THUPHUON 7:3 - PATHIEN LEKHABU THIENGTHO (BSI)

³ “I Pathien uh sawntawlawite chuh, a chalpâng uh a melchikna ka nam masang sieh uh, lei chung leh, tuisuohgiet leh, thing haw chuh susie tadih kiu un,” ti’n a kiko a.

THUPHUON 7:3 ပူးပေါင်းရင်းမြစ်များ

THUPHUON 22:4

Chun, amau chun a mel chuh muu un tin uh; a min u chuh a chalpâng u ah kizik ina.

EZEKIEL 9:4

Chun, Lalpa chun ka kawmah, “Khawpi chuh tawh viel inla, Jerusalem chuh tawh suok in; a sunga thil tenum kihih haw zieka lungkham a kap sek haw chuh a chalpâng u ah tiemteh in,” a ti a.

THUPHUON 9:4

A chalpâng uh a Pathien melchikna kinam nei lote ngâllo chuh, leia hampa le, thilhing himhim le, thing himhim le, susie lo dingin a hilh u a.

THUPHUON 20:4

Chun, lalchutphah haw chuh ka mu a, a chungah mi a chuu a, a kawmuh achun vaihawmna a pieu a. Chuleh, Isu thu hettuoksakna thu zieka leh, Pathien thu zieka ngâwng kitante thagau leh sahang leh a lim ho lo a, a chalpâng uh ahim, a khut uh a him a, tiemtehna nei lote thagau chule ka mu a. Ziete haw chuh a hung hing tau a, kum sangkhat a dingin Krista tawh vaihawm in a um tau hi.

THUPHUON 14:1

Chun, ka vak et leh, ngaitie! Belamno, Zion tânga ding leh, a chalpâng uh a a min leh a Pa min kizik, mi nuoi khat leh singli leh sangli a kawma umte chuh ka mu a.

THUPHUON 13:16

Sahang chun mi chengcheng, a lien a neu, a hau a vai, suok leh suok lo le, a khut changlam uh ah ahim a chalpâng uh ah ahim ah, zie tiemtehna chuh a neihsak chiet a.

PAWTDAWKNA 12:13

Chun, thisan chuh nang uh dingin na umna In uh melchikna hi’n tin; thisan chuh ka muh tieng leh hun chiehkân ing ka, tichun, Aigupta gam ka gawt tieng chuleh hipi chun nang haw hun sukha puona.

ISAI 54:17

Himahleh, bang tawbang gâlvan matchâkte’n le hun suna thei puo’n tin, vaihawmna muna thiem loh hun chan guo phawt chuh niel tha zel in na ti’n; Zie chuh Lalpa suokte gochan ahi a, a diktatnau chuh keia kipan ahi, Lalpa’n a tii.

THUPHUON 19:2

A vaihawmna haw chuh a dik in, a diktat a hi! Amah chun nawhchizuok lopi tak nu, a mi deihchak nawpna zieka leisiet supawlhcheh nu chuh thiemmawh a chan sak a. Pathien in a suokte thisan phuba chuh a la ta ngâla!” a tih ka za a.

THUPHUON 6:6

Chun, ganhing lite lak apat chun aw tawbang hin, “Makhai in suk loh buh dan khat, makhai in sakawlbuh dan thum; thau leh uain vang chuh susie ki’n.” a tih hi ka vak za a.

MALAKI 3:18

Tichun, mi dik leh mi nunsie, Pathien nasem leh ana sem lote kibatloh dân chuh hun mu ta’n lau,” ti’n.

PAWTDAWKNA 12:23

Lalpa chun Aigupta mite that dingin hun hawhpai ding ahi ngâl a; tichun kawtkhak chung leh kawtbieng tuoka thisan bek a muh tieng leh Lalpa chun kawt chuh chiehkân intin, thihna vânsâwlchâk chuh nang haw hun sulum dingin insung achun hun lut sak puo’n a.

JOHAN 12:26

Kuo’n le, keia ding a sep nawp chun, ei zui heh, ka umna ah kei dinga sempa le um ina; kuo’nle, kei ding a sep chun, amah chuh Pa’n limbawl ina.

