THUPHUON 7:12 - PATHIEN LEKHABU THIENGTHO (BSI)

¹² “Amen, vangpiekna le, lopina le, chitna le, Kipah thugenna le, limbawlna le, Thilhih theihna le, hatna le, Kumkhawtuong in I Pathien uh kawm achun um hen. Amen,” ti’n, Pathien a pakchau a.

THUPHUON 7:12 ပူးပေါင်းရင်းမြစ်များ

JUDA 1:25

I Hukdampau, Pathien takpa mai kawm achun, I Lalpau Isu Krista vangin, lopina, chungnunna, vaihawmna, leh thuneihna chengcheng, phat himhim um ma’n le, tu’n le, chuleh, kumkhawtuong in um zing ta hen. Amen.

THUPHUON 19:4

Khutichun, upa sawmnih leh lite leh, ganhing lite chun khupbawk in, “Amen, Halleluia,” ti’n, Pathien, Lalchutphah a chu pa chuh a ho uh a.

KOLOSSA 3:17

Chun, na hih tak uh chuh, thugen in ahim, thilhih in ahim, amah zâla Pa Pathien kawma kipahthu gen kawmin, Lalpa Isu min in hih vek un.

SAM LEHKHABU THE PSALMS 100:4

Kipah thugen kawmin a kawtkhak achun lut unla, Pakcha kawmin a huongsung inmai achun lut un: A kawmah kipahthu gen unla, Amin chuh pakchau un.

JONA 2:9

Himahleh, ken vang, na kawmah kipah thugen ing ka, Na kawmah kithawihna lân ing ka ting: ka thutiem chuh hih guitung ing ka. Hukdamna chuh Lalpa a ahi ngâl a!” ti’n.

SAM LEHKHABU THE PSALMS 147:7

Kipahthu gena Lalpa chawiân in la sau inla, Kingkang tawh I Pathien uh pakcha’n lasau in.

SAM LEHKHABU THE PSALMS 107:22

Amah chun kipahthu gen kithawihnahaw chu pie hen la, A thilhih haw chu kipahna lasa’n hilh u hen.

SAM LEHKHABU THE PSALMS 89:52

Lalpa chuh kumlekhuo’n pahchak in um hen. Amen, Amen.

SAM LEHKHABU THE PSALMS 72:19

Amin lopi tak chu kumlekhuo’n pahchak in um henla, Lei chung pumpi hi a lopina’n luoh suok hen. Amen, Amen.

SAM LEHKHABU THE PSALMS 41:13

Lalpa, Israel Pathien chuh, Kumsawt apat kumsawt tiengin pahchak in um hen. Amen, Amen.

JEREMIA 33:11

Lawpna aw te moneipa aw te, mo aw te tawh, Lalpa In a kipahthu genna thilpiek hun chawi kawm in “Sepaihte Lalpa chuh pakchau un, Lalpa chuh apha ngâla, A zahngaihna chuh kumlekhuo’n um ding ahi ngâla” ti a hun gen ding ahiu a, A tunga a um bang bang in gam chuh tungdawk kit ding ka hi ngâla, tih hi Lalpa kamsuok ahi.

ISAI 51:3

Zion chuh thamuon ing ka ting, a hawma taihsan a a umna mun cheng achun A gamgaw chuh Eden bangin siem ing ka ting, Lalpa huon bangin siem ing ka ting; zie tak achun ka kawma kipah thugenna te, pahchakna la te, lawpna leh kipahna thawmte um ta’n a.

KOLOSSA 2:7

Amah achun zung thuk taka khawh in, na hinnau chuh amah a lemto in, na taksannau achun hung hât deuh deuh tau in, sinsak a na um tâk bang u khan. Chun, kipah thugenna ngen a dim in hung um zawu in.

2 KORINTH 4:15

Zie thil bang cheng hi nangmau haw phatna ding ahi a, chun, Pathien hehpihna chuh mi tam zawsem chunga sukpuna a um guol zelin, Pathien lopina dingin, kipahthu nasa zawsem in gen un au.

SAM LEHKHABU THE PSALMS 116:17

Kipah thu gen kithawihna chu hun pie’ng ka ting, Lalpa min chuh lo ing ka.

SAM LEHKHABU THE PSALMS 106:48

Lalpa Israel Pathien chuh pahchak in um hen, Kumsawt apat kumsawt tiengin. Chun, mi chengin, “Amen,” tiu hen. Lalpa chuh pakchau in.

SAM LEHKHABU THE PSALMS 95:2

Kipah thugen kawmin a masang ah chieh dii tiu ie, Pahchakna la sa a amah chawiân in lawp takin aw suoh hitiu.

MATTHAI 6:13

Thepna ah ei puilut ki’n la, Gitloh apat in ei hukdam zaw’n; Gam leh, thilhih theihna leh, lopina chuh, Kumsawt in nanga ahi ngâl a. Amen.’

JEREMIA 33:9

Tichun, zie khawpi hi lei a mi chengcheng, amau a dinga thilpha ka bawl mu chengcheng te masang achun kei a dingin, lawpna te, limbawlna te, lopina te hi’n tin; phatna leh muonna a chung u a ka tunsak haw cheng ziekin lau in kilîng un au.”

SAM LEHKHABU THE PSALMS 50:14

Pathien kawma kipah thugen kithawihna chu lân zaw’n la; Na thutiem haw le Chungnung pên pa kawmah huitun sak in:

NEHEMIA 12:46

Malai a David leh Asaph damlai chun lasa pawl a lawiupa leh pahchakna lasate kipahthu gen pawlte a um u a.

NEHEMIA 12:8

Ziehaw bana chun Levi chite, Jeshua, Binnui, Kadmiel, Sherebia leh Juda leh Mattaniah leh a suohpihte tawh kipahthu genna lasa a mapui ahiu hi.

THUPHUON 1:18

A hingzingpa chuh ka hi! Ka hung thi a, himahleh, ngaitie, kumkhuotuong a dingin ka hung hing kit tai. Thihna leh Thihna khawvel chung achun thu ka nei tai.

ROME 11:36

Amah apat leh, amah vang leh, amah a dingin thil chengcheng hi hung um ahi ngâl a. Amah kawm achun kumkhuo’n lopina chuh um hen. Amen.

1 KORINTH 14:16

Khutichun, thagau maia Pathien kawma kipahthu na gen chun, kikhawpnaa tel dangte chun, bangti’na, na kipah thugenna a chuh, “Amen” a tih theih dinguh? Na thugen hetna ding a nei puoh ngâl a.