THUPHUON 8:7 - PATHIEN LEKHABU THIENGTHO (BSI)

⁷ Tichun, vânsâwlchâk khatna chun a pengkun chuh a hun mût a, chun, giel leh mei, thisan tawh kihel in lei chungah a hung zu tha zieng ta a. Zie chun lei, mun thuma khena mun khat chuh a kâng tum a, thing leh hampa hing le, mun thuma khena mun khat chuh a katum vek ta a.

THUPHUON 8:7 ပူးပေါင်းရင်းမြစ်များ

THUPHUON 9:4

A chalpâng uh a Pathien melchikna kinam nei lote ngâllo chuh, leia hampa le, thilhing himhim le, thing himhim le, susie lo dingin a hilh u a.

EZEKIEL 38:22

Chun, hipi leh thisan suohna’n a chungah thu tan ka ting; amah leh a sepaih hawn haw leh a kawma mi tamtak te chung achun guohpi vanawn leh gielpi nasatak leh mei leh kât zuk sak ing ka.

THUPHUON 9:18

Zie gawtna chi thum: mei, meikhu leh kât chun, mihiem mun thuma khena mun khat chuh a sulum ta a.

THUPHUON 9:15

Tichun, zie dâkkâl leh ni leh, tha leh kum a ding chun, mihiem mun thuma khena mun khat sulum dinga guonggalh sa, vânsâwlchâk lite chuh a phel tau a.

ISAI 28:2

Ngaitie, Lalpa chun mihat, thilhih thei tak a nei a; amah chuh giel nasatak kie zungzung, huihpi thil susie gei gui bang leh, tuilien nasatak, let zuoh zuoh bang mai in, lei ah paih tha’na.

SAM LEHKHABU THE PSALMS 105:32

A kawm u ah guoh thasang in giel a pie a, A gamsung u ah chun kawlphe a vak zawt zawt a,

THUPHUON 16:21

Giel lien tak, talent tawh kibang hiela gik hi van apat in mihiemte chungah a hung kie a, zie giel a gawtna ziek chun; mihiemte chun Pathien chuh a gensie tau a; zie gawtna chuh a nasa mah mah ngâl a.

ISAI 32:19

Himahleh, gammâng chuh bei vek ta’n tin, chun, khawpi chule tawhniem in um ta’n a.

ISAI 30:30

Khutichun, Lalpa chun a aw lopi tak chuh zak sak ta’n tin, a lungnatna thilhih theihna huoisie tak tawh, Mei kuong leh vangi te, guohpi huihpi leh giel in a khutthak dân chuh sulang in.

ISAI 29:6

Van gite, inling te, thawm nasatak te, chinpei te, huihpi te, leh thil katum sek meikuong te mang in Sepaihte Lalpa’n hun gawt ding ahi.

JOSHUA 10:11

Chun hiti hi ahi a, Amor te chuh Israel te masanga a taihsiet uh a, Beth-horon apat a chieh sukna lampi a a um lai u chun Lalpa’n van apat in giel lientak takin Azekah khuo tiengin a vak seh sak a, tichun, a thiu a; Israel chate’n chemzâm a a satlup sang un giel sehlup chuh a tamzaw hiel tau hi.

THUPHUON 16:2

Tichun, vânsâwlchâk khatna chuh a chieh a, belhbu chuh lei chungah a sung tha ta a, tichun, sahang tiemtehna neite leh a lim hote chung achun meimasie na takin a hung suok ta a.

THUPHUON 12:4

A mei chun van aksi, mun thuma khena mun khat a luoi a, lei chungah a paih tha ta a. Nau a suok phat phata a valh zawh theihna dingin, dragon chuh numei nau nei ding âng achun a ding zing a.

THUPHUON 6:8

Tichun ka vak en a, ngaitie! sakawl dang ka mu a, a chunga chu pa min chuh “Thihna” a hi a, Mithi khuo’n a hun zui a. Ziete haw chuh lei mun li a khena mun khat chungah, kidona te kiel te hilegau te leh gamsate manga mi thah theihna thuneihna piek ahiu hi.

1 PETER 1:24

“Mi chengcheng hampa guol ahiu a, A lopina chengcheng u le, Hampa pak bang ahi. Hampa chuh a vuoi a, A pak chuh a pulh a,

JAKOB 1:11

Khutibang mah chun mi neizo vang chuh sukniem a a um ziekin kithang-at zaw hen, hampa pak banga hung mangthai ding ahi ngâla.

JOEL 2:30

“Van leh lei ah thilmakte hun muhsak ing ka ting, thisan te, mei te, meikhu nasa tak tawh,

PAWTDAWKNA 9:33

Chun, Mosi Pharaoh kawm apat leh khuo apat chun a pawt a, tichun, Lalpa lam ah a khut a zak a; tichun, van gi haw leh giel kie chuh a hung hai ta a, guoh chule a hai ta a.

THUPHUON 7:1

Zie nung chun, lei chung leh, tuisuohgiet chung leh, thing tin cheng chunga huih a nun lohna dinga tutâng dinga vânsâwlchâk li, lei ning li a ding ka vak mu a.