THUPHUON 5:6 - PATHIEN LEKHABU THIENGTHO (BSI)

⁶ Chun, lalchutphah lailung a ding, Belamno, ganhing lite leh upate um kimvela um chuh ka mu a. Zie Belamno chuh a kithat sa hi leh kilawm tak hin a kilang a. Ki sagih leh mit sagih hi a nei a, ziete chuh Pathien Thagau, khawvel pumpi chunga sawl dawka umte chuh ahiu hi.

THUPHUON 5:6 ပူးပေါင်းရင်းမြစ်များ

ZEKARIA 4:10

Vânsâwlchâk chun ka kawmah, “Thaumei sagihte chuh Lalpa mit, khawvel pumpi ahin a vakviel sek uh ahi,” a ti a.

THUPHUON 5:12

chun, aw ngeih tak in, “Belamno thahsa pa hih Thilhih theihna te, neihzawhna te, chitna te, Hatna te leh limbawlna te, lopina te, vangpiekna te mu tâk a hi ie,” a tiu a.

JOHAN 1:29

Chun, a zing chun, Johan in Isu a kawma hung dingin a mu a, a gen a, “En tiem u, Pathien Belamno, vannuoi gitloh la mang pa khuh!

ZEKARIA 3:9

Ngaitie, Joshua masanga ka suong kawih chuh, suong khat achun mit sagih a um a, a chunga chun vih kuok thawh in lehkha zik ing ka ting, zie gam sunga gitlohna chengcheng hi ni khat thu’n lamang vek ing ka tih hi Bangkim hihthei Lalpa thugen ahi.

THUPHUON 13:8

Tichun, lei chunga um chengcheng, lei kisiem tunga thahsa Belamno Hinna Lehkhabu a min zik loh taphawtte chun, Pathien ho tawbang in ho un au.

JOHAN 1:36

Isu chieh viel lai a mu a, “En tiem u, Pathien Belamno khuh!” a ti a.

THUPHUON 1:4

Johan chun, Asia gama sapchuom haw lawi sagihte kawm achun: A umlaitak leh um sapa leh hung um kit ding pa kawm apat leh, a lalchutphah masanga Thagau sagih um haw kawm apat leh,

DANIEL 7:14

A kawm achun thuneihnate, lopinate, leh leng thilhih theihnate chuh piek ahi a, mitin te, namtin te, leh pautin te chun a na sep sak un au. A thuneihna chuh kumlekhuo’n um in tin, bei ngei talo ding ahi a, lalgam chun tawp ni neita puo’n a.

NASEPTE 8:32

Chun, lehkhabu a sim lai chuh ziehi ahi: “Thah dingin belam guolin amah chuh a pui u a; Belamno a mulmetpa maa a thip kêi guolin, Ama’n le a kam a ka puoi;

THUPHUON 22:3

Chun, zie khawpi sung achun hansie him um ta puo’n tin, Pathien leh Belamno lalchutphah chuh um zaw ta’n tin; tichun, a suokte chun amah chuh zenviel un au.

2 KHANGTHUBU 16:9

A mah lama lunggil diktak pute chunga a hatna latsak dingin khawvel chengcheng ah Lalpa’n a mit a tawl viel viel sek ahi. Ngawlhuoi taka thil a na hih na hi tai; tukhel chu galdo ding nei zing zing ta’n la,” a ti a.

THUPHUON 22:1

Chun, amah chun hinna luipi chîm tak, krustal suong tawbanga val, Pathien leh Belam No Lalchutphah apat hung luong dawk chuh ei etsak a.

THUPHUON 21:23

Zie khawpi chun, a salhvak dingin nisa a ngai puoh a, tha le a ngai diek puoi; Pathien lopina chun a salhvak a, a thaumei uh chuh Belamno ahi ngâl a.

THUPHUON 17:14

Ziete haw chun Belamno chuh do un tin; himahleh Belamno chun, a telte, leh amah nungzui ginumte chu tawh amau chuh zo unau; amah chuh Lalte Lal leh, Lengte Leng a hih ziekin,” ti’n.