MATTHAI 24:22

Zie nihaw chuh Pathien in a hih chawm ta a, hih chawm lo hileh, mihiem himhim dam in suokcha puo’n au, himahlele, a mi telte ziekin a hih chawm ta a.

ZEPHANIA 2:3

Nang haw, leia mi kingainiem chengcheng, a thupiek zuite haw, Lalpa chuh hawl un! Diktatna hawl un la, a masanga chun kingainiem un Tichun, Lalpa lungnatna ni achun na suokcha kha mawh ding u!

ISAI 65:8

Lalpa chun hiti hin a tii, “Grep tui chuh a gah apat kithawk dawk ahi a, susie kiu in, zie chun vangsakna a um hi” a tih guol un. Ka suokte ziekin sumangthai vek puo’ng ka ting; a bawn un sumangthai lo ding ka hi.

ISAI 27:8

Lalpa’n mipite a gawtna chuh sala a sawl a a nawhdawk chuh ahi a. Saklam huih chun amau chuh a puimang ta a.

ISAI 6:13

A sunga mite hi sawm laka khat a um lai chanin sukmangthai zawhin um un tin! himahlele, dawl thing leh gangpi thing a kiphuk nunga a bulsum a um zing bangin, chi thiengtho chuh a bul a na um zing ina,” ti’n.

ROME 6:22

Himahlele, tuhin chuh gitlohna lak apat kithiel dawkin, Pathien suokte na hung hih phet u hin, thienthona mu kham in, gah na hun nei tau apuo, a tawpna kumkhuo a hinna ngêi chuh.

MATTHAI 24:31

Pêngkun gi nasatak tawh, chun, a van sawlchakte chuh lei ning li achun sawldawk in tin, tichun, a mi telte chuh kâwlmawng apat kâwlmawng tâwp tiengin lakhawm un au.

DANIEL 6:16

Ziephet chun leng chun thu a pie ta a, Daniel chuh a hun pui u a, sakeibaknei kul achun a paih lut tau a. Leng chun Daniel kawmah, “Na Pathien, a na nasep zing sek pa chun hun hukdawk hen,” ti’n a gen a.

DANIEL 3:26

Tichun, Nebuknezar chuh hâltuina meipi kawtkhak achun a chieh to a, “Shadrak, Meshak leh Abednego te haw, nanguh Chungnung pên Pathien suokte haw, hung pawt unla, zie hin hung un,” ti’n a vak hopih a. Tichun, Shadrak, Meshak leh Abednego te chuh mei lak apat chun a hung pawt tau a.

DANIEL 3:17

Ka Pathien uh, a na ka sep sek u chun hâltuina meipi apat in ei hukdawk thei ngâla, na khut apat inle, Aw lengpa, ei hukdawk mai ina. hâltuina mei apat in le ei hukdawk tei in a.

EZEKIEL 9:6

Teksie haw, tangval haw, nungak haw, naupang haw leh nupi haw chuh that suok kêi unla; ahihziekin, tiemtehna nei haw vang chuh va naih kiu in; ka mun thiengtho a chun pan un,” a ti a. Khutichun, Ho-In maia upa haw a chun a pan tau a.

JOHAN 3:33

Himahleh, kuole, a thugen pawm ta phawtte chun, “Pathien chuh Diktat ahi” ti’n a sudet sek hi.

THUPHUON 7:1

Zie nung chun, lei chung leh, tuisuohgiet chung leh, thing tin cheng chunga huih a nun lohna dinga tutâng dinga vânsâwlchâk li, lei ning li a ding ka vak mu a.

THUPHUON 7:2

Chun, vânsâwlchâk dang khat. Pathien hing tiemtehna chawia. suohlam apat hung dawk hile ka vak mu a. Amah chun vânsâwlchâk li, lei chung leh, tuisuohgiet suksiet theihna a piekteu kawm achun. aw ngeih takin,

THUPHUON 13:17

Zie tiemtehna sahang min ahim, a min nambar ahim neite ngâllo chun, kuoma’n bangmah a zuok uh a, a châwk theih lohna dingun.

THUPHUON 14:9

Chun, vânsâwlchâk thumna chun aw ngeih tak in, “Kuo’n le, sahang leh a lim chuh he a, a chalpâng u ah ahim, a khut uh a him a tiemtehna nei taphawtte chun,