THUPHUON 7:2 - PATHIEN LEKHABU THIENGTHO (BSI)

² Chun, vânsâwlchâk dang khat. Pathien hing tiemtehna chawia. suohlam apat hung dawk hile ka vak mu a. Amah chun vânsâwlchâk li, lei chung leh, tuisuohgiet suksiet theihna a piekteu kawm achun. aw ngeih takin,

THUPHUON 7:2 ပူးပေါင်းရင်းမြစ်များ

EPHESI 4:30

Chun, Pathien Thagau Thiengtho chuh sulungkham kiu in, tatna ni tienga dingin amah a chuh mawhuol kinam na hi ngâl u a.

2 KORINTH 1:22

Amah chuh, amah a ngêi I hih uh hetna dinga, tiemtehna mawhuol ei nam khumpa leh, I lunggil u a Thagau ei piepa chuh ahi kit hi.

THUPHUON 9:4

A chalpâng uh a Pathien melchikna kinam nei lote ngâllo chuh, leia hampa le, thilhing himhim le, thing himhim le, susie lo dingin a hilh u a.

2 TIMOTHE 2:19

Himahlele, Pathien suongphum dettak chuh suk tawih ding guol ahi puoh a; a chung achun zie thu haw hi zik ahi: “Lalpa chun amah a haw chuh a he a,” tih leh, “Lalpa min lo taphawtte chun gitloh taihsan hen,” tih hi.

EPHESI 1:13

Nang u le, hukdamna a hun pui, Chanchin pha thudik na zak u khan Pathien mite na hi tau kha. Krista na gingchau a, chun, Pathien in amah a na hih uh etsakna dingin, thagau Thiengtho a tiem ngeia chuh mawhuol nam khum na hi tau hi.

THUPHUON 5:2

Chun, vânsâwlchâk hât tak aw ngeih tak a, “Kuo a zie lehkhabu a tiemtehna haw hi hihsie a, phel tâk um?” ti a kiko le ka mu a.

JOHAN 6:27

An khadang a mang mai ding delh in phe phe kiu in, himahleh kumkhuo a hin chana um ding an, Mihiem Chapa’n a hun piek ding chuh delh in phe zawu un: Pa Pathien chun amah chuh a melchik ta ngâl a,” a ti a.

THUPHUON 1:3

Zie hilhlawkna bu thu sim a, ngaitha a, a sunga thu kizik zawpte chuh a hamphau ui; zie thil haw hungtunna ding chuh a nai ta ngâla.

THUPHUON 10:4

Chun, van-gi sagihte’n a awu a hun suoh phet un, zik ka guot leh, “Vangi sagihte thugen chuh îm chak inla, zik dah ta’n,” ti’n van apat in aw ka za a.

THUPHUON 10:1

Chun, vânsâwlchâk dang khat, van apat a hung kum suk hi ka mu a. Meitang a kivan a hi a, a luchang kimvel achun sakhizozum a um a; a mai chuh nisa tawbang a hi a, a keng chuh mei khuom tawbang ahi.

THUPHUON 8:3

Chun, vânsâwlchâk dang, gimlim hâlna sana bawm chawi kawmin a hung a, maichâm kieng achun a ding ta a. A kawm achun, gimlim tamtak, mi thiengthote pauchamna behlap ding leh, Lalchutphah maia sana maichâm a lat ding chun a pieu a.

SOLOMON LA 8:6

Na lunggil leh na banah tiemtehna bangin ei kawih in, hehpihna hi thihna bangin a hât ngâla, utna hile Sheol tawbang hiel in a hât a, mei guolin a kuong dawka, gamka guolin nasa takin a kuong zak hi.

HEBRAI 12:22

Nang haw vang, Zion tâng leh, Pathien hing khawpi, Angel sang tamtak te umna a chuh hung na hi zaw ngâl u a.

1 THESSALONIKA 1:9

Mipite haw chun, nang haw ka hung vehthak lai a nei na lawp dân u leh, Pathien hing leh diktak ho dinga, milim pathien apat na kihei kit danteu leh,

MATTHAI 26:63

Isu chuh la a thip kêi a. Ziephet chun, thiempu lienpen chun a kawmah, “Pathien Hing min a ka hun vau na hi, Krista, Pathien Chapa chuh na him? Kei uh nei hilh in,” a ti a.

MALAKI 4:2

Himahleh, nang haw ka thupiek zawpte ding chun, Dikna ni hung suok in tin, a thate a sukdamna tawh. Tichun, chieh dawk in na tin un, bâwngno a a kul a kithahdawk bang in khanglien un lau.

2 LENGTE 19:4

Asuria leng in Pathien hing gensie dingin Rabshakeh a hun sawl a. Lalpa na Pathien chun zie ho sietna thu leh gensietna thu chu hun za’n, zie tawbanga gente chu gawt hen. Zieziekchun, Pathien kawmah, ka mipite hinhawih a umsunte ding chun paucham in,’ a tii,” a tiu a.

1 SAMUEL 17:36

Na suok hin sakeibaknei leh savawm a that kha gêl gêl ta a: chun, zie zektan loh Philistia pa hi le amau chu bang zieng lo ding ahim, Pathien hing sepaihte a cho ngâla,” a ti a.

1 SAMUEL 17:26

Chun, David chun a kienga dingte kawm achun, “Zie Philistia pa that a Israel te minsietna lamang pa ding chun bang hihsak ahi dem? Zie zektan loh Philistia pa hi kuo ahim, hingzing Pathien sepaihte a vak cho viel a?” a ti a.

DAN NIHNA 5:26

Taksa nei taphawt mei apat a Pathien hing aw I het guol u a he a, hing nalai kuo a um?

MALAKI 3:1

“Ngaitiem u! ka sawlchak hun sawl ding ka hi a, Ka masangah lampi hun guonggalh ina. Tichun, na hawl uh, Lalpa chuh a Ho-In ah thakhat in hung phut ina. Thuthun Sawlchak na kipahpih u chuh hung in tin, ka thu chuh hung phuong dawk ina,” Bangkim hihthei Lalpa chun a tii.

ISAI 41:2

Suohlam apat a mi khat hun chawktho pa chuh kuo a? A chiehna lam chengah zawhna a pie sek a, lengte chungah vai a hawm seka; amau chuh leivui bangin chemzâm kawmah a pie a; buhsi huih mût lawn bangin a thalphel kawm achun a pie a.

EZEKIEL 9:4

Chun, Lalpa chun ka kawmah, “Khawpi chuh tawh viel inla, Jerusalem chuh tawh suok in; a sunga thil tenum kihih haw zieka lungkham a kap sek haw chuh a chalpâng u ah tiemteh in,” a ti a.

MATTHAI 16:16

Ziephet chun, Simon Peter in a dâwng a, “Krista, Pathien Hing Chapa chuh na hi,” a ti a.

THUPHUON 9:14

Zie aw chun vânsâwlchâk gupna, pengkun chawipa kawm achun, “Euphrates luipi a vânsâwlchâk li, kikante khah phel ta’n,” a ti a.

THUPHUON 16:12

Chun, vânsâwlchâk gupna chun a belhbu chuh Luipi lien, Euphrates chung achun a sung tha a, tichun, suohlam apat a leng hung kuon dingte lampi chuh hawn a hih theihna dingin, luipi chuh a kang tan ta a.