THUPHUON 12:11

Belamno thisan vang leh, thudik a hettuoksak thuu vanga guolzote a hiu a, a hinnau chan khawp leh thih ngama pang te a hi ngâl uh a.

THUPHUON 6:16

Tichun, tângte leh suongpite kawm achun. “Ei delh khum unla, Lalchutphah a chu pa maikawk apat leh Belamno lungnatna apat ei lieh u!

LUKE 1:69

A suokpa David suona kipat chun, Hukdamna ki ei siem sak ta ngâla.

1 SAMUEL 2:10

Lalpa dote chu phieh dimdem in au, Vana pata vanpi git in do intin: Lalpa chun kâwlmawng tiengin vaihawm in tin; A leng chu hatna pien tin, a thaunuh ki chu dawmsang ina,” a ti a.

HABAKKUK 3:4

Kawlphe tawbanga vakin a hung a, A khuta pat in vak a kikhawh dawk zawt zawt a, a thilhih theihna selgûk a umna mun apat ngêi chun.

MIKA 4:13

Aw Zion chanu tho in la, chil in, na ki chuh thik bangin siem ing ka ting, na kengbawm haw chuh sumeng guolin siem ding ka hi ngâla: chun, chi tamtak te chuh khen nêl in na tin, pawngbawlna zieka hauhsakna a neih teu cheng chuh khawvel pumpi Lalpa a ding in lân thiengtho in la.

KISIMNA 7:57

Hâlmang thillat dingin bâwngchal tuoi khat, belamchal khat, belamno achal kum khata upa khat,

DANIEL 8:3

Tichun, ka mit ka thawlh to a, ka vak en a, ngaitie, luipi panga chun belamchal, ki nih nei hi ana dinga; chun, ki nih te chuh a sang gêl gêl u a, mahleh, khat chuh khat sang chun a sang zaw a, a sang zaw chuh a hung um dawk nunung zaw a.

THUPHUON 4:8

Chun, ganhing lite chuh, tha gup nei chiet, a kimvel cheng leh a sung uh mita dim ahiu hi. Chun, “Lalpa Pathien, Bang cheng hihthei, umsa pa leh, um lai tak leh, hung um kit ding pa chuh, A thiengtho ie, A thiengtho ie, A thiengtho ie!” ti’n sun leh zan in a chawlnga kha puou hi.

THUPHUON 5:11

Chun, ka vak et kit leh, lalchutphah leh, ganhing lite leh upate kimvel achun, vânsâwlchâk sang tamtak aw hi ka vak za a! Amau haw chuh lalchutphah kimvel leh, ganhing lite leh upate kimvel achun a dinguh a,

THUPHUON 5:13

Chun, van leh, lei chung leh, lei nuoi leh, tuisuohgiet a thilsiem tin cheng umte leh, vankhupsin nuoia um chengcheng te chun: “Lalchutphah a chu pa leh, Belamno kawm achun, Vangpiekna leh, limbawlna le, Lopina le, vaihawmna le, Kumkhawtuong in um hen,” a tih uh le ka za a.

THUPHUON 5:14

Chun, ganhing lite chun, “Amen,” a tiu a. Upate chun le khupbawk in a ho uh a.

THUPHUON 14:1

Chun, ka vak et leh, ngaitie! Belamno, Zion tânga ding leh, a chalpâng uh a a min leh a Pa min kizik, mi nuoi khat leh singli leh sangli a kawma umte chuh ka mu a.

THUPHUON 21:22

Chun, khawpi sung achun Ho-In himhim ka mu puoh a, Lalpa Pathien, Bangakai hihtheipa leh Belamno chuh a Ho-In uh ahiu hi.

KISIMNA 7:39

Hâlmang thillat dingin bâwngchal tuoi khat, belamchal khat, belamno chal kum khata upa khat.