THUPHUON 8:8 - PATHIEN LEKHABU THIENGTHO (BSI)

⁸ Chun, vânsâwlchâk nihna chun a pengkun chuh a vak mût a; tichun, tâng lienpi meikâk lai tawbang hi tuisuohgiet ah a paih lut uh a. Tichun, tuisuohgiet, mun thuma khena mun khat chuh thisan a hung suok ta a,

THUPHUON 8:8 ပူးပေါင်းရင်းမြစ်များ

JEREMIA 51:25

Ngaitiem u, lei chung pumpi susie, Aw susiepa tâng lien ka hun do na hi tih hi Lalpa kamsuok ahi. Na chungah ka khut tha’ng ka ting, kâwl lêk sang apat in hun lik tha ding ka hi; tâng katum sa’n hun siem ing ka.

MARK 11:23

Tihtakzet a ka hilh na hiu hi, kuole, zie tâng kawma hin, ‘Na kichawn inla, tuisuohgiet ah na kipaih ah,’ ti a, a lunggil a ginglah lo a tung ngêi ina tih, gingcha ta’n a gen guol u chuh mu’n au.

THUPHUON 8:7

Tichun, vânsâwlchâk khatna chun a pengkun chuh a hun mût a, chun, giel leh mei, thisan tawh kihel in lei chungah a hung zu tha zieng ta a. Zie chun lei, mun thuma khena mun khat chuh a kâng tum a, thing leh hampa hing le, mun thuma khena mun khat chuh a katum vek ta a.

THUPHUON 11:6

Ziete chun a thugen sung chenguh guoh zu lo dinga van khâk chak theihna thu a nei ui. Chuleh, tui thisan suoh sak theihna thu neihna le a nei uh a, lei hile gawtna tin chenga a ut phat phat uh a gawt theihna thuneihna le a nei uh ahi.

AMOS 7:4

Hitibang hin Lalpa Pathien chun ei etsak a: chun, en tiem u! Lalpa Pathien chun mei, a do dingin a sama; mei chun tui thuk lientak chuh a katum vek a, gam chule a kâng pan ta a.

EZEKIEL 14:9

“Thiemgau chun dawha bawl zawh a uma genlawkna thu a gen chun, kei, Lalpa, hin ka dawha bawl ahi a, a chungah ka khuttha’ng ka ting, ka mi Israel te lak apat in sumangthai ing ka.

ZEKARIA 13:8

Tichun, hiti hi hi’n tin, gamsung pumpi a mihing mun thuma khena mun nih chuh thi’n tin beimang un au, chun, mun thuma khena mun khat chuh suokcha’n au.

ZEKARIA 13:9

Tichun, amun thumna te chuh mei ah patep ing ka ting; dangkaguo sukthientho bangin amau hih thiengtho ing ka ting. Sana patep a um bangin amau chuh enchien ing ka. Zie tieng chuleh kei kawmah paucham untin, amau haw ngaitha’ng ka. Chun, amau chuh ka mite ahiu, ti’ng ka ting, amau haw chun, Lalpa chuh ka Pathien uh ahi, ti’n au,” tih hi Lalpa kamsuok ahi.

THUPHUON 9:15

Tichun, zie dâkkâl leh ni leh, tha leh kum a ding chun, mihiem mun thuma khena mun khat sulum dinga guonggalh sa, vânsâwlchâk lite chuh a phel tau a.

THUPHUON 9:18

Zie gawtna chi thum: mei, meikhu leh kât chun, mihiem mun thuma khena mun khat chuh a sulum ta a.

THUPHUON 12:4

A mei chun van aksi, mun thuma khena mun khat a luoi a, lei chungah a paih tha ta a. Nau a suok phat phata a valh zawh theihna dingin, dragon chuh numei nau nei ding âng achun a ding zing a.