THUPHUON 8:2 - PATHIEN LEKHABU THIENGTHO (BSI)

² Chun, Pathien ma a vânsâwlchâk sagih ding sekte chuh ka mu a; chun, a kawm u ah pengkun sagih a pieu a.

THUPHUON 8:2 ပူးပေါင်းရင်းမြစ်များ

THUPHUON 11:15

Chun vânsâwlchâk sagihna chun a pengkun chuh a vak mût a, tichun, van apat in aw ngeih tak in, “Khawvel gam hih I Lalpau leh Krista gam a hung hi tai, amah chun kumkhuotuong in vaihawm ina!” a hun ti a.

LUKE 1:19

Chun, Vânsâwlchâk chun a dâwng a, a kawmah, “Gabriel, Pathien ânga ding sek ka hi a; hun hopih ding leh, zie chanchin pha chuh hun hilh dinga ei sawl ka hi.

THUPHUON 8:6

Chun, vânsâwlchâk sagih, pengkun sagih chawite chuh, mût dingin a kiguonggalh tau a.

MATTHAI 18:10

“Zie mi neucha haw laka khat hile musit lo dingin chingthei un;

THUPHUON 16:1

Pathien Lungnatna Belhbu chuh Ho-In sung apat chun aw ngeih tak in, vânsâwlchâk sagihte kawm achun, “Chieh unla, Pathien lungnatna belhbu chuh lei chungah sung thau in,” a tih ka za a.

THUPHUON 15:1

Chun, van ah melchikna dang, lopi tak leh mak tak hi ka mu a. Vânsâwlchâk sagih, gawtna sagih chawi hi a um a; zie chuh Pathien lungnat tawpna pên suklatna a hih tâk ziekin, gawtna tawpna pên chuh a hi tai.

ZEKARIA 4:10

Vânsâwlchâk chun ka kawmah, “Thaumei sagihte chuh Lalpa mit, khawvel pumpi ahin a vakviel sek uh ahi,” a ti a.

MATTHAI 24:31

Pêngkun gi nasatak tawh, chun, a van sawlchakte chuh lei ning li achun sawldawk in tin, tichun, a mi telte chuh kâwlmawng apat kâwlmawng tâwp tiengin lakhawm un au.

LUKE 21:36

Zieziekchun, zie thil hungtung dingte chuh pel tâk leh Mihiem Chapa masanga ding tâka guot na hih theihna dingun, bangtik lai inle paucham kawmin khawningai un,” a ti a.

1 KORINTH 15:52

mitphetkal lo in, sukdanglam in um vek tai tiu. Pêngkun a hung git tieng chuleh, mithite chuh, muot theilo a kaihthawh in um un tin uh; ei uh le sukdanglam in um vek tai tiu.

1 THESSALONIKA 4:16

Lalpa mawng chuh kiko thawm tawh, vânsâwlchâk chungnung pên aw tawh. Pathien pengkun gi tawh, van a kipata hung kum ding ahi ngâl a. Tichun, Krista gingcha a na thisate chuh hinna ah tho masa’n tin uh;

THUPHUON 1:4

Johan chun, Asia gama sapchuom haw lawi sagihte kawm achun: A umlaitak leh um sapa leh hung um kit ding pa kawm apat leh, a lalchutphah masanga Thagau sagih um haw kawm apat leh,

THUPHUON 8:13

Tichun, ka vak en a, mupi vanlaizawl a leng in, aw ngeih tak in, “Vânsâwlchâk thum, pengkun hun mût ding, zie gi hung um dingte ziek chun leia umte chung a gik ie! a chunguh a gik ie! a chunguh a gik ie!” a tih ka za a.

THUPHUON 9:1

Chun, vânsâwlchâk ngana chun a pengkun chuh a vak mût a, tichun, aksi, leia kie sa hi ka mu a, thampikuo-âwng chabi chuh a kawmah a pieu a.