THUPHUON 4:7 - PATHIEN LEKHABU THIENGTHO (BSI)

⁷ Ganhing khatna chuh keipi bakkai tawbang a hi a. Ganhing nihna chuh bâwngno tawbang a hi a, ganhing thumna chun mihiem mel tawbang a pua, ganhing lina chuh, mupi leng lai tawbang ahi.

THUPHUON 4:7 ပူးပေါင်းရင်းမြစ်များ

EZEKIEL 10:14

Chun, Cherub cheng chun mel li a nei chiet u a: mel khatna chuh Cherub mel ahi a, mel nihna chuh mihing mel ahi a, mel thumna chuh sakeibaknei mel ahi, chun, mel lina chuh mupi mel ahi.

EZEKIEL 1:10

Thilhing lite chun mai li a nei chiet u a; malam ah mihing mel a puu a, changlam ah sakeibaknei mel, veilam ah bâwngchal mel, chun, nung lam ah mupi mel a puu hi.

EZEKIEL 10:21

A bawn un mei chuom li leh tha li a nei chiet u a, a thanuoi u achun mihing khut tawbang a um a.

THUPHUON 4:6

Chun, lalchutphah masang achun, lim-et tuisuohgiet tawbang, krustal suong banga a val le a um a. Lalchutphah kimvel cheng achun. ganhing li malam leh nung lam mita dim a um uh a.

DANIEL 7:4

A khatna chuh sakeibaknei tawbang ahi a, mupi tha tawbang hi a nei a; a tha haw chuh bawhtawt a a um a, lei apat a dawpkang ahih a; mihing banga keng nih a ding dinga siem ahi a, mihing lunggil piek ahih chanin ka en zinga.

EZEKIEL 1:8

Mai li leh tha li tihloh chun, a sik u achun mihing khut tawbang li a nei chiet u a, a tha nuoi chiet u ah a um u a.

ISAI 40:31

Himahleh, Lalpa ngakte chun vang, a hâtnau chuh la thak kit untin; mupi bangin tha’n leng to untin; tai un tin, mahleh, châwl puou untin; chau lo in keng in chieh un au, ti’n.

DAN NIHNA 28:49

Gamla tak apat, kâwlmawng apat in, mupi kisukkhawh guola chan-gang, a pau le na hetloh uh nam chuh nang u hun do dingin Lalpa’n hun pui intin;

OBADIA 1:4

Mupi bangin sang takin lengto in la, na bu chuh aksite laka sieh mahleh chin, zie apat chun hun luoi tha ding ka hi, Lalpa’n a tii.

THUCHINGTE 28:2

Gam khat chuh a hung hel tieng leh thunei ding a tam seka; himahlele, mi hetthiemna nei leh hetna neite ziekin nam chuh a bit sek hi.

2 SAMUEL 1:23

Saul leh Jonathan umdan chu a deihum in a hawih a, A thih un le a kikhen puou, Mupite sangin a chanpha zawu a, Sakeibakneite sangin a hât zawu hi.

THILSIEMBUL 49:9

Juda chuh sakeibaknei bang ahi a, A sa nek ding that a, a kul lama vai kit a, Kizeh a, kuol tawbang ahi, Kuoma’n a subuoi ngam puou hi.

1 KORINTH 14:20

Suohpihte, ngaihtuohna lam ah chapang kiu inla, thil gilo lama vang, nau sen unla; na ngaihtuohna lam u vang achun, piting hiu un.

KISIMNA 24:9

Namte chuh sakeibaknei banga hât ahiu a, A ihmut chuh kuoma’n a phawng ngam lo uh ahi. Kuole Israel te vangsak chuh vangsak in um intin, kuole hansie lawh ta chuh hansie lawh in um un au,” a ti a.

KISIMNA 23:24

Israel namte chuh sakeibaknei hât tak bang ahiu a, a nek zawh masang u leh a suksiet zawh kêi masang u chun châwl puo’n au, a thah teu thisan a dâwn zawh masang cheng u chuh a hai puou hi,” a ti a.

THUPHUON 6:3

Chun, tiemtehna nihna chuh Belamno chun a vak phel leh, ganhing nihna chun, “Hung ah,” a tih ka za a.

THUPHUON 6:5

Chun, Belamno chun tiemtehna thumna chuh a vak phel leh, ganhing thumna chun, “Hung ah,” a tih ka za a. Tichun, ka vak en a, ngaitie! sakawl vawm ka mu a; a chunga chu pa chun thil tehna a chawi a.

THUPHUON 6:7

Chun, Belamno chun tiemtehna lina chuh a vak phel leh, ganhing lina aw chun, “Hung ah,” a tih ka za a.