

Chun, vânsâwlchâk lina chun a pengkun chuh a vak mût a. Zie chun ni sa, mun thuma khena mun khat, thapi, mun thuma khena mun khat, aksi le mun thuma khena mun khat chuh suksiet ahi ta a; tichun, ni, mun thuma khena mun khat, tha mun thuma khena mun khat chuh a hung thim ta a.

THUPHUON 8:10

Chun, vânsâwlchâk thumna chun a pengkun chuh a vak mût a. Tichun, aksi lienpi, meisel tawbanga kuong, van apat in a hung kie a; zie chun luipi leh tuinakte chuh a delh khum ta a.

ISAI 2:16

Tarshis lawng lien chengcheng leh, lawng neu hawihtak tak haw le hung tum ina.

ZEKARIA 13:8

Tichun, hiti hi hi’n tin, gamsung pumpi a mihing mun thuma khena mun nih chuh thi’n tin beimang un au, chun, mun thuma khena mun khat chuh suokcha’n au.

SAM LEHKHABU THE PSALMS 48:7

Khawsak huih mang in Tarshis lawng lien haw chu a susie sek a.

ISAI 23:1

Tura chung a tunung a thil hungtung ding chuh ziehi ahi: Tarshis lawngpute haw, lungkham in kiko un; Tura a na lawng chawlhna mun teu chuh a hawm in a um ta a; a inte leh a lawng chawlhna munte chuh a sie zo tai! Kupra apat a na lawng uh a hungkit phetin, zie thu chuh na za tau a.

PAWTDAWKNA 7:21

Chun, Nile luipi a ngahaw chuh a thi zo vek u a; Nile luipi chuh a uih vengvung zieng ta a. Aigupta mite chun lui a tui chuh a dâwn thei ta puou a; Aigupta gamsung chengcheng chuh thisan in a dim suok ta a.

ZEKARIA 13:9

Tichun, amun thumna te chuh mei ah patep ing ka ting; dangkaguo sukthientho bangin amau hih thiengtho ing ka ting. Sana patep a um bangin amau chuh enchien ing ka. Zie tieng chuleh kei kawmah paucham untin, amau haw ngaitha’ng ka. Chun, amau chuh ka mite ahiu, ti’ng ka ting, amau haw chun, Lalpa chuh ka Pathien uh ahi, ti’n au,” tih hi Lalpa kamsuok ahi.

THUPHUON 9:15

Tichun, zie dâkkâl leh ni leh, tha leh kum a ding chun, mihiem mun thuma khena mun khat sulum dinga guonggalh sa, vânsâwlchâk lite chuh a phel tau a.

THUPHUON 9:18

Zie gawtna chi thum: mei, meikhu leh kât chun, mihiem mun thuma khena mun khat chuh a sulum ta a.

THUPHUON 12:4

A mei chun van aksi, mun thuma khena mun khat a luoi a, lei chungah a paih tha ta a. Nau a suok phat phata a valh zawh theihna dingin, dragon chuh numei nau nei ding âng achun a ding zing a